اصحاب الصنى اللى عدوا 100الف

**Youssef.Awad** · 26-01-2012 02:35 PM

المشاركة الأصلية كتبت بواسطة amdd

التفسير ده مقنع جدا بس الواحد نفسه يعمل حاجة تنعم العفشة شوية زى باقى العربيات معقول يبقى الصينى انعم من اليابانى

يافندم ماهو عشان تغير الاحساس وتنعم العفشة
لازم تغير العفشة الخلفية بواحدة زى العربيات اللى بتقول عليها
او استنى لما ينزلوا الصنى الجديدة بيتهيألى هاتبقى تعليق مستقل خلفى لو ما كانتش عمود متصل برضه

**zezox** · 31-01-2012 07:10 AM

تقريبا كده انا اكتر واحد مشي بعربيته هنا انا 2010 و عملت 129 الف في سنه و 8 شهور بحكم اني مهندس مدني و بلف كتيير غيرت مقصات بس علشان مشيت بيه في اماكن وعرة جدا كتيير بس المقص سليم بصرحة مش عارف المكيانيكي غيره لييه و المساعديين زي ما هما مافيهموش الهوا غيرت الرديتاير علشان اتخرم خرم وحش قوي و غيرت الطنابير علشان انا اتجنننت في يوم و ركبت تيل من ابو 50 جنيه طرب الطنابير خلي فيها عالي و اطي مارضيتش اخرط فا غيرت عالطول بس خرط الجديد للاسف الشديد لاني كنت راجع من مشوار طويل و الطنابير سخنه و دخلت في بحيرة مياه عي الطريق بسرعة غير كده مافيهش الهوار و زي ما هي ماشاء الله ربنا يبارك كويسه جدا و التغيررات ديه كلها بسببي انا مع العلم اني لغاية دلوقتي بجيب بيه 200 كم بس يكون الطريق مساعد لسه امبارح جابت 195 كم و كانت داخله علي ال200 كم/س و الطبيعي بتاعي 160 بتجيبهم بسولة جدا لغاية دلوقتي طبعا بغير تيل كل 5000 او 7000 او حسب الظروف بقي و الزيت موبيل 1 10000 و الصيانات كلها انا بعمل اغلبها بره التوكيل بقيت عارف التوكيل بيعمل ايه بالظبط و بعمله انا بره بربع التكاليف ولو حبيت اوصلها بكاشف اعطال بوصلها ب 20 جنيه ده لو فيه مشكلة طبعا غير كده الطبيعي فلاتر و تيل و كاوتش و الذي منه يعني

**zezox** · 31-01-2012 07:13 AM

طبعا ده غير مشاكل التقفيل المصري الي فيها بس كعربية تستاهل تمنه و فوقيه 100 بوسه كتر خيره بصراحة شافت ايام زفت معايا كان استهلاك البنزين في الاول زفت بس عوامته كان فيها مشكلة و اتحلت و دلوقتي بتعمل 470 في التانك كلها و انا بجري بيها عالطول الطبيعي 130 او 140 عالطول بحكم اني عالطول بسافر

**Youssef.Awad** · 31-01-2012 10:09 AM

المشاركة الأصلية كتبت بواسطة zezox

تقريبا كده انا اكتر واحد مشي بعربيته هنا انا 2010 و عملت 129 الف في سنه و 8 شهور بحكم اني مهندس مدني و بلف كتيير غيرت مقصات بس علشان مشيت بيه في اماكن وعرة جدا كتيير بس المقص سليم بصرحة مش عارف المكيانيكي غيره لييه و المساعديين زي ما هما مافيهموش الهوا غيرت الرديتاير علشان اتخرم خرم وحش قوي و غيرت الطنابير علشان انا اتجنننت في يوم و ركبت تيل من ابو 50 جنيه طرب الطنابير خلي فيها عالي و اطي مارضيتش اخرط فا غيرت عالطول بس خرط الجديد للاسف الشديد لاني كنت راجع من مشوار طويل و الطنابير سخنه و دخلت في بحيرة مياه عي الطريق بسرعة غير كده مافيهش الهوار و زي ما هي ماشاء الله ربنا يبارك كويسه جدا و التغيررات ديه كلها بسببي انا مع العلم اني لغاية دلوقتي بجيب بيه 200 كم بس يكون الطريق مساعد لسه امبارح جابت 195 كم و كانت داخله علي ال200 كم/س و الطبيعي بتاعي 160 بتجيبهم بسولة جدا لغاية دلوقتي طبعا بغير تيل كل 5000 او 7000 او حسب الظروف بقي و الزيت موبيل 1 10000 و الصيانات كلها انا بعمل اغلبها بره التوكيل بقيت عارف التوكيل بيعمل ايه بالظبط و بعمله انا بره بربع التكاليف ولو حبيت اوصلها بكاشف اعطال بوصلها ب 20 جنيه ده لو فيه مشكلة طبعا غير كده الطبيعي فلاتر و تيل و كاوتش و الذي منه يعني

طبعا ده غير مشاكل التقفيل المصري الي فيها بس كعربية تستاهل تمنه و فوقيه 100 بوسه كتر خيره بصراحة شافت ايام زفت معايا كان استهلاك البنزين في الاول زفت بس عوامته كان فيها مشكلة و اتحلت و دلوقتي بتعمل 470 في التانك كلها و انا بجري بيها عالطول الطبيعي 130 او 140 عالطول بحكم اني عالطول بسافر

لا يا باشمهندس احنا عاوزين كل حاجة بالتفصيل والاسعار والاستهلاك وفترة الضمان ومشاكل العربية معاك
احنا ما صدقنا لقيناك ولازم تفيدنا بخبرتك قدر الامكان
وحرام عليك بتغير تيل فرامل كل 5-7 الاف كم !!! يعنى اكتر من زيت العربية