ثرموستات الكوعه!!!!!!

**a_samy** · 21-01-2012 08:30 PM

ما هي أهمية الثرموستات اللى موجود فى عربيات بروتون؟
واذا كان ليها أهميه ليه النهارده فى توكيل عصام وصفا قالولى نشلهولك لحد ما التوكيل يجبلنا واحد لما قلتلهم أن مروحة الرادياتير بتشتغل أو بتفضل شغاله بعد ما أبطل الموتور؟
مع العلم انى ماشى بيها كده لمده 5 أيام والنهارده بس أبتدت تسخن ومفيش مياه فى الرادياتير خاااااالص.

**hoko** · 21-01-2012 08:57 PM

اهمية الثرموثتات انه بيحافظ على درجة الحراره المثلى لتشغيل امثل للموتوروعادة بتكون عند 90 درجه او اقل قليلا
فاذا ذادت او قلت الحراره عن كده ياثرفى معدل استهلاك البنزين وكمان كفاءة الموتور
وهو مهم فى الشتاء علشان بيقلل فترة التسخين فى الصباح
ولكن يهمك اولا ان تكشف على دورة التبريد علشان نقص الميه ده مهم وحسب معلوماتى لاعلاقة بين تلف ثرموثتات الكوعه ونقصان الميه

**mahmoodallam** · 22-01-2012 02:35 AM

المشاركة الأصلية كتبت بواسطة hoko

لاعلاقة بين تلف ثرموثتات الكوعه ونقصان الميه

كلام مضبوط
ولازم تراجع عصام وصفا تاني بسرعة
مفيش عربية بتسخن دلوقتي الا لو فيه مشكلة
مشكلتنا كلنا مع عربياتنا انها مش بتسخن ؛ أمال هتعمنل ايه في الصيف ؟

**a_samy** · 22-01-2012 09:45 AM

أنا كنت فى مركز عصام وصفا امبارح ولما سألت المهندس صفا عن نقص المياه بالشكل ده قالى عشان دروة التبريد مش كامله والمياه بتتبخر،ده غير أنهم مكنش عندهم الثرموستات أصلا،والغريب أنهم حالوى يقنعونى أنى أشيله خالص لحد ميجيبوا واحد جديد والأغرب أن الأستاذ عصام قالى أشيلهولك بس على مسؤليتك أنت!!!!
طبعا أنا مرضتش وبعد شويه حاول الصنايعى اللى عندهم (أسمه خالد)يقنعنى أن كتير من ملاك البروتون بيشيلوه وأن مفيش منه ضرر وأن البلد اللى مصنعه العربيه الجو عندهم مختلف عن الجو عندنا.أى كلام من أى حد مش فاهم هو بيشتغل فى ايه.
اللى يغيظ انى بعد ماطلعت من عندهم وفى الطريق العربيه لأول مره تسخن منى :(
أنا مضايق منهم جدا لأنى أول مره أكتشف انهم مش متخصصين فى العربيات اللى شغالين فيها ولأن الأستاذ عصام والمهندس صفا قالولى أول ماروحت حنغيرلك الثرموستات وبعد ما لطعونى ساعه قالولى أكتشفنا انه خلص عشان طلعوا 3 النهارده!!!!!
كدب وقلة إحترافيه فى التعامل
ربنا يستر على العربيات اللى هتروح عندهم بعد كده
وأنا شخصيا لو هروحلهم بعد (وده إحتمال ضعيف أوى)مش هروح الا فى الصيانات العاديه.
على فكره أنا مش ببالغ فى كلامى ومش بتجنى عليهم،
أنا عملت صيانة ال 50000 يوم السبت 14/1/2012 وقلت للصنايعى اللى غيرلى الزيت أن الميه ناقصه أوى وأى آخر مره زودتها كتير قبل ما أروحلهم وهو قالى هشوفهالك،الطبيعى أنه كان كشف على دورة التبريد بالكامل (ده لو كان بيفهم فى شغله أصلا).
أنا مستنى أشوف ايه المشكله عندى الأول وهروح مركز أمير وجوزيف ولما أتأكد أن المشكله من دورة التبريد مش هسيبهم وهحذر الناس منهم قبل ما حد من الأعضاء عربيته تبوظ بسبب جهلهم.

**m_marmoush** · 22-01-2012 11:07 AM

بص يا صديقى، أنا مقدر قد إيه أنت متضايق من اللى بيحصل لعربيتك، ولكن للأسف معظم الكلام اللى إتقالك من عصام وصفا مظبوط ..... بالنسبة لسخونة العربية اللى حصلت فدة عيب شائع فى الجين تو بعد فترة من الإستخدام (عادة من سنتين لتلات سنين) و بيكون سببة أن ثرموستات الكوعه بيقفش وبيمنع مرور دورة مياة التبريد اللى بيئدى لسخونة زائدة فى الموتور وبالتالى تبخر مياة الرادياتير، وممكن كمان لو مشيت عليها فترة تؤدى إلى بوظان الرادياتير (يتخرم) أو تلف وش السلندر.
الأفضل أنك تركب ثرموستات جديد أو تشيلة لو ماعندهمش جديد لغاية مايجيبو تانى.

**a_samy** · 22-01-2012 11:24 AM

أنا شكوتى مش أن كلامهم صحيح أو غلط،أنا بقول انى لما كنت بعمل صيانه عندهم وقولتلهم ان مية الرادياتير بتنقص أوى على غير المعتاد الصنايعى اللى عندهم مفكرش أنه يراجع على دورة التبريد ويختبر كفائتها ولكن كل اللى عمله انه زود ميه وبس.
أنا كواحد لسه عامل صيانه لعربيتى فى مركز معتمد خرجت من عندهم ومفكرتش أنى أبص تانى على الميه بس كنت بشم ريحه غريبه بعد ما أنزل من العربيه وأنا مش عارف دى من ايه،وبعد ما كنت عندهم بيوم واحد لاحظت أن مروحة الرادياتير مش بتفصل حتى لما أبطل العربيه ولولا أنى متعود أنى أبص على امبير الحراره وانا ماشى الله أعلم كان ايه اللى ممكن يحصل وكل ده من صنايعى مهمل عندهم مفكرش انه يختبر دورة التبريد.
وحتى لو كان الحل المؤقت للموضوع ده انى أشيل الثرموستات زى ماقالولى فالمفروض انى ميقلش أصله ملوش لازمه وأصحاب العربيات بيشلوه.صح ولا ايه؟