طيب انا ححكيلكم تجربتى الماساوية.كان جرس الباب عندى من النوع الى بيدى رنتين"تن تن" وسبب وصفى لة نصيحتى ليكم بان كل واحد يشيلة لان العيال لما ضربوا الجرس وكنت مش موجود زرار الجرس علق وفضل الجرس واصلة كهربا ونتج عن كدة انى بفتح باب الشقة لقيت الجرس مولع وسايح وواقع على الارض والنار ماسكة فى السجادة. جزء كبير من سقف الصالة اسود من النار ومحتاج دهان وبدون مبالغة كل الشقة وكل العفش عالية هباب اسود وستر الله انى وصلت فى الوقت المناسب لان النار كانت ماسكة فى السجادة وماشية ناحية السفرة وبفضل الله طفيتها ودة تحذير من الجرس دة بالذات .افضل جرس ممكن استعمالة الجرس الذى يعمل بدايرة الكترونية زى جرس العصافير.