هاشترى 323 1300 موديل 83 وعاوز حبه نصايح

**TheGoldenMan** · 21-01-2012 05:07 AM

السلام عليكم ورحمة الله وبركاته

هاتوكل على الله وهاشترى مازدا 323 دفعت عربون وهاخلص بكره ان شاء الله..عاوز منكم شويه نصايح..انا ياجماعة أول مره اركب عربية..وعلى قدى تماما من الاخر أ و ب عربيات ماعرفش عنه حاجه

العربية حسب كلام الميكانيكى انها جميلة جدا ومش متهانة بس عندى شويه أسئلة

1-ايه هيا أهم حاجه لازم تتعمل(أساسيات) بعد ماسجل وأخود العربية وأمشى؟
كان الميكانيكى بيقولى أنى هاغير الزيوت..وهاجيب طقم بوجيهات على شان متلتة..أحط زيت ايه وليه وفى حدود كام والمصنعيات يارجالة على شان ماحدش يشتغلنى

2-عاوز 2 كاوتش..أجيب ايه وفى حدود كام...عاوز ألم مش عاوزها تفتح وابقى فى الأمان؟

3-فيها باروما بسيطة هاعملها فى الصيف؟؟

4-بالنسبة بقا للكماليات الفرش الفبريكة والحمد لله مقطع الطبلوه مكسر بارك الله فيما رزق البيابن مدغدغة الكاسيت بتاعها زى ماهو شويه حجات كده على شان العربية تبقى نضيفة وشكلها كويس...قولولى اععمل ايه وفى حدود كام حد يعملى ميزانية انا يعنى ان اراد ربنا هايبقى معايا من 750 لغاية 1000 أخرى عاوز ألأم الليلة
كان واحد صحبى بيقولى حط كسوة جلد على الفرش الفبريكة بعد اماتخيط التقطيع اللى فى وكزا الطبلوه

**mado83** · 26-01-2012 09:15 AM

اهم حاجه تغيير الزيت بشيل الاصفر او موبيل السوبر وده ب80ج
فلتر بنزين 5
فلتر زيت 15
فلتر هوا 20
بوجيهات ngk 40
تيل فرامل 40
وامشى بالعربيه وماتعملش حاجه تانيه الا لما تشوف فى حاجه فى الكهربا عايزه تتعمل او حاجه فى العفشه
وسيبك من الفرش والتابلوه دلوقتى والعربيه ماشالله عليها هتعجبك وهتريحك المهم هو مطلوب فيها كام
وكمان ياريت تكشف على العربيه من تحت عشان تبقى عارف ايه المصاريف اللى فيها
وعشان تبقى عارف
علبه دريكسيون 380تايوانى
مساعدين 550
كاوتش GT 330 الفرده جديده
ممكن تلاقى حد عنده فرد مستعمله والفرده تعمل فى حدود 80 ل100 ج لو حالتها نضيفه اوى ولازم تكون تعرفه كويس

**tarekmorsyali** · 02-02-2012 05:52 PM

فعلا ناصر مازدا ممتاااااااااااز في ميكانيكا المازدا و العفشة وظبط العربية وعنده ضمير و مبيشتغلش حد
وده رقمه لما تحتاجوه وهو بعد دار المحفوظات وبجوار بلية للعفشة
01009177651