الموضوع: بنزينة ولا التوكيل

المشاركة الأصلية كتبت بواسطة crayvor

فيه حاجات ف ميكانيكا وكهربة العربية مايجيبهاش غير التوكيل وبتحتاج مصاريف كتير. بدل ما يصلحها بيلصمها لغاية ما تاخدها أنت وتكتشف المصيبة بعدها باسبوع. البنزينة بتكشف ع الموجود قدامها سمكرة وموتور وفلاتر وزيوت وعفشة. بس العربية مش كلها سمكرة وعفشة وموتور كدا ولا ايه؟ ومعلش يعني لو فيه واحد مش فاضي ماكنش يبيع العربية أصلا غير لما يفضي!!

حاجات زى اية ؟؟؟

المشاركة الأصلية كتبت بواسطة moh19227

ياباشا هوا مش موضوع حجج المهم انت تثق في انهي مكان علشان تتفحص فيه العربيه
حاول تشوف التوكيل الظروف متسمحش شوف اي بنزينه محترمه ويكون حد كشف فيها قبل كده زي وطنيه اللي قولت عليها قبل كده وروح اكشف فيها والناس هناك فاهمه ولو في خدش في العربيه هيطلعهولك

ازاى اكشف فى التوكيل؟؟؟

اللى ما بيرضاش يكشف فى التوكيل بيكون غالبا بيعمل الصيانات بره التوكيل و احتمال يكون مش بانتظام يعنى لما الحاجه تبتدى تعمل مشاكل بس يغيرها و علشان كده بيكون خايف ان العربيه يكون فيها مشاكل يمكن حتى هو نفسه ميعرفهاش و التوكيل يكشفهالو فى الفحص فيضطر ينزل من السعر او البيعه تبوظ لكن فى البنزينه بيكشفوا بس كشف مبداى بسيط وارد جدا يفوت عليهم مشاكل موجوده و حضرتك تدبس فيها و أنا مش بانكر ان البنزينه ممكن يكون موجود فيها حد كويس لكن الفكره هيكون كويس في ايه؟ مفيش حد يعرف كل حاجه فى كل حاجه و علشان كده ممكن جداً حاجات تعدى عليه و يكون ما يعرفهاش لكن التوكيل عنده الادوات و كمان المتخصصين و علشان كده الكشف فى التوكيل اضمن و ياريت تتمسك به لانه مهم جدا

المشاركة الأصلية كتبت بواسطة wshawky

اللى ما بيرضاش يكشف فى التوكيل بيكون غالبا بيعمل الصيانات بره التوكيل و احتمال يكون مش بانتظام يعنى لما الحاجه تبتدى تعمل مشاكل بس يغيرها و علشان كده بيكون خايف ان العربيه يكون فيها مشاكل يمكن حتى هو نفسه ميعرفهاش و التوكيل يكشفهالو فى الفحص فيضطر ينزل من السعر او البيعه تبوظ لكن فى البنزينه بيكشفوا بس كشف مبداى بسيط وارد جدا يفوت عليهم مشاكل موجوده و حضرتك تدبس فيها و أنا مش بانكر ان البنزينه ممكن يكون موجود فيها حد كويس لكن الفكره هيكون كويس في ايه؟ مفيش حد يعرف كل حاجه فى كل حاجه و علشان كده ممكن جداً حاجات تعدى عليه و يكون ما يعرفهاش لكن التوكيل عنده الادوات و كمان المتخصصين و علشان كده الكشف فى التوكيل اضمن و ياريت تتمسك به لانه مهم جدا

بقالى شهرين متمسك بيهم ولا واحد رضى بية غير واحد بس ومروحناش لانه كان يوم الجمعة فى سوق السيارات

المشاركة الأصلية كتبت بواسطة dr_hady4447

حاجات زى اية ؟؟؟

حصلت مع زميل ف الشغل ف عربية صني 2010... حساسات هوا اشتراها من هنا قعدت يوم واحد ولمبة التشيك نورت.. يمين شمال مافيش.. كانت العربية تدور وهي باردة استني ما تسخن وتقعد ربع ساعة تدور ماتجيبش. راح بيها عند طوب الأرض مافيش.

خدته عند التوكيل.. 3 دقائق وطلع قاله حساس هوا وحساس حرارة غيرلو الاتنين ودي كانت مشكلة بسيطة لكن يبدو ان صاحب العربية نفسه ماكنتش بيعتب التوكيل.

مصيبة أكبر.. لانسر بتاعة مقاول بيتعامل مع الشركة بيحكيلي قصته وهو أساسا عنده ورشة كشف فيها عن العربية قبل ما يشتريها وكله تمام وزي الفل.
بعد فترة بدأ يلاحظ ان مياه الردياتير فيها لون بني وفيه حاجات غريبة بتتجمع علي السطح.
راح للتوكيل قال له ان دا بسبب ان المالك القديم كان بيحط مياه من الحنفية (تخيل لانسر بيتحطلها مية م الحنفية!!) ودا سبب ان دورة المياه كلها تصدي بسبب الأملاح. اللي زود الموضوع انه كان بيحسب المية لونها أحمر دا معناه ان الراجل بيحط مياه ردياتير حمرا وهو بيزود عليها بالمثل ومياه الردياتير الأصلية (الأحمر أو الأخضر) يتاكل الأملاح والصدأ عشان مايزيدش فا أكل الصدا اللي ف دورة التبريد وحصلت المصيبة الكبري لأن دورة التبريد أساسا كانت كلها مصدية . طبعا تم تغيير دورة التبريد كلها بما فيها الردياتير نفسه
غيرها كتير طبعا زي واحد معرفة من بعيد شوية معاه فابيا وفيها عفريت راكب معاه زجاج بيفتح ويقفل لوحده وفوانيس مش عاوزة تشتغل وعدادات بتلعب لغاية ما البطارية بقيت بتفضي. مع أول كشف ف التوكيل وراله ضفيرة كهربا واحد أكلها قبل كدا!! وقاله أساسا دي مش ضفيرة الفابريكة دا مغيرة قبل كدا. وما أدراك بقي تمن ضفيرة كهربا سكودا بالمصنعية بكام.

الاحتياط واجب. مش عشان 50 ولا 100 جنيه زيادة حياخدهم التوكيل حاتروح حتة تانية. روح واتفق مع الراجل وانت قدامه هو حتي اللي يتصل بالتوكيل ويحجز الميعاد اللي يعجبه تروح تكشف وتخلص ف نفس الوقت.

المشاركة الأصلية كتبت بواسطة crayvor

مش عشان 50 ولا 100 جنيه زيادة حياخدهم التوكيل حاتروح حتة تانية. روح واتفق مع الراجل وانت قدامه هو حتي اللي يتصل بالتوكيل ويحجز الميعاد اللي يعجبه تروح تكشف وتخلص ف نفس الوقت.

الله ينور عليك والله المبدأ مش مبدأ فلوس خالص اطلاقا اطلاقا اطلاقا

المشاركة الأصلية كتبت بواسطة dr_hady4447

بقالى شهرين متمسك بيهم ولا واحد رضى بية غير واحد بس ومروحناش لانه كان يوم الجمعة فى سوق السيارات

زي ما فيه معارض سيارات "مزبلة" فيه معارض نضيفة. زي معرض يملكه اتنين أخوات واحد منهم اسمه "القبطان" في سموحة دوران عمانويل ف اسكندرية لو حد يعرفه. رغم انه بيزود ألف ولا اتنين عن سعر السوق بس بيوافق ف أي وقت تاخد العربية من عنده ومعاك واحد من المعرض (هو اللي يسوق عشان أي حاجة تبقي ع المعرض مش عليك) تطلع بيها التوكيل تكشف كشف كامل عليها.

المشاركة الأصلية كتبت بواسطة crayvor

زي ما فيه معارض سيارات "مزبلة" فيه معارض نضيفة. زي معرض يملكه اتنين أخوات واحد منهم اسمه "القبطان" في سموحة دوران عمانويل ف اسكندرية لو حد يعرفه. رغم انه بيزود ألف ولا اتنين عن سعر السوق بس بيوافق ف أي وقت تاخد العربية من عنده ومعاك واحد من المعرض (هو اللي يسوق عشان أي حاجة تبقي ع المعرض مش عليك) تطلع بيها التوكيل تكشف كشف كامل عليها.

الف ولا 2 زيادة على المكسب ؟؟