الموضوع: سوأل عن ال c4

بص يا باشا

بالنسبة لقطع الغيار هى قطع غيارها معقولة بس تقارنها بالعربيات اللى فى الفئة بتاعتها يعنى شارك ، ميجان ، فلوانس .. هتلاقى ان قطع غيارها عادية

بس مينفعش تقارنها مع قطع غيار اللانوس و الفيرنا اللى هم نفس سعرها مستعملة هتلاقى فرق كبير و زى ما فيه فرق كبير فى قطع الغيار فيه فرق فى الركوبة جامد اوى برضه

بالنسبة للثبات العربية ثابتة اوى على الارض الحمد لله

و اى استفسار تانى انا فى الخدمة

و ان شاء الله مفيش ندم

المشاركة الأصلية كتبت بواسطة ThEMaN1Oo

الف شكر يا معلم بس انا عايز اقرنها بلمتركس مثلا و بلنسبة للبنزين
اناا سالت علي الفانوس في التوكيل قالي 1400 :s اتمني المساعدة

البنزين استهلاكه كويس بس انا عربيتى مانيوال

انا شايف انها متتقارنش بالماتريكس بصراحة ولا اوبشنز ولا اساسيات و لا حاجة .. الماتريكس مثلا كان ثمنها زيرو اوتوماتيك حوالى 100 الف .. السى فور زيرو بـ 145 الف يعنى فئة ثانية خالص

زى ما قلتلك دا سعر طبيعى فى التوكيل للعربيات اللى فى الفئة ديه .. بس برة هتلاقيه ارخص اكيد بس برضه مش زى قطع غيار الهيونداى عشان العربية مش منتشرة اوى

لازم تضحى بحاجة عشان حاجة تانية .. مفيش عربية كاملة

المشاركة الأصلية كتبت بواسطة theman1oo

واللهي هي الاوبشنز اللي فيها ممتازة و تستهل بس المشكلة لو حاجة باظت هتكلف اوي يعني مثلا الفانوس بره التوكيل يعملو كام و اية رايك في الاوتو بتاعها و شكرا d:

اسف بس مخدتش بالى من الرد الجديد

و الله يا باشا كل حاجة قصادها حاجة .. يعنى هتاخد اوبشنز و اداء و فخامة بس هتدفع قصاد ده فى قطع الغيار .. انا معرفش بصراحة عن الاسعار اوى لأنى الحمد لله مغيرتش اى حاجة لسه

الاوتو بتاعها معرفش نظامه ايه مجربتوش بصراحة بس انا اسمع ان فيه مشاكل فى الموديل ده بالذات اللى قبل الفيس ليفت الىى هو 2005 لحد 2008

بس الكشف فى التوكيل بيبين اى حاجة و متتنازلش عنه ابدا حتى لو العربية شكلها زيرو

و بالتوفيق ان شاء الله

المشاركة الأصلية كتبت بواسطة densfog

أستاذ مهاب بعد التحيه
ممكن حضرتك تقولى هيا سعرها مستعمل فى حدود كام

و الله هى سعرها مستعمل قليل شوية و ديه ميزة لما تيجى تشتريها مستعمل تحس ان سعرها مناسب اوى

حسب الحالة و الموديل و الكيلومتر

يعنى مثلا لو موديل 2005-2006 حالة نظيفة كيلومتر معقول تعمل من 65 لـ 70 حسب الحالة

دا للموديل اللى قبل الفيس ليفت

لو الموديل اللى بعد الفيس ليفت 2009-2010 ممكن تعمل فى حدود 90 لـ 100

بس اهم حاجة متسترخصش السعر يعنى حتى لو هتدفع 5 الاف زيادة عن سعر السوق فى عربية حالة نظيفة احسن ما تجيب عربية شايفها رخيصة و يبقى حالتها مش قد كده لأن العربيات ديه محتاجة معاملة نضيفة و مش محتاجة بهدلة جامدة و برضه اهم حاجة اى عربية تكشف فى التوكيل بالكمبيوتر مهما كان شكل العربية نظيفة تكشف فى التوكيل برضه لان العربية فيها حساسات كثير و بالتوفيق ان شاء الله

و لو فى استفسار تانى انا معاك ان شاء الله

و انا مش استاذ و لا حاجة انا لسه 20 سنة اعتبرنى اخوك الصغير