الخدمات الطبية لأعضاء المنتدى

**اسلام المصرى** · 28-05-2008 02:22 PM

بسم الله الرحمن الرحيم
جزاك الله خيرا :) شكرا جزيلا على هذه المبادرة الطيبة يا sniper2010 , كان نفسنا نتشرف بأسم حضرتك.

**sniper2010** · 28-05-2008 03:09 PM

على فكرة اسلام المصري ده اسم واحد صاحبي دكتور
بس معلش يا جماعة محدش يلح عليا في حكاية الاسم دي
ووعد مني اني اقول اسمي بس في الوقت المناسب

**sniper2010** · 28-05-2008 04:47 PM

صديقي العزيز medo1ahmed1
المشكلة دي عبارة عن التهاب مزمن بالمسالك البولية وده لازمة علاج لمدة شهرين بدواء اسمه uvamin100
ياخد قرص كل 8 ساعات لمدة أسبوعين وبعدين قرص واحد يوميا لمدة 6 أسابيع ثم يكرر مزرعة البكتيريا عشان يشوف النتيجة و إن شاء الله ربنا يشفيه

**Dr Ahmed** · 28-05-2008 05:04 PM

لا يستحسن وصف علاج بالإسم والجرعة دون فحص المريض ، وكتاب superguide وغيره لا يمكن إعتبارهم مراجع طبية ، يكفينا يا دكتور سنيبر إرشاد المريض للطريق الصحيح وتوعيته بالمعلومات الضرورية.

**sniper2010** · 28-05-2008 05:12 PM

طبعا يا جماعة كلام الدكتور أحمد صح 100 في 100
ويشمل ذلك أيضا ما يحدث في برامج التليفزيون اللي بقى بعضها دلوقتي عبارة عن إعلانات فقط لا غير

بس الحالة دي بالذات أنا عارفها لأنه قريب ميدو صاحبي

**emam** · 28-05-2008 05:30 PM

شكرا على المبادرة الكريمة يا دكتور sniper2010 لى سوال لو سمحت اخوى اجرى عملية استئصال الغدة (الموجودة فى اسفل الرقبة )من ثلاثة اشهر وبياخذ ليها علاج مش فاكر اسمة ايه بس هى حبايه صغيرة كدة وبياخذ قرصين يومين - المشكلة انه ساعات بينسى ياخذ العلاج دة ؟ هل فى مضاعفات لكدة وكمان ايه خطورة استئصال الغدة وكذلك هل مرض نشاط الغدة الذى يودى لاستئصالها يصيب النساء فقط وحالة اخى هذه استثناء ولا ايه . وشكرا مقدما على الرد يا دكتور

**sniper2010** · 28-05-2008 05:32 PM

على فكرة يا دكتور أحمد انا عاجبني تخصص ال Ent
وبفكر أخده
أنا ممكن يكون ليا نيابة في الجامعة
ربنا يسهل والإعلان ينزل
رأي حضرتك إيه

**sniper2010** · 28-05-2008 05:38 PM

إلى الأستاذ إمام
الغدة دي اسمها الغدة الدرقية وهي فعلا شائعة بين النساء عن الرجال ولكن أمراضها تصيب الرجال أيضا
بس أنا ما أقدرش أقول لحضرتك حاجة على الدواء إلا لما أعرف اسمه
وأعرف كمان هو استأصلها كليا ولا جزئيا و السبب كان إيه زيادة إفرازاتها أم لا قدر الله ورم بها

**sniper2010** · 28-05-2008 05:49 PM

أما عن خطورة استئصال الغدة فتكمن في أن الهرمون الذي تفرزه يعتبر المنشط لكل أجهزة الجسم تقريبا وعشان كده لازم نعوض المريض بالهرمون ده بعد العملية ونتابع مستواه في الدم كل فتره
وأنا برجح إن الدواء اللي بياخده أخو حضرتك هو هذا الهرمون و بالتالي فإن عدم انتظام تناوله يعرضه إلى أعراض مرض نقص هذا الهرمون