الموضوع: حتي الإستغلال وصل إلي دي كمان ؟!! دي بقت ظاهرة ولا إيه يارب إستر علينا

والله انا مبسوط لحضرتك جدا جدا الحمد لله انك لقيت الي انتا بدور عليه وربنا يكرمك

طيب سؤال معلشى على قدى أصلى ما أعرفش معلومات عن أى نوع من حيث التكنولوجيا أفضل وعملى أكتر وموفر وأقتصادى وأمان وكل العوامل ... يعنى بسمع عن دفايات زيت وكمان كهربا . أية الفرق بينهم . يعنى الزيت بتشتغل من غير كهربا مثلا .
وهل الدفايات بتستهلك كهربا عالية ذى سخانات الكهربا والمكواة مثلا
يا ريت يا جدعان النصائح لشراء أفضل وأحسن دفاية من حيث نوعها وليس من حيث الماركة
وجزاكم الله خيرا

المشاركة الأصلية كتبت بواسطة darshing

والله انا مبسوط لحضرتك جدا جدا الحمد لله انك لقيت الي انتا بدور عليه وربنا يكرمك

أكرمك الله وأسعدك والله ذاك نعمة من الله أن يجعل لي إخوة أعزاء مثل حضراتكم يسعدون لي حين أسعد ويحملون همي حين أتعب

المشاركة الأصلية كتبت بواسطة Abdm

طيب سؤال معلشى على قدى أصلى ما أعرفش معلومات عن أى نوع من حيث التكنولوجيا أفضل وعملى أكتر وموفر وأقتصادى وأمان وكل العوامل ... يعنى بسمع عن دفايات زيت وكمان كهربا . أية الفرق بينهم . يعنى الزيت بتشتغل من غير كهربا مثلا .
وهل الدفايات بتستهلك كهربا عالية ذى سخانات الكهربا والمكواة مثلا
يا ريت يا جدعان النصائح لشراء أفضل وأحسن دفاية من حيث نوعها وليس من حيث الماركة
وجزاكم الله خيرا

تحت أمر حضرتك أجيب لك علي قدر معلوماتي البسيطة بصرف النظر عن الماركات أنواع الدفايات الشائعة كلها تعمل بالكهرباء والإختلاف في طريقة الحصول علي الحرارة من هذه الكهرباء فهي إما:-

1- دفاية زيت



ودي عبارة عن ريش (شرائح) تزيد قوة التدفئة بزيادة عددها وهي مجوفة ومملوءة بزيت معين وبداخلها ملف حراري لتسخين هذا الزيت وهذا النوع يلقي قبول كثيرا لدي الأغلبية ولكني واجهت حادث لولدي الصغير حيث عبث بدفاية زيت عند جده أثناء لعبه في غفلة منا فسقطت وهي ساخنة علي أقدامه وللعلم تكون ثقيلة جدا وتعلمون البقية.

2- دفاية هالوجين



ودي تشبه مصباح الهالوجين المستخدم في الافتات الضخمة إن لم يكن هو ويطلقون عليها أيضا نيون حراري وهو عبارة عن لمبة بداخلها غاز الهالوجين يسخن بشدة عند مرور التيار الكهربائي ويصدر حرارة عالية ووهيج يشع منه مباشرة وذلك خطر علي الصحة وقرب الأطفال منه او عبثهم به مع العلم بأن غالب الشركات تجعل به فواصل لتبعد مكوناته عن عبث الأطفال.

3- دفاية سلك حراري



مش فاكر إسم نوع السلك اللي في الشمعات ولكنها تشبه الشمعات التي في التوستر الحراري التي تتوهج حتي تحمر فينبعث وهج حراري مباشر وهذا النوع شائع جدا منذ فترة كبيرة ولكنه فيه من الخطورة خصوصا علي الأطفال وعبثهم بالأشياء من حيث الوهج المباشر وخطورة تلامس أي شيء قابل للإحتراق مع جسم الشمعات.

4-آخر نوع ومنها أشكال كتير شكل المكيف الإسبليت وشكل المروحة العادية ...الخ



وده النوع اللي إشتريته بالظبط




ودي اللي كنت بادور علي مثلها وهي تشبه السشوار في فكرته عبارة ملف حراري يسخن بالكهرباء ولكن سخونة بسيطة مقارنة بالأنواع الأخري مع مروحة تدفع الهواء أمام الملف فيسخنه ويخرج الهواء دافيء ويعمل بفكرة تقليب هواء الغرفة مثل مكيف الهواء بالظبط مع العزل الكامل للجسم وللمكونات الساخنة بالجهاز وفي رأيي الشخصي تلك أفضل الأنواع وأقلها ضررا لأنها ليس لها وهيج مباشر يؤذي من يجلس أمامها أو يمكن أن يحدث حريق لا قدر الله إذا تم نسيانها او لامسها أي جسم قابل للإشتعال كالأقمشة والأخشاب والورق لأنها معزولة لحد كبير عيبها فقط الصوت العالي نسبيا.

أرجو أن أكون قد وضحت لحضرتك قدر الإمكان


خالص تحياتي

الحمد لله ان حضرتك لقيت طلبك اخيرا
واضح من فكرة الدفاية انها افضل نوع فعلا
انا عندي واحد بشمع فعلا بتحرق الورق واي حاجة تيجي عليها
وعندي واحدة تاني كنت شارياها من الامارات وشوفت زيها في مصر نزلت من 3 4 سنين
شمع بردو بس برة الشمع فيه شبكة بتتوهج من تأثير الشمع زي نظام شواية الفرن ودي بتوزع الحرارة اكتر ومن براها فيه شبكة حماية مش بتسخن اوي لدرجة انها تحرق الايد وحماية للشبكة الداخلية عشان محدش ايده توصلها
والدفاية فيها مفتاح امان من تحت بحيث لو وقت تفصل على طول وفيها امكانية انها تلف يمين وشمال
المهم شوفتها من شهر وشوية ب 180 بس ال 3 شمعات والاصغر ارخص ممكن جدا متكونش موجودة دلوقت او رفعوا اسعارها
ودي صورتها

المشاركة الأصلية كتبت بواسطة نور القمر

الحمد لله ان حضرتك لقيت طلبك اخيرا
واضح من فكرة الدفاية انها افضل نوع فعلا
انا عندي واحد بشمع فعلا بتحرق الورق واي حاجة تيجي عليها
وعندي واحدة تاني كنت شارياها من الامارات وشوفت زيها في مصر نزلت من 3 4 سنين
شمع بردو بس برة الشمع فيه شبكة بتتوهج من تأثير الشمع زي نظام شواية الفرن ودي بتوزع الحرارة اكتر ومن براها فيه شبكة حماية مش بتسخن اوي لدرجة انها تحرق الايد وحماية للشبكة الداخلية عشان محدش ايده توصلها
والدفاية فيها مفتاح امان من تحت بحيث لو وقت تفصل على طول وفيها امكانية انها تلف يمين وشمال
المهم شوفتها من شهر وشوية ب 180 بس ال 3 شمعات والاصغر ارخص ممكن جدا متكونش موجودة دلوقت او رفعوا اسعارها
ودي صورتها

الحمد لله رب العالمين

الدفاية دي قليلة برضه بس موجودة يعني ممكن نلاقيها من غير لف عليها كتير لكن المشكلة عندي الأطفال لعبهم بزيادة شوية وفي ثواني بنلاقي كوارث ربنا يحفظهم ويحميهم ويجعلهم من الصالحين.

علشان كده فضلت النوع اللي صورته في آخر مشاركة ماركة ديلونجي ودي ماركة كويسة وأصلا ماكنش فيه غيرها وأكيد خلصت كمان دلوقت لأن الناس ياعيني كانت بتتنشق علي أي دفاية - التجار عرفوا يعطشوا السوق حلو قوي وأي دفاية مهما كانت رديئة بتخلص دلوقت علي طول ...... الجو برد الناس حيعملوا ايه!!.

تحياتي