ميرا 98

**عزيز محمد** · 14-06-2007 05:31 PM

السلام عليكم ورحمة الله وبركاته

الحمد لله رب العالمين اشتريت ميرا 98، وهى والحمد لله استعمال نظيف جدا ولكن....

النهاردة روحت بيها توكيل ديهاتسو اللى فى العبور عشان اكشف عليها كشف تفصيلى وأشوف إيه اللى فيها محتاج يتغير وكانت المفاجأة إن المهندس هنالك قال لى إن معظم قطع غيارها مش موجودة عندهم :shock: :shock:

ولما لاقانى اتصدمت قاللى بس إحنا ممكن نجيب هالك بس هتكون غالية شوية...
ليه ياعم: قاللى أصل إحنا لسه واخدين التوكيل فى الصيف اللى فات ومش عندنا قطع غيار الموديلات كلها....
طب والحل؟؟
قال لى فيه محل اسمه (اوشين - قال يعنى عشان يبقى دليل إنه يابانى أبا عن جد) فى الحرفين هتلاقى عنده الحاجت اللى إنت عاوزها بإذن الله
طيب إيه الحاجات اللى عاوزة تتغير؟؟
راح ما شاء الله مطلع قائمة فيها 32 عنصر إشى طنابير وتيل ومساعدين وكاوتش وجنوط...إلخ. المهم

المهم الناس عملوا الكشف ده مجانا وجربوا العربية والحمد لله على كده

دلوقتى باه ان مش عارف اعمل إيه؟؟
بصراحة أنا من النوع اللى ما لم يتعامل مع ميكانيكى من قبل
فيا ترى تنصحوا بإيه؟؟ اروح اوشين اجيب الحاجات دى؟ طيب وأركبها عند التوكيل ولا حد يعرف مركز خدمة لديهاتسو يكون محترم برضه بس سعره متهاود شوية؟؟

مستنى ردكم دام فضلكم وجزاكم الله خيرا

**أبو عبدالله** · 14-06-2007 05:42 PM

انا رحت قبل كده لأووشين ده وهو فعلا هتلاقي عنده غالب الحاجت دي اذا مكنشي كلها وبرضه روح له وشوف هو هيدلك على مين

وبرضه متقلقشي لأن قطع غيارها موجوده لأن العربيه موجود منها في السوق كتير جدا

**عزيز محمد** · 15-06-2007 09:14 AM

السلام عليكم ورحمة الله وبركاته

طيب ما تدلنى على مكانه يا أبو عبد الله ولك الأجر والثواب

بس يا ريت تشرح بالتفصيل شوية عشان أنا لم أذهب إلى الحرفيين قبل كده

وبعدين ماقولتليش أسعاره عاملة إيه؟؟

والسلام عليكم ورحمة الله

**أبو عبدالله** · 15-06-2007 11:06 AM

بس انت روح هناك وهو أشهر من النار على العلم أصل ان انا أشرحلك هو فين بالظبط دي صعبه ولكن هو على الشارع الرئيسي يعني مش يتوه ولا حاجه وبعدين عالطول هتلاقي الشارع كله بيلف ناحية الشمال ليدخل في نصف الورش وهو عموما بعد جامع هناك تقريبا الجامع الوحيد الكبير هناك ........ بس هو مشهور جدا
والأسعار مش عارف قوي والله بس اكيد كويسه يعني