حد بيفكر ف اللي بفكر فيه

**ELOLL23** · 28-05-2008 10:14 PM

دلوقتي حد بفكر يخلي عربيتو الجين 2 غاز انا بفكر ف كده والله لانها مش عارف حاسس انها اوفر اويييييييييييييي ف البنزين
ياريت اللي بيفكر ف كده يقول او حتي يكون جربها ف اي عربيه تانية
ومثلا يعرف ايه اللي بيعملو الغاز ف العربيهه هل بيسار ع العربيه اوي ولا لا
وشكرا

**AhmedGen2** · 28-05-2008 10:21 PM

غاز ؟ طب ما نقلبها برسيم أحسن

حرام يا باشا معاك عربية موديل حديث تقلبها غاز طب جبتها ليه ، وبعدين دى 1600 سى سى يعنى مهما كان مش بلاعة ، غير إن امكانية تحويلها غاز هتبقى مكلفة وحوار ...

فاكس يا عم بدل ما تبوظ الموتور ومساحة من الشنطة عالفاضى ..

**mohamed_1991** · 28-05-2008 10:52 PM

fakeeeeeeeeeeeeeeeeeeeees el kelma de kefaya gara a ya 3m da kefaya el tabour eli matgebsh awelo men a5ro we el 3arabia tes5an we el mator yeboz we allah a3lam a nezamo ma3 el takef liih??:S:S:S:S:S:S

**Eng.Sameh** · 28-05-2008 10:54 PM

يا سلام لو ينفع نقلبها ميه ، بس متكونش معدنيه

**ahmedsiyam** · 29-05-2008 03:40 PM

الاخ الفاضل انا كنت شغال فى شركة لتحويل السيارات للعمل بالغاز الطبيعى
و عمرى مافكرت انى اعمل الحركة دى خالص العربية دى حلاوتها فى البنزين موش هاتستمتع بيها خالص فى الغاز لانها رياضية من الدرجة الاولى
انما الغاز ينفع لعربيات تانية غير دى و هو مشروع اقتصادى جدا بالنسبة للسيرارات الاجرة و سيارات الشركات او الملاكى اللى المةاتير بتاعته كبيرة و بتستهلك بنزين جامد

**ELOLL23** · 29-05-2008 09:14 PM

يا جماعه انتو مش فاهمني المشكله انا لسه مش شغال يعني مصروف البنزين عليا زاد جدا لاني كان معايا كرولا 91 فين وفين لما كنت بحطلها البنزين وف اخر ايمها كنت بقول دي بقيت حريقه ف البنزين وكان استهلاكها 10 لل100 جوه البلد مش بره الجين 2 ياجماعه انا حاطط حوالي 100 لتر ف 850 كيلو دغي اني وانا ماشي جوه البلد بلاقي عداد الكيلو مترات بينزل بطريق رهيبه ومبالك بقي لو مشغل التكييف
ف لو حوار الغاز ده مش هياثر الا علي السحب بس مش علي الاجزاء بتاعت العربيه ومش هيخرجها من الضمان انشاللله هعملو وابقي ائلكو عليه لاني نفسي اخرج الف واتفسح بالعربيه زي زمان دلوقتي انا راكنها اكتر مبركبها وشكرا

**MoToRiZeR** · 29-05-2008 09:23 PM

حتي لو هتوفر مئات في البنزين فا انت تعتبر بوظت عربية بعشرات الألاف .. بلاش

**werewolf** · 01-06-2008 11:34 AM

يا جماعة اصل انتم مش عندكم العربية ومش عارفين استهلاكها اد ايه
انا عندي موديل 2008 وحاسس انها حريقة بنزين 13 لتر/100 كم يعني 160 كم في الصفيحة
دا اكيد مش طبيعي بس الغريب ان انا ملاحظ دي شكوي عامة مش لوحدي
لازم يكون في حل ..دي مش عربية جيب 4000cc

**iBiZa** · 01-06-2008 11:59 AM

انا شايف ان حرام تعمل كدة بس طبعا الموضوع يرجعلك فى الاول و الاخر.

انا سمعت من كذا سواق تاكسى محولين غاز انة يقلل من عمر الموتور "علاشان الغاز حامى على المكنة".

لو فى حد عارف تفاصيل عن الموضوع دة يا ريت يفيدنا.