عاوز اشتري مرسيدس في حدود 160.000 ارجو ياعمالقة المنتدي النصيحة

**midogeem75** · 07-02-2012 12:29 AM

المشاركة الأصلية كتبت بواسطة poda

اولا اشكرك علي الرد الشافي الوافي الرئع

ولكن عندي سؤال واحد انا محتار و نفسي في عربية كبيرة وطبعا دة متوفر في ال e200 بس للاسف حتكون موديل قديم زي ما ذكرت 98الي 2001 بالعافية بس خايف من الموديل القديم وشكلها مش عاجبني اوي

اما ال c200 او c180 شكلها احلي وموديل اعلي

مع الاعتبار انا ربنا رزقني والحمد لله ب 3 اولاد ... ماذا تفعل لو كنت مكاني

شوف حضرتك انا معايا c180 موديل 2002 والحمد لله عندي طفلين ( وامهم طبعا ) . عمليا العربيه كويسه جدا في الحجم الداخلي وتكفي حتي ثلاثه اشخاص جالسين بارتياح (كبار مش أطفال). وسعة الشنطه الخلفيه جيده جدا تفي بالغرض دائما انا جربتها اكتر من مره واحنا مسافرين الساحل ( كأسره مكونه من اب وام وطفلين ). وهذا التقدير نسبي وكما قلت لحضرتك القرار لك الفئتين مرسيدس سواء e او c بنفس الكفائه والقوة ولكن الشكل والموديل يرجع الي قرارك انت شخصيا . ونصيحه مني حاول تتوجه الي معارض المرسيدس المستعمل للفرجه والمقارنه علي الواقع وأعتقد انها هتساعدك علي اتخاذ القرار . وبالتوفيق ان شاء الله ..... جمال

**poda** · 07-02-2012 12:38 PM

المشاركة الأصلية كتبت بواسطة propagaanda

لو مكانك أنا ... خصوصا إن حضرتك متزوج و تعول ما شاء الله و هتحتاج عربية تصونك إنت و عيلتك .... أعتقد هفكر في ال e200 قبل أي حاجة تانية بس المبلغ ده فعلا أخره 1999 قبل ال face lift بتاعة العيون
من 2001 - 2003 العيون بتبتدي من 200000 ل 230000 لأن الشكل و الكماليات بتتغير تغيير طفيف من الداخل و من الخارج
لذلك أهم حاجة تفكر فيها هي الحالة بتاعة العربية و لو مالقيتش نفسك في العيون
عليك بقى و على ال c وربنا يبارك إن شاء الله

شكرا يا باشا للرد .. ولكن صعب الاقي e200 حالتها كويسة في الموديلات القديمه دي ... بجد مش عارف اعمل اية .. طب لو زقيت المبلغ لحد 180000 ..ممكن الاقي حالة كويسه

ولو حد يعرف حد ثقة ياريت يقولي .. انا عمال الف بقالي 3 اسابيع ودايخ

**poda** · 14-02-2012 02:29 PM

لا زال اللف مستمر علي عربية C180 2005 او 2004 face left ومش لاقي حاله نظيفة ... لما اوصل لواحدة اكيد حكتب تقرير عنها ...

ولو حد يساعدني في لتدوير . اكون شاكر

**fadi2011** · 15-02-2012 12:48 AM

المشاركة الأصلية كتبت بواسطة poda

لا زال اللف مستمر علي عربية C180 2005 او 2004 face left ومش لاقي حاله نظيفة ... لما اوصل لواحدة اكيد حكتب تقرير عنها ...

ولو حد يساعدني في لتدوير . اكون شاكر

**fadi2011** · 15-02-2012 12:50 AM

ياريت لمل تلاقي حاجة تقول ضروري علشان أنا محتاررررر زيك

**dramir1** · 15-02-2012 01:05 AM

انا مره كنت فكرت اني اركب مرسيدس فسألت احد ملاك المرسيدس عن معرض يكون بيبيع مرسيدس كويس فقالي على واحد اسمه جوده
انا مجرد معايا رقم موبايله فقط لكن لم اتعامل معاه مطلقا وبالتالي لازم حضرتك تكشف على اي عربيه تشوفها كويس....
لو محتاج رقمه ابعتلي على الخاص . وربنا ييسرك شراء افضل سياره تريحك وتكون بسعر مناسب ولا تنسى صلاة الاستخاره

**poda** · 03-03-2012 04:16 AM

الحمد لله اشتريت C180 FaceLeft 2004
العربيه جميلة ومريحه علي الطرق السريعه ... لكن داخل البلد محستش انها سريعه في الطلعه ... هي عاوزة طرق واسعه .. ولسه موديها التوكيل ل GAS عشان اعمل الصيانة واغير بعض الحاجات اللي كانو كتابوهالي في التقرير وانا بشتري العربيه

وان شاء الله لما اعرفعا كويس هكتبلكم تقرير عنها

بس في حد خبرة يقولي اجيب ارخص قطع غيار منيين واحسن مركز تصليح غير التوكيل ..
توكيل GAS جميل طبعا بس غالي