الموضوع: العربية ادمرت في ثواني ! معقولة فيه كدة ؟ ؟

ياساتر ايه البشاعة دى
انا نفسى يتعظو ويبطلو الهبل ده

يا سيدى الفاضل التفحيط دا بيبقى على سرعات عالية اوى يعنى اقل حاجة بيبقى على 180 ساعة ما يبداء يلعب زى ما شوفت هو كان لسه فى اول الشوط يعنى ساعة ما نقول مكانشى ماشى كان اكيد مش اقل من 150 ودى حاجة طبيعية لما تكون على 150 وتلبس فى ديل تريلا بس هو يمكن انت مش مقدر السرعة عشان الفيديو بس

اعتقد ان ده عاااااااااااااادى جدا لأن السرعات اللى الشباب بيفحطوا عليها بتكون عاليه جدا انا شفتها فى هوندا أكورد كانت 180كم/س ... وخلى بالك التريلا كساحة سيارات يعنى حائط حديد والسوناتا خبط من الجنب والرفرف الخلفى والقايم طبعا هما اللى طاروا والعربية مش اتقسمت ولا حاجه
اللى صعبان عليا فى الفيديو ده مش اللى سايق العربية ولكن سواق التريلا راجل ماشى فى حاله وده شغله يلاقى واحد مستهتر داخل فيه وموقف حاله ... الحمد لله ان العربيات اللى هوه شايلها مش جرى لها حاجه

المشاركة الأصلية كتبت بواسطة donzi

معلش يا جماعة يعني ايه تفحيط و بيفحطوا ؟؟؟

حسب ما فهمت يعنى ..التفحيط ده الى هو الفرك ..او الامريكانى ..
و احتمال يبقى الدريفتات الى هى ان العربيه تمشى بجمبها ...
واضح انى مش فاهم و عاوز حد يفهمنى
بالنسبه للفيديو
انا شايف ان النتيجه عاديه جدا
عربيه ورق
دخلت فى تريلا ..عادى
محدش شاف اختبار الفورد فوكاس على سرعه 200 ؟؟ :)))))

المشاركة الأصلية كتبت بواسطة yoko

أولا دي إلانترا البومبيه والكل عارف إنها صاج وشاسيه خفيف جدا وده خابط في تريلا حديد صلب وبجمب العربيه يعني أقل مسافه بين الصاج والشاسيه فطبيعي جدا
تاني حاجة الدريفتات في السعوديه في الطرق سريعة بتبقى كلها فوق ال140 مستريح (شوفت بعيني كذا مره وانا هناك) فده طبيعي جدا وممكن اوريك حوادث أنيل بمجرد إن كاوتشه نزلت في الرمل يطير ويتقلب 3 أو 4 مرات في الهواء قبل ما العربيه تلمس الأرض اول لمسه

200 دي السرعه العادي أظن ال بيكون ماشي ع 140 بيكون اللي هوا خايف شويه

المشاركة الأصلية كتبت بواسطة Donzi

معلش يا جماعة يعني ايه تفحيط و بيفحطوا ؟؟؟

تفحيط وهجوله دي زي بالبلدي كدا التخميس عندنا بس هما طوروا من نفسهم وبيعملو دريفتات وحركات ع سرعات عاليه بتوصل ل 200 لأن التخميس واللعب بالعربيات بقت موضه قديمه عندهم ودي بتعتمد بنسبه كبييييره جدا ع سواق بس كله بأيد ربنا طبعا ونصهم بيموت وهوا سايق او وهوا بيتفرج

‫نطل على سرعة 200‬‎ - YouTube