اقتباس المشاركة الأصلية كتبت بواسطة Y2Y1500 مشاهدة المشاركة
تفسيرى لشعور حضرتك عن موضوع الدغدغة فى العفشة ده على المطبات والطرق الغير ممهدة ان نظام التعليق فى الصنى


الامامى ماكفرسون مع عمود اتزان وده موجود فى 90% من عربيات نفس الفئة ان لم يكن كلها
اما الخلفى فهو عمود متصل (دنجل) وليس مالتى لينك او متعدد الوصلات او مستقل وهو ما يشعرك بالراحة على تلك الطرق مثل الهيونداى والكيا والميتسوبيشى والتويوتا مثلا وفى الصنى اذا مريت على مطب بعجلة واحدة فقط من العجلات الخلفية بتحس ان الثانية بتتأثر لأنهم متصلين ببعضهم
وشوف بقى لما تعدى على عيون القطط او فواصل كبارى تلاقى العربية اترجرجت جامد خاصة لو انت لوحدك فى العربية

انما لو راكب معاك حد خاصة فى الخلف هاتحس بيها دغدغة مكتومة فوق وتحت وليس غربلة جانبية
التفسير ده مقنع جدا بس الواحد نفسه يعمل حاجة تنعم العفشة شوية زى باقى العربيات معقول يبقى الصينى انعم من اليابانى