مساعده يا شباب

**TheBuccaneer** · 25-01-2012 09:50 AM

المشاركة الأصلية كتبت بواسطة can_be

السلام عليكم ورحمه الله وبركاته

ازايكم يا شباب

انا كنت عايز اسال انا معروض عربيه استراد يعنى نصين وتقريبا اتلحموا تمام

فكنت عايز حد يقولى ايه عيوب الموضوع ده ولا عادى موضوع النصين دا

وجزاكم الله خير

السلام عليكم ورحمة الله

سياره e46 325 2004 كوبيه بمبلغ 90000 جنيه سعر ممتاز جدا. مشكلة السياره الوحيده هى إنها نصفين مما يعنى تعقيد الترخيص و يجب وجود معرفة بالمرور لكى تستطيع ترخيصها بسلاسه لكن جزء إن اللحام يفك, أو كل هذا الكلام إن شاء الله لن يحدث لأن طريقة لحم السيارات المنصفه بيكون بشكل و طريقه معينه

**JOOOOOOOOOO** · 25-01-2012 10:41 AM

شوف يا باشا اولا هي كوبيه بيتم شراء ورق سيارات حوادث مماثل لها لاخذ رقم الشاسيه والنمرتيين

وبيتم تجميع النصفين بطريقة معينة بمعني يتم اللحام من الداخل في العصب ويقفل من الخارج لحام وزي ما انتو فاهمين دا لحام اكسجين مش مثلا هتكون ملحومة بامير علشان تفك

وبيتم اخذ المقاسات من عربية سليمة علشان تطلع مظبوط ودلوقتي الاناس لما بتيجي تقطع القوايم بيقطعو بعيد عن الذنب علشان ماتبانش

وانا شوفت عربيات كتير كدا

**JOOOOOOOOOO** · 25-01-2012 10:49 AM

انا واحد من الناس مش بحب كدا
مع انها مافيهاش حاجة بس ممكن لو حبيت ابيعها بعد كدا تتقل في البيع معايا

**can_be** · 25-01-2012 02:13 PM

اولا جزاكم الله خير على الاهتمام والمتابعه

بس بجد انا زد حيره وهيا هل اجيبها ولا لا لانى اصلن معرفش هيا اتلحمت بضمير ولا ايه وكده

طيب حد يعرف مكان محترم ممكن اجيب حد منه يشوف العربيه ويقولى اي ظروفها يعنى كويسه ولا لا

وهل فعلا لو جريت ولا لبست مطب ممكن تتفك بجد منى ولا ايه وهل استهلكها فى البنزين هيبقى عالى اوى

وهل هعرف ارخصها ولا ايه اصلى الصراحه مش فاهم النقطه دى

وجزاكم الله خير

**fahd_628** · 25-01-2012 02:21 PM

ممكن تواجة مشاكل جامدة فى الترخيص

و بالنسبة لأنها تتفك فا دة صعب يعنى !! لكنها مش حتبقى مظبوطة و فى اى حادثة لاقدر الله ممكن تبقى كارثة

و بعدين لما تيجى تبيها حيتخسف بتمنها الأرض و ممكن متعرفش تبيعها !

انا رأى لو عاوز تركب بى ام فعلا بلاش الأنصص و الكلام الفارغ دة !!

**sheko_2000eg** · 25-01-2012 04:12 PM

انا مع فهد و اتفق معاه
انا كنت بجري مع واحد صحبي عربيته نصين علي طريق العلمين و في اخر الطريق كان فيه مطب
لبس المطب علي 120 تقريبا و المفاجأة العربية اتفتحت من الجمب اليمين و منفعتش تتصلح تاني .

**can_be** · 04-02-2012 02:21 AM

جزاكم الله خير يا شباب انا خلاص صرفت نظر عن العربيه دى بعد الكلام الى قريته

**amrhks** · 04-02-2012 02:48 AM

المشاركة الأصلية كتبت بواسطة can_be

جزاكم الله خير يا شباب انا خلاص صرفت نظر عن العربيه دى بعد الكلام الى قريته

ده احسن قرار , عارف هي الصعوبة مش في اللحام في ناس بتلحم و اتحداك لو عرفت ان العربية فيها حاجة و خصوصا لو الضيفيرة ال ماشية بطول العربية سليمة ولا انك تجري بالعربية و تفك منك , ياما ناس عملت انصاص و كانت فيها مواتير m و تخميس و تعريض و سبقات و طول النهار عجن و لا اي حاجة و بالنسبة للبيع , بتقول انها نصين و زي ما وقفت عليك بالرخيص برده حتبعها بسعر قليل . المشكلة كلها انك تلاقي ورق, عربية عاملة حادثة و تاخد رقم الشاسيه و لو لقيت بيبقى غالي عشان الناس فهمت اللعبة و في النهاية انا موافقك تماما على قرارك.