الموضوع: عاوز اشتري مرسيدس في حدود 160.000 ارجو ياعمالقة المنتدي النصيحة

جبتها بكــــــــــــــــام و منين ؟؟؟؟؟؟؟!!!!!!!!

شكرا للجميع ... ربنا يباركلنا فيها ويكفينا شرها .....
بالنسبة انا جبتها من معرض اسمه اوتو ميرو في مصر الجديدة .. طبعا انا كنت بفضل اشتريها من واحد بس الظروف حكمت . وواضح ان ملاحظ ان معظم العربيات دي بتتباع في معارض مش اشخاص او يمكن كنت مستعجل ..

وشكرا علي انكم وصفتولي مركز صيانة .. حجربه واقولكم... ولو ان سمعت ان في مركز صيانة بتاع واحد اسمه سامي انسي بيشكرو فيه ... ايه رائيكو ا ... المركز عند السندباد كدة

بكـــــــام ؟؟؟؟؟؟؟

السلام عليكم جميعاً
ياجماعة بجد أنتم ناس أفاضل ومحترمين وده شجعني أني أحكيلكم عن نفس التجربة ولكن من ثلاثة سنوات وبرده كنت عايز أجيب حاجة في حدود 150000 ألف وبصراحة أكتر كان نفسي أركب BMW ولكن أبن عمي جزاه الله خيراً نصحني بالمرسيدس وتحديداً E200 وعلى فكرة هو خبرة في السيارات المرسيدس والـ BMW لمدة تزيد عن 30 سنة بالإضافة أنه شغال في المرسيدس والـ BM الإستيراد من سويسرا وجميع قطع غيارهم خلال نفس الفترة ، أنا أسف إني هطول عليكم بس أنا حابب أنقلكم الصورة بوضوح عسى أن أفيد حضراتكم .
في البدايه كنت مصمم عل الـ BMW وإنتظرت أكثر من 4 شهور علشان يجيبلي حاجة نضيفة لكن زي ما وضح بعض السادة الأفاضل إن معظم العربيات وخاصة المرسيدس والـ BM اللى بتشوفوها في الشارع نصين أو على الأقل مغيرة ربع والحقيقة أني كنت محظوظ لأن أبن عمي هو اللى كان بيكشف على العربية وأقسملك بالله إن في بعض العربيات كان بيبص عليها وهي واقفه من غير مايفتح حتى الباب وكان بيقوللى إن العربية دى ماتنفعش (الخبرة الطويلة) وكنت أستغرب لأني شايف العربية زي الفل ، وأخيراً سمعت نصيحته وقلت أشتري مرسيدس وكانت وجهة نظره صائبة ومن الآخر الـ BM بتصرف كتيييييييييييييير ومشاكلها كتير ولما سألته هنشتري إيه قاللي E200 أو E230 أو E300 وعلى فكرة الثلاثة شكل واحد والفرق في الـ cc صالون واسع والصاج محمِل والأجمل من ده كله مفيش مشاكل في العربية ولا في مصاريف إلا مصاريف السرفيس وده عن تجربة ياجماعة المهم إني ربنا وفقني وإشتريت وقتها الـ E200 وكانت عاملة 134000 كم موديل 90 وأقسم بالله كل مكانيكي شافها وكمان التجار اللى شافوها كانوا عايزين يشتروها بأي سعر . أنا دفعت وقتها 120000 ألف وكانت فابريكة بالكامل وجميع الكماليات ماعدا فتحة السقف .

ولذلك من وجهة نظري المتواضعة إن الثلاث موديلات اللى وضحتهم فوق من أفضل الموديلات في هذه الفئة ولو هشتري إنهارده هفكر فيهم ولو في إمكانيات مادية ممكن أفكر في الـ S Class وأخيراً أنا أسف للإطالة .

المشاركة الأصلية كتبت بواسطة maserati

السلام عليكم ورحمة الله و بركاته

يا باشا, سيادتك اللى محترم و ابن أصول, أنك دخلت و حكيتلنا على تجربتك.

و بلغ سلامى و احترامى لابن عمك, لأن أنا بحترم أوى الناس اللى بتجيب استيراد من سويسرا, لأن العربيات اللى فى سويسرا, من نضافتها, الواحد ممكن عينه تدمع لو شفتها بتتقطع, كان معانا هنا واحد فى المنتدى, عضو اللى هو icaeser , كان شغال فى الحاجات دى و كان فى سويسرا من زمااااااااااااان و بيقطع عربيات و يبعتها مصر.

و ابقى خليك على اتصال بينا عشان لما ربنا ييسر الأحوال و أجيب e200 مو 1997 ألمانى, أبقى آخد رأيكم.

شكرا و جزاكم الله كل خير.

ياباشا ده شرف لينا الحوار مع حضراتكم ، لك كل إحترام وتقدير على كلامك
أما بخصوص سويسرا عايز أقولك إني لما كنت آخد قطعة غيار وأروح أركبها عند الميكانيكي بتاعي كان بيفتكر إنها جديدة ولما أقوله إنها إستيراد ماكانش بيصدق ، فعلاً قطع الغيار الوارد من سويسرا حاجة تانية خااالص .
ربنا يكرمك ياباشا وتجيب الـ e200 وحط 100 شرطه تحت كلمة ألماني لأن معاك كل الحق وربنا يوفقك

ممكن ياجماعه الى معاه العربيه w210 او w211 يقولنا ايه اخبار اسعار قطع الغيار يعنى معقوله ولا اسعار عاليه اوى عايز اعرف مستوى الاسعار ايه لانى خايف اشترى العربيه ومقدرش على قطع الغيار طبعا الكلام على موديلات 2001 لحد 2003
اعذرونى اصلى اتوهمت من كلام عضو كان بيقول ان الشكمان بتاع العربيه 2002 ب30 الف
ارجو سرعة الرد