ليا موقف مع المحصل هنا

المحصل الغبي جاي الساعة 9 الصبح الصيدلية .. ومعاه فاتورة كهرباء بــ 140 ج
الساعة 9 الصبح.. يعني الصيدلية لسه مفتوحة
مفيش جنيه ف الدرج لسه
البنت قالتله لما الدكتور ييجي..بس
وهو واقف بره الصيدلية .. راح قايل لفظ قبيح .. وكمل وقال" هو أنا كل ماجي تقولولي كده.. وانتوا مش عارفين ان النهاردة التحصيل .. ده إنتوا صيدلية تيتتتت تيتتيتتت صحيح"
للحظ
الي كانت واقفة ف الصيدلية .. طبيبة بيطرية
راحت معيطة .. ومكلماني ف التليفون " يادكتور أحمد حصل وحصل "
كالأتي
روحت تاني يوم على طول الادارة.. وأخدت معايا أمين شرطة معرفة
الأمين دخل إتكلم هو .. دخلنا طبعا على المهندسة على طول
الامين قال إن الباشا الكبير(المستشار فلان الفلاني) بعتني مع الباشا الصغير(أنا)
علشان نشتكي إن المحصل بتاعكم تطاول باللفظ والسب على الدكتورة الي واقفة ف الصيدلية
وطبعا الباشا الكبير زعلان وكان هيكلم اللواء فلان يعمله ويسويله ...
وأخدنا رقم المدير الي فوقها

وطلعنا بره الهيئة بعد اعتذار مبالغ فيه من المهندسة ليا
أتصلنا برقم المدير الي فوقها .. الأمين كلمه بصوت وقور

وفضل يكلمه على اساس انه المستشار الفلاني ... وأنا واقف جمبه مسخسخ م الضحك
المهم
كتبت مذكرة كمان

بعدها بيوم
وفد حاشد من موظفي الادارة ..حوالي 4 موظفين
جايين يتحايلوا عليا علشان ماخربش بيت الراجل.. والنبي يادكتور إستسمح الباشا الكبير
مش عاوز أقولكم إن الأمين لما إتكلم ف الموبايل .. إتعمد يحرق دم مدير الهيئة .. وإداهمله صح
علشان يطلعه ع المحصل

المهم
يومين كاملين يتحايلوا عليا أسحب المذكرة
والراجل جالي وكان واقف والدموع هتفرفر من عينه


وبس
وتاني فاتورة .. بقدرة قادر
لقيتها جت بنص القيمة