الموضوع: آخر كلام يا جماعة الخير

هيا الاوبترا عاجبة الناس ليه .. ولا abs + ebd ولا airbags

المشاركة الأصلية كتبت بواسطة ahmazong

محدش بيدور على وسائل الأمن دلوقتي كله همه الشكل والوسع الداخلي فقط !!! :copy of majd(4)::copy of majd(4)::copy of majd(4):

ماهو للاسف الاوبترا ضيقة مش واسعة بردو .. بس وسائل الامان دلوقتي اهم من العربية نفسها

خلاص إقتنعت جدا" بكافة الردود وقررت أخيرا" أروح أشتري اللوجان

ونزلت سريعا" ووصلت للمصرية للسيارات لأنها قريبة لسكني

ولقيت فعلا" لوجان بلاك لاين 2012 كاملة بترولي وهو اللون المضل لي

وركبتها وعليت الكرسي علشان أنا قصير

ولكن حصلت مشكلة

مش شايف الكبوت ودي مشكلة حسيت بيها بالضيق

أنا سقت عربيات شاهين وفيات وكلها كنت بشوف الكبوت

يا ترى دي مشكلة ولا هتعود على السواقة بالشكل ده

ولا أشوف عربية غيرها

المشاركة الأصلية كتبت بواسطة TAMER LOTFY

خلاص إقتنعت جدا" بكافة الردود وقررت أخيرا" أروح أشتري اللوجان

ونزلت سريعا" ووصلت للمصرية للسيارات لأنها قريبة لسكني

ولقيت فعلا" لوجان بلاك لاين 2012 كاملة بترولي وهو اللون المضل لي

وركبتها وعليت الكرسي علشان أنا قصير

ولكن حصلت مشكلة

مش شايف الكبوت ودي مشكلة حسيت بيها بالضيق

أنا سقت عربيات شاهين وفيات وكلها كنت بشوف الكبوت

يا ترى دي مشكلة ولا هتعود على السواقة بالشكل ده

ولا أشوف عربية غيرها

لا هتتعود على ابعادها هيا كدة فعلا
انا بقى برجع الكرسي لوراء على الاخر ومنزل الكرسي لتحت

نسيت اقولك
ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
http://www.nilemotors.net/Nile/forum149/