ميرا 99 ايه رايكم

**msabry** · 25-07-2009 12:12 PM

شبابنا
انشاء الله اقدامي ميرا 99 معقوله حالتها تكييف + باور
ايه رايكم فيها عامة ؟؟؟؟! وسعرها؟؟؟

**SOBKY** · 25-07-2009 12:50 PM

انا بصراحة ما ركبتهاش قبل كده ..
بس كانت معروضة عليا قبل كده من 3 سنين موديل 2000 كلنت عاملة 22000 جنيه ..
طبعا ده في عز الغلا..
و كان خالي هو اللي جابهالي .. في اسكندرية. .. و هو كان اصلا عنده معرض عربيات .. و خبرته ممتازة.
و سالته عن كفائة الميرا عامة ... قاللي باللفظ ... دي اسطورة ,, لان حجمها الصغير في الزحمة بتاعتنا دي مع صالون مش صغير و مكنة قوية و اوبشنز كامل.. تبقى فعلا ممتازة. و كمان قطع غيار الدايهاتسو المستعمل مالي الدنيا.
انا ما اخدتهاش علشان سافرت برة مرة تانية و ما قعدتش في مصر.
دي معلوماتي عنها ..
و طبعا الشباب مش هايقصروا في الرد.

**amr_elrashidy** · 26-07-2009 02:44 PM

كان عندى فى الشركة عربية ميرا بس مو 92..مش حقولك غير انها حمارة شغل..عملت 300 الف شغل بهايم..جرى و قرص و شيل بضاعة و سفر كتير جدا و كل ماتتخيله.. بس الصيانة كانت دوريا بتتعمل..مغيرتش اى حاجه فى موتورها غير اسطوانة الدبرياج..و 2 كوبلن و 2 مساعد و شكرا و اتباعت ب 18 الف من 4 سنين..بس كانت قطع غيارها شحيحة شوية

**bNile** · 27-07-2009 12:12 AM

الأسعار الأن على مقدار معلوماتى بتبقى كالأتى:
المانيول فى أواخر العشرينات (26ّّ-29).
الأتوماتيك فى أوائل الثلاثينات (30-35).
و طبعا فروق الحالة بتبقى على حسب الحالة ولو الدهان فابريقة جوة و برة و حالة الصالون و حالة الموتور و العفشة و العجل ... الخ

**shaltot** · 27-07-2009 03:01 PM

الميرا مو 1999 سعرها من 27 الى 35 حسب حالتها وهي سيارة ممتازة لما تكون سليمة

**wael_dev** · 27-07-2009 10:35 PM

انا شاري عربيتي موديل 94 من سنة او اقل ب 23 !!! وفي نفس التوقيت اتفرجت علي 3 عربيات في نفس الرينج وموديلات تترواح مابين ال 92 و 94 !!!!

وكان قدامي من شهرين عربية ميرا 2000 كان صاحبها عاوز فيها 23 بس كان فيه شغل بتاع 3000جنيه كمان يعني تقدر تقول ب 26 موديل 2000 وكانت باور وتكييف وحالتها ممتازة بس محتاجه شوية شغل تغيير مساعدين علي قواعد موتور علي شوية حاجت تكلفتها تصل ل 3

وعربيتي موديل 94 حاليآ اتعرض عليا فيها 19 ده اول الكلام يعني لو شديت هيبقوا عشرين لأن العربيات رخصت الفترة الي فاتت فعلآ فتقدر تقول موديل 99 تعملها 25 مثلآ حسب الحالة طبعآ ممكن تكون اقل بس اكشف عليها كويس قوي واطمن وربنا يوفقك