الموضوع: اصحاب الصنى اللى عدوا 100الف

المشاركة الأصلية كتبت بواسطة maged george

انا هبتدي واقول عربيتي موديل 2007 عاملة 106000 وبصراحة كل حاجة فيها ممتازة جدا من ناحية السحب والمتانة والكفاءة ماعدا ...... خلوا بالكوا من ماعدا دي العفشة ( المساعدين اتغيرت على 60000 بمساعدين مونرو وبعد سنة حجرت وعاوز اغيرهم تاني بس المرة دي ان شاء الله هجيب الاصلي وطبعا المقصات محتاجة تتغير لكن خلاف ذلك انا احترم العربية دي جدا جدا جدا .

ماجد باشا هاتهم من التوكيل و ريح دماغك بعد كده

السلام عليكم
انا معايا صني 2088 عامله 120 الف العربيه من حيث السحب والاعتمادية ماشاء الله زي الفل وكمان قطع الغيار الاصلي معمرة جدااااااا اما قطع الغيار اللى احتاجت تغيير هي كالتالي :
عدد 2 مقص ومساعد امامي ودول اتغيرو فى التوكيل ضمان عند ال 85 الف تقريبا ( وبعد ما زوجتى طلعت بيهم الرصيف والجزيرة الوسطى للشارع )
تم تغير تيل الفرامل اماي وخلفي مرة واحده ( على الاقل معايا انا لاني اشتريت العربيه عامله 60 الف ك )
المساعدين اللى ورا تعبانين وعايز اغيرهم
العفشه فى احتياج للتربيط كل 10 الاف ك بحد اقصي
ماعدا ذلك السيارة تمام فى كل حاجه .
اخوكم مصطفى