محتار فى عدة صوت لمازدا 3 2007

**mero11111** · 05-02-2012 01:29 AM

يا جماعة انا لسة شارى مازدا 3 2007 من كام يوم وقبلها كان معايا ابيزا وكنت جايبلها عدة صوت كويسة عبارة عن كاسيت وسماعتين بيونير وبازوكا وجى ام واتقفلت اوى من ساعة ما عرفت انى مش هقدر اركب الكاسيت ولا السماعات وطبعا كاسيت العربية سى دى اوديو يعنى قديم اوى مينفعش خالص
ممكن حد يفيدنى ازاى عمل عدة او غير كاسيت او عمل اى حاجة تنفع للكاسيت وهل سماعات العربية ينفعوا مع البازوكا والجى ام
لان صراحة صوت الكاسيت على اده اوى وشكرا مقدما لكل الناس

**nightmare_9595** · 05-02-2012 05:16 AM

اولا الف مبروك علي المازدا . ربنا يباركلك فيها يا رب ...
بلنسبه لعده الصوت بقي .. متقلقش حضرتك هنركب عدتك القديمه عادي جدا ... بس اعمل حسابك انك هتستغني عن الكاسيت الاصلي و هقولك ليه دلوتي .

انا عندي مركب كاسيت بايونير 9350 و بازوكتين و 4 سماعات و الحمد لله عندي فرح جوه العربيه :)

كل الي حضرتك هتعمله انت تشتري وش الكاسيت للعربيه . و هقولك منين دلوقتي . و تشيل الكاسيت الاصلي في البيت و تركب الوش ده و فيه الكاسيت القديم ... و تتعامل عادي بقي كانك قاعد في الابيزا بظبط . و تركب السماعتين و البازوكا و الجي ام و خلاص :)

هو بيني و بينك انت اكيد هتحس بفرق السما و الارض ,, بس العيب بقي انك لما تشيل الكاسيت الاصلي هنحس انك فقدت شكل جمالي للتابلوه :( بس انما لو هنتكلم عن الاداء فا متفلفش انت هتحس بفرق عالي جدا جدا

وش الكاسيت بقي هتلاقيه عند 3 . ..
1. السجان في شارع دمشق(نصيحه ابعد عنه او خليع اااااااخر واحد تروحله لو ملقيتش عند ال 2 التانيين عشان بيغلي بطريقه مبالغ فيها بزياده اوي اوي اوي)

2. كلاريون الحجاز

3. كلاريون شارع النزهه (الشارع الي بينزل علي ميدان الحجاز) مش المتفره من طريق النصر . و ده انصحك بالتعامل معاهم بشده يعني .. كل الناس الي هناك فاهمييين جدا , علي عكس فرع الحجاز الي تحس انهم هواه :) و ده الي انا ركبت عنده .. و عشان اختصر عليك اللف , اسال علي صنايعي عندهم اسنه سيد :) هيجيب معاك من الاخر .

سعر الوش بقي هو اللي غالي شويه .. الوش السينجل دين ب 350 و الدبل ديين ب 450 ,, علي حسب بقي موديل الكاسيت الي عندك , اذا كان سينجل ولا دبل .

و لو احتجت اي استفسار انا تحت امرك :)
او كلمني علي طول 01000830068 د/محمد حامد :)

**nightmare_9595** · 05-02-2012 05:21 AM

http://memimage.cardomain.com/ride_i...0030_large.jpg

**nightmare_9595** · 05-02-2012 05:24 AM

https://fbcdn-sphotos-a.akamaihd.net...56978458_n.jpg

**mero11111** · 05-02-2012 01:38 PM

دكتور محمد بداية الله يبارك فيك
ثانيا الف الف الف شكر على كل المعلومات التفصيلية دى بجد انا مش مصدق ان ممكن يبقى فيه حل
وبالنسبالى انا عندى بايونير 4250 سنجل وكنت مركبهم فى دمشق وفعلا زى ما انت بتقول السجان غاليين جدا جدا جدا مش عارف على ايه وعارف كلاريون النزهة وكمان الحجاز
اخر سؤال هل انت مركبهم على سماعات العربية ولا مغير السماعات لان قصة السماعات مختلفة شوية عن كل العربيات لان الرف ورا فايبر وصراحة مينفعش اشيله
حضرتك غيرت مثلا سماعات العربية المدورة بسماعات جديدة
وشكرا جدا تانى على ذوقك