الموضوع: جينتاوي جديد و محتاج حد يفهمني

المشاركة الأصلية كتبت بواسطة elshaeer2012

السلام عليكم
انا كنت عايز مساعدة من خبراء الجين تو اللي معانا في المنتدى
انا مشتري جين تو 2006 من كام يوم
و بصراحة بقالي اربع ايام ما بتطلعش من المنتدى علشان عايز اضبط شوية حاجات فيها
بس برضه بصراحة لقيت اراء الناس متعارضة كتير
يعني مثلا التيل الامامي الالقي ناس تقول الريمسا لا قبل و لا بعد و ناس تقول لا ده وحش هاتوا ال fbk و ناس تقول جربت ال fbk و وحش هاتوا الهالتيكس
و نفس الكلام بالنسبة للبوجيهات و لفلتر الهوا
فأنا بصراحة بقيت محتار و كل ده مش عارف اعمل حاجة في العربية علشان منتظر الجواب النهائي
فيا ريت الزملاء اللي معانا اللي فاهمين الجين تو كويس يساعدوني في الاتي ( أفضل الانواع مع سعرها لو تعرفوه و أجيب منين و اركبه فين )

1. انا عايز تيل امامي
2. عايز فلتر هوا
3. فلتر بنزين
4. فلتر زيت
5. بوجيهات و لو محتاجة تغيير سلوك
6. ايه افضل انواع الزيوت اللي الناس جربتها
7. عايز اعرف المرايات الجانبية العادي انها مقعرة و لا عادية لان اللي عندي في العربية عاديين و لو الاصلي مقعرة اجيب الزجاجة بس منين
8. الوش بتاع الدركسيون ( لان العربية الاير باج بتاع السائق مفتوح و كان عامل كفر جلد بدل وش الطارة كله) اللي بندوس منه كلاكس
9. كلاكس طبعا لان الكلاكس الموجود تحس انه أخنف
10. الكنترول بتاع المرايات الكهرباء
11. ماكينة الزجاج للباب الخلفي يمين مش شغالة و لا من الباب و لا من عندي مش عارف تتصلح و لا لازم تتغير

معلش انا زودت عليكم بس و الله اللي دفعني اني اشتري الجين تو كان تعاون القسم هنا و خبرة اعضائه
و جزاكم الله خيرا مقدما

1- الريمسا وال fbk زباااااااااااالة بمعنى الكلمة .. هات المايلي او الهالتيكس بتوع الفيات بيترا او البوش الايطالي بتاع الجين2


2+3+4+5 هات من مركز عصام الصفا احسن وهتلاقي كل حاجة الاصلي هناك


6- توتال + شيل + ليكومولي + كاسترول


7+8+9+10+11 بردو في مركز عصام الصفا

المشاركة الأصلية كتبت بواسطة elshaeer2012

جزاكم الله خيرا
بس انا برضه شايف انواع كتيرة ناس بتشكر فيها
مثلا البوجيهات اي نوع افضل ناس بتقول ال ngk irridium
و ناس بتقول لا ngk laiser
وناس تقول ال split fire
و كمان انا عاوز استفاد من خبرات الزملاء هنا في اني اقلل شوية عن سعر القطع غيار في التوكيل لاني عاوز حاجات كتير فالتوكيل كده هيبقى اوفر قوي

انا جبت البلاتينيوم وبعد كدة جبت اسبلت فاير بس مش من مصر و مفيش فرق كبير بين ال 2
فلتر الهوا هتلاقيه بيتباع برة ب 50 جنيه بس من غير الحتة السفنج اللي بتقلل صوت الموتور وهتلاقي الاصلي في مركز عصام الصفا تقريبا ب 130 جنيه بالسفنجة
باقي الحاجات طبعا زي السيور وفلتر التكييف والكلام ده خليه من المركز احسن علشان يبقى كله اصلي

المشاركة الأصلية كتبت بواسطة elshaeer2012

طب بالنسبه للوش بتاع الدركسيون تفتكر اجيبه من عصام و صفا برضه و لا انزل الحرفيين ادور عليه استيراد؟؟
طبعا الاير باج سألت عليها لقيتها بتلات الف و خمسمائة جنيه فمش هاجيبها دلوقتي خالص
معلش انا تاعبك معايا يا هندسة

أسأل الاول في المركز .. وانا هسألك على الايرباج في الحرفيين ونشوف فرق السعر انت اولى بيه