أسئلة عامة عن رينو ؟؟ رجاء من كل مالكي رينو الرد

**tofy_urban** · 15-07-2009 12:07 PM

بعد مافكرت و توكلت علي الله و قلت اجيب السيمبول بعد ماكنت حجزت اللوجان و كلمت شركة كونتكت كارز لاني هاقسط عن طريقهم كنت بتكلم مع واحد في المبيعات اسمه احمد و هو شخص كويس جدا و محترم اوي المهم علشان مطولش عليكم الراجل لقيته زي مايكون في نفسه حاجة عايز يقولهالي المهم بعد الاخد و العطاء لقيته بيقولي نصيحة بلاش رينو قلتله بلاش سيمبول قالي لا بلاش رينو كله قلتله ليه يعني قالي الاتي :
انه كان شغال في قسم التامينات قبل مايروح المبيعات و كان بينزل يشوف العربيات اللي عامله حوادث علشان يقدر التامين اللي هايدفع عليها و شاف حاجات كتير في كل العربيات و كلامه ان الرينو قالي ان الرفرف بتاعها فيبر مش صاج و ضعيف اوي و بيتكسر لما يتخبط مش بيطبق و ممكن يترد و يتصلح وكده قلتله ده في السيمبول او اللوجان قالي في الكليو و الميجان قالي امال اللوجان و السيمبول بقي يبقوا ايه
و قالي كمان انها عربية مش نجحت في السوق بدليل انخفاض سعر الميجان من 180 إلي 120 تقريبا و سعر المستعمل ال 2006 عاملة 60 تقريبا و فضل يرجحلي كوري و قالي ان قطع غيارها كتير و منتشرة و كلام كده انا عايز اللي معاهم العربيات و بقالهم فترة يردو علي الكلام ده لانه بقي كتير و منتشر و ناس كتيييييير بتقول بلاش رينو اصلا انصحوني نصيحة لله

15-07-2009 12:19 PM

في أعضاء هنا كان الرفرف الفيبر (للميجان) إتكسر و تم لحام الرفرف
بالنسبة لي ميكرو باص سياحة بضافر الإكسدام نتش الرفرف الأمامي شمال و خلع الإكسدام بتاعي من مكانه (تخيل قوة الخبطة) , نزلت الحرفيين جبت رفرف إستعمال الخارج (500 جنيه , في الشركة 1380 جنيه قبل ضريبة المبيعات)
رشيت الرفرف و ركبته و رجعت اللإكسدام مكانه (سليم) .
على فكرة باب الميجان في الحرفيين كامل بالفرش و مساميره و القزاز و كل حاجه من 900 ج إلى 1000 ج
خد بعد كده أي حاجة بالقياس
أما عن إعادة البيع أنا مش بغير العربية قبل 5 سنين من الشراء زيرو فالنسبة لي وقوع السعر بعد المدة دي كلها مش فارق كتير
و أولا و أخيرا القرار قرارك

**tofy_urban** · 15-07-2009 12:30 PM

يعني معلومة ان الرفارف فيبر دي صحيحة فعلا و انا لسه مكلم واحد دلوقتي كان شغال في توكيل رينو و راح توكيل بافاريا اكدلي بردو نفس المعلومة,,, طيب حد عنده رد ليه سعر الميجان وقع اوي في السوق و ليه العربية بقي مش عليها اقبال وليه مش نجحت علي حد تعبيرة طبعاً

15-07-2009 12:52 PM

شوف كده المواضيع دي :
أسباب ســوء سمعة الميــجان II (الحلقة الاولى)
أسباب ســوء سمعة الميــجان II (الحلقة الثانية)
أسباب ســوء سمعة الميــجان II (الحلقة الثالثة)
أسباب سوء سمعة الميجان II (الحلقة الرابعة)
أسباب سوء سمعة الميجان II (الحلقة الخامسة)
أحدث التكنولوجيا فى تصنيــع رفارف الميـــجان
أحدث التكنولوجيا فى تصنيــع رفارف الميـــجان
مميــزات فتيــس الميــجان الستيب ترونيك +dpo
11 خدمــة لملاك ريــنو فى برنامج - ريــح باللك - .. و هناك المزيــد
غير مواضيع مثبتة تانية كتير في قسم رينو

**AbO_FaRaH** · 15-07-2009 12:55 PM

المشاركة الأصلية كتبت بواسطة tofy_urban

بعد مافكرت و توكلت علي الله و قلت اجيب السيمبول بعد ماكنت حجزت اللوجان و كلمت شركة كونتكت كارز لاني هاقسط عن طريقهم كنت بتكلم مع واحد في المبيعات اسمه احمد و هو شخص كويس جدا و محترم اوي المهم علشان مطولش عليكم الراجل لقيته زي مايكون في نفسه حاجة عايز يقولهالي المهم بعد الاخد و العطاء لقيته بيقولي نصيحة بلاش رينو قلتله بلاش سيمبول قالي لا بلاش رينو كله قلتله ليه يعني قالي الاتي :
انه كان شغال في قسم التامينات قبل مايروح المبيعات و كان بينزل يشوف العربيات اللي عامله حوادث علشان يقدر التامين اللي هايدفع عليها و شاف حاجات كتير في كل العربيات و كلامه ان الرينو قالي ان الرفرف بتاعها فيبر مش صاج و ضعيف اوي و بيتكسر لما يتخبط مش بيطبق و ممكن يترد و يتصلح وكده قلتله ده في السيمبول او اللوجان قالي في الكليو و الميجان قالي امال اللوجان و السيمبول بقي يبقوا ايه
و قالي كمان انها عربية مش نجحت في السوق بدليل انخفاض سعر الميجان من 180 إلي 120 تقريبا و سعر المستعمل ال 2006 عاملة 60 تقريبا و فضل يرجحلي كوري و قالي ان قطع غيارها كتير و منتشرة و كلام كده انا عايز اللي معاهم العربيات و بقالهم فترة يردو علي الكلام ده لانه بقي كتير و منتشر و ناس كتيييييير بتقول بلاش رينو اصلا انصحوني نصيحة لله

بص يا باشا......
انا راى الشخصى خليك فى اللوجان عليها سحب جامد ومتوقع لها النجاح فى السوق المصرى.....اما بالنسبه للوجان
الرفرف مش فيبر ....مكان لاحظ ان العربيه الكورى بعد 100 الف كليو بتكون عامله ازاى .....معروف ان العربيه بتفتح
معاك اما قطع غيار الرينو غاليه بعض الشى بس العمر الافتراض لها اطول

**AbO_FaRaH** · 15-07-2009 01:05 PM

على فكره نسيت اقول لحضرتك.......لو انت ها تشترى عربيه زيرو لازم تعمل تامين عليها..........
واخيرا بلاش تقسط عن طريق شركة كونتكت كارز

**Ahmed Selim** · 15-07-2009 01:07 PM

بص يا باشا....

رفارف الميجان و الكليو الأمامية فيبر.....باقى العربية صاج ( ما عدا الأكصدامات طبعاً و دى فى كل العربيات )
اللوجان مفيهاش فيبر خالص.........
السيمبول بما أنها امتداد للكليو يبقى ممكن تلاقيها رفارفها الأمامية برضه فيبر.

طيب ليه الفيبر بدل الصاج ؟؟؟؟
أكبر ميزة للفيبر هى فى الصدمات الكبيرة أنه بيمتص الصدمة بنسبة أعلى من الصاج و بالتالى الصدمة توصل أقل للى راكبين جوة العربية.
فى الصدمات الصغيرة الفيبر بياخد و يدى بلغة السوق.....يعنى أيه ؟
يعنى أخبط الرفرف بأيدك جامد هتلاقيه دخل لجوة و خرج تانى لبرة بنفس شكله العادى.....من غير ما تحتاج تسمكر و لا غيره.

لسه يوم الأحد اللى فات اللى ماشى ورايا خبطنى لما الشارع وقف فجأة و خلانى أخبط فى اللى قدامى ( هى طبعاً على سرعة قليلة....تقريباً كان ماشى على 20 كم ) من صوت الخبطة قولت ـنى هنزل ألاقى العربية متدمرة.......الحمد لله مفيش غير شوية تجاريح خفيفة بس.......و مفيش و لا حتة فى جسم العربية دخلت لجوة و مطلعتش زى الصاج.

معلش أسف يعنى.....بس واضح ان اللى قالك كده حافظ مش فاهم......

على العموم تقدر تراجع أختبارات أمان EuroNCAP و تشوف تقييمات سيارات رينو فيها عاملة أزى ( ميجان واخدة 5 نجوم )
و بعدها تقرر مين أهم بالنسبالك فى حالة الحوادث.......العربية و لا اللى جوة العربية

**tofy_urban** · 15-07-2009 01:52 PM

المشاركة الأصلية كتبت بواسطة test50

واخيرا بلاش تقسط عن طريق شركة كونتكت كارز

شكراً ياجماعة ربنا يخليكم انا بس محتاج اتاكد من الناس اللي معاها العربيات لان حرام ان الواحد يدفع 80 الف في عربية و بعد كده يحس انه اضحك عليه
و للأخ test50 ليه بلاش كونتكت كارز ارجو الاجابة

15-07-2009 02:10 PM

ياريت إذا تقدر تقسط مع بنك ناصر الإجتماعي
6% فائدة عن السنة
مش بيجبرك تأمن على العربية على إعتبار القسط بيحصله من المرتب المحول عليه , و أولا و أخيرا العربية عربية العميل
و البنك ضامن القسط ضامن القسط