أسئلة عن الأوبل فيكترا 97 رجاء الرد

**ibnrawaha** · 21-01-2012 10:06 PM

السلام عليكم يا شباب

أنا بصراحة قررت إن شاء الله أجيب أوبل فيكترا بس عندي شوية أسئلة رجاء الرد عليها

هل الأتوماتيك أفضل أم المانيوال و هل أتوماتيك الأوبل فيه مشاكل ولا إيه؟

بالنسبة لإستهلاك الأوبل 2000 سي سي للبنزين حد عنده فكرة عن الصفيحة بتعمل كام كيلو في الطرق السريعة و جوة البلد؟

بالنسبة لترخيصها بيتكلف كام؟ الضريبة و التأمين و كده؟

و جزاكم الله خيراً

**Mr7mix** · 22-01-2012 12:30 AM

وعليكم السلام

نقطه المانيوال و الاوتوماتيك دى على حسب ما انت هاتستريح فيه انا معايا اوتوماتيك والحمد لله مشفتش منا مشاكل غير بس تيل الفرامل طبعاً ف اى اوتوماتيك كده بيخلص بسرعه يعنى انا كل شهرين او شهرين ونص بغير تيل امامى مبيكونش خلص بنسبه 50% بس امان اكتر

استهلاك البنزين على طرق سريعه كنت مفول العربيه 60 لتر مشيت بيها 370 كيلو ،، جوه البلد التفويله بتعمل معايا تقريباً 280 كيلو بس انا عندى مشكله ف حساس الاوكسجين وده بيسحب معايا بنزين زياده شويه

الترخيص بقى انا دفعت ضريبه 420 جنيه ومصاريف نقل ملكيه 385 جنيه و التأمين الاجبارى مش فاكر اوى بس كان فى حدود 145 تقريباً

**ibnrawaha** · 22-01-2012 12:55 AM

المشاركة الأصلية كتبت بواسطة mr7mix

وعليكم السلام

نقطه المانيوال و الاوتوماتيك دى على حسب ما انت هاتستريح فيه انا معايا اوتوماتيك والحمد لله مشفتش منا مشاكل غير بس تيل الفرامل طبعاً ف اى اوتوماتيك كده بيخلص بسرعه يعنى انا كل شهرين او شهرين ونص بغير تيل امامى مبيكونش خلص بنسبه 50% بس امان اكتر

استهلاك البنزين على طرق سريعه كنت مفول العربيه 60 لتر مشيت بيها 370 كيلو ،، جوه البلد التفويله بتعمل معايا تقريباً 280 كيلو بس انا عندى مشكله ف حساس الاوكسجين وده بيسحب معايا بنزين زياده شويه

الترخيص بقى انا دفعت ضريبه 420 جنيه ومصاريف نقل ملكيه 385 جنيه و التأمين الاجبارى مش فاكر اوى بس كان فى حدود 145 تقريباً

280 كيلو إيه؟؟؟؟؟؟؟؟؟؟؟ في الصفيحة (20 لتر) ولا في التفويلة ؟ مش فاهم

هي العربية بقالها معاك قد إيه؟ و إيه نسبة رضاك عنها و عن قطع غيارها؟

**Mr7mix** · 22-01-2012 01:06 AM

280 كيلو ف التفويله ،، بقالها معايا 11 شهر كده

قطع غيارها غاليه الى حد ما بس مش اوفر يعنى يعنى مثلاً كنت مغير طلمبه بنزين جبتها ب 450 جنيه تيل فرامل امامى ب 125 وخلفى 165 ورأس كوبلن جبتو ب 350

**mohammed_memo** · 22-01-2012 01:19 AM

ياعم العربيه زى الفل اتوماتيك او مانيوال على حسب ما انت تكون مستريح الاتنين حلوين
الصفيحه بتعمل معايا 200 كيلو مابين سفر وجوه البلد بالزحمه كمان وقطع الغيار مش غاليه ابدا عاديه جدا
وبالنسبه للاستاذmr7mix اانا بجيب التيل الامامى ب 110 تقريبا بيقعد معايا بال 6 شهور والخلفى اخر مره جبته كان ب90 تقريبا ومش عارف بقاله اد ايه نسيت ركبته امتى ثم تاكل التيل ده على حسب سواقتك واستخدامك للفرامل مش اكتر
والبنسبه للضريبه 420 :460 مش فاكر بالظبط والتامين الاجبارى 125 تقريبا بردو ونقل الملكيه 320 يزيد 10 او 20 مش كتير يعنى

**Amrgamal1** · 22-01-2012 02:07 AM

الاوتوماتيك والمانيوال علي حسب مانت حابب بس الاوتوماتيك اريح طبعا
من رأي هات اوتوماتيك 2000 سي سي .. انا قبل ما اجيب الاوبل كان معايا جيب شيروكي ف كنت لما بسوق اي عربيه تانيه احس انها ضعيفه جدا في السحب وكدا .. لما جيبت الاوبل ماحسيتش خااالص انها ضعيفه بالعكس كمان لقيتها بتسحب وبتجري اكتر من الجيب
مع اني كمان الموتور بتاعي الاسود 1 كامه - الايكوتيك ال 2 كامه اشد من كدا كمان
....
بالنسبه بقي للترخيص انا رخصتها 3 سنين الحوار كله كلفني تقريبا 1500 لل 3 سنين بالتأمين بالرشاوي اللي دفعتها عشان انجز ههههههههههههه
بس تقريبا السنه بأقل من 400 عشان موديل 97
...
البنزين لحد دلوقتي ماحسبتهاش بالظبط .. هي المفروض تعمل من 160 ل 200 كيلو في الصفيحه بس انا عندي بتعمل حوالي 150 بس مش عارف عشان انا سواقتي رياضيه و بكبس بنزين وبجري واحيانا بشغل ال s ..ولا هي فيها حاجه عايزة تتظبط ؟ لسه بشوف الموضوع دا
وياريت بردو حد يقولي دا طبيعي ولا لأ ؟ وايه الحاجات اللي تخلي العربيه تستهلك بنزين كتير عشان اراجع عليها عندي.