الموضوع: حادث بشع على طريق كورنيش الأسكندرية

حرام عليكم كل واحد دخل علق وقال من دماغه زى الاخ اللى بيقول دى بنت كانت سايقة والعربية حصل وحصل فيها انا هاقولكم على اللى حصل لانى انا كنت موجود مكان الحادثة على شاطىء سيدي بشر اولا العربية اللى كانت سايقاها واحدة ست كبيرة فى السن مش بنت زى الاعضاء اللى مسكو وحللو الموقف على ان بنت اللى ثانيا العربية النترا اوتوماتيك وصاحبة العربية الحمد لله محصلهاش حاجة وكانت واقفة بعد الحادثة على رجليها لانها كانت رابطة الحزام المهم حادثة زى دى حصلت ازاى اولا هى سايقة بسرعة او الله اعلم حاجة حصلت فالعربية سرعتها زادت ومقدرتش تتحكم فالعربية فطلعت على الرصيف بسرعتها مع العم كمان ان رصيف الكورنيش عالى المهم العربية مع السرعة طلعت وكملت على الرصيف والعربية لفت والحتة اللى نزلت منها على الرمل عند السور السور اساسا كان مكسور يعنى حظها الحلو فالعربية نزلت من الجزء اللى السور فيه مكسور على وشها على الرمل المهم اللى حصل فالعربية الاتى الاكصدام الامامى طبعا ضاع الكاوتش اليمين اللى المفروض حك فالرصيف الاول طبعا انفجر ومقطوع اما الكاوتش الشمال بالمساعد والمقص مرحلين من مكانهم وكمان الرفرف الشمال بالسلامة الاهم ان الكابوت الامامى مفيهوش خدشة يعني نزلت على وشها على الرمل ومحصلوش حاجة المهم زوج صاحبة العربية جه وجايب عربية كساحة عشان يرفع العربية بس طبعا استحالة تطلع كده لانها هتدمر اكتر من كده المهم نصحناه يجيب ونش يرفعها مرة واحدة ويحطها على العربية الكساحة عشان متدمرش اكتر من كده وبعت يجيب ونش من الجمرك المهم نظرتى للعربية اللى انا شفته من اللى حصل رفرف شمال + عفشة امامى + طقم كاوتش + اكصدام امامى + الله اعلم باللى حصل فى الموتور اللى انا حكيتها ده انا شاهد عيان عليه