محتاج رايكم ياشاركوية فى صيانة ال10000

**ma7oo** · 25-01-2012 08:46 PM

ان شاء الله ناوى اعمل صيانة ال10000 لعربيتى شارك 2009 وعاوز اعرف رايك لانى حيران اوى اروح شركة مصرية اللى فى قليوب واللى عامل فيها صيانة ال1000 واتشرفت بمقابلة المهندس طارق زويل ولا اروح اجرب دايموند موتورز توكيلها الجديد مع ان فيه ناس اشتكت منهم بس اجربهم ولا ايه ريكم يارجاله؟؟؟؟

**movies** · 25-01-2012 09:12 PM

مفرقتش...لولا الضمان كنت قلتلك اعملها فى اى بنزينة...انت يادوب هتغير زيت و فلتر...رائى الشخصى روح دياموند موتورز جربه من باب العلم بالشئ مع الاعتبار ان تكلفة المصنعية هتكون اعلى فى دياموند..

**IronHead** · 25-01-2012 09:25 PM

انا اخر مره رحت دايموند عشان الضمان لانهم مبيعترفوش بالتوكيل القديم, الصيانه كانت زيت وفلتر وتكلفت اجمالى 700 جنيه (المصنعيه 240 )
بس الصراحه كنت راجع مبسوط, المكان نظيف ومنظمين اكتر من التوكيل القديم, وانا كنت رايحلهم بطلبين غراب وعملوهم من غير مصاريف اضافيه
كنت عايز اقلل من حساسيه حساس الضوء عشان ميشتغلش الا لما الضوء يبقى خافت (كان بيشتغل قبل كده قبل المغرب بساعه, دلوقتى ضابط نفسه على الاذان :-)
وكنت عايزهم يغيره نظام عداد الصيانه يبقى كل 1000 او 12 شهر (قبل كده كان كل 6شهور)
عموما هما منجزين فحت, وبيروقو العربيه, ويسلمهالك متنظفه جوا وبره اكنها كانت فى كار كير, ومن الواضح انهم شغلين صح على جدول اعمال صيانه, فى حجات بيعملوها من غير ما اكون قايل عليها
دى كانت تجربتى مع دايموند اللى كنت حاطتها على الرابطه

**kholio** · 25-01-2012 11:53 PM

انا رأيي انك تشتري انت الفلتر وتعمل الصيانة انت بمعرفتك لان انا في رأيي التوكيل ده بياخد فلوس على الفاضي

**ma7oo** · 26-01-2012 12:42 AM

ironhead حضرتك كنت عامل صيانة ال10000 ب 700 جنيه و240 مصنعية فى ديموند ده كتييييييييييييييييير جدا 240 مصنعية ليه !!!!!!!!!! وبعدين انا هجيب الزيت معايا مش هحط موبيل انا هحط ليكوى مولى لايت لاف 5w40 ...هدفع مصنعية 240 جنية لا طبعا كتير جدا حتى لو المكان نضيف انا اروح المصرية احسن وانا ابقى اغسل العربية احسن ولا ايه رايك

**ma7oo** · 26-01-2012 12:44 AM

خوليووووو واحشنى جدا بجد حضرتك اخبارك ايه والله عاوز اكلمك اطمن على حضرتك وعندك حق والله فى اللى بتقوله بس بقول عشان لو فيه حاجة فى العربية تتعمل كلها مرة واحده وانا هناك ولا ايه

**ma7oo** · 26-01-2012 12:55 AM

movies حضرتك معاك حق وفعلا دايموند باين انه مصنعية عالية زياده عن اللزوم :S

**M_Marwan** · 26-01-2012 03:37 AM

المشاركة الأصلية كتبت بواسطة ironhead

انا اخر مره رحت دايموند عشان الضمان لانهم مبيعترفوش بالتوكيل القديم, الصيانه كانت زيت وفلتر وتكلفت اجمالى 700 جنيه (المصنعيه 240 :i_angr1[1]: )
بس الصراحه كنت راجع مبسوط, المكان نظيف ومنظمين اكتر من التوكيل القديم, وانا كنت رايحلهم بطلبين غراب وعملوهم من غير مصاريف اضافيه
كنت عايز اقلل من حساسيه حساس الضوء عشان ميشتغلش الا لما الضوء يبقى خافت (كان بيشتغل قبل كده قبل المغرب بساعه, دلوقتى ضابط نفسه على الاذان :-)
وكنت عايزهم يغيره نظام عداد الصيانه يبقى كل 1000 او 12 شهر (قبل كده كان كل 6شهور)
عموما هما منجزين فحت, وبيروقو العربيه, ويسلمهالك متنظفه جوا وبره اكنها كانت فى كار كير, ومن الواضح انهم شغلين صح على جدول اعمال صيانه, فى حجات بيعملوها من غير ما اكون قايل عليها
دى كانت تجربتى مع دايموند اللى كنت حاطتها على الرابطه

عندك فكره يا (انا مش عاوز اقول اسمك يمكن انت مش عاوز حد يعرفه) ازاى عمل عداد الصيانه كل 12 شهر ؟؟ الف شكر

تكلفه صيانه ال 10 الأف فى الرواس 170 جنيه شامله تربيط عفشه وغسيل موتور

**IronHead** · 26-01-2012 10:10 AM

المشاركة الأصلية كتبت بواسطة ma7oo

ironhead حضرتك كنت عامل صيانة ال10000 ب 700 جنيه و240 مصنعية فى ديموند ده كتييييييييييييييييير جدا 240 مصنعية ليه !!!!!!!!!! وبعدين انا هجيب الزيت معايا مش هحط موبيل انا هحط ليكوى مولى لايت لاف 5w40 ...هدفع مصنعية 240 جنية لا طبعا كتير جدا حتى لو المكان نضيف انا اروح المصرية احسن وانا ابقى اغسل العربية احسن ولا ايه رايك

هيا فعلا غاليه مقارنه بالرواس, بس اللى خلانى اروح دايموند عشان الضمان مش اكتر من كده
انا برضه مستفز جدا من اسعار الصيانه بس للاسف انا اكتشفت ان ده العادى فى التوكيلات, عندك غبور هيونداى الصيانات اللى كل 10000 بتبقى فى حدود 220 مصنعيه بس,

**IronHead** · 26-01-2012 10:24 AM

المشاركة الأصلية كتبت بواسطة m_marwan

عندك فكره يا (انا مش عاوز اقول اسمك يمكن انت مش عاوز حد يعرفه) ازاى عمل عداد الصيانه كل 12 شهر ؟؟ الف شكر

تكلفه صيانه ال 10 الأف فى الرواس 170 جنيه شامله تربيط عفشه وغسيل موتور

يامروان بيه الواحد بيأمن نفسه ويستعمل nickname طول مالمحاكمات العسكريه شغاله, مش طالباها سجن الجيش والعطله, الواحد وراه مصالح برضه :-)
هيا الصيانه فى دايموند برضه تشمل تربيط عفشة ومراجعه كهرباء والسوائل, الكشف على الفرامل والتيل, رجلاش فرامل اليد, تغيير اماكن الكاوتش كل 20000,تنظيف الفلاتر او تغيرها, الكشف على العفشة, وغسيل شامل للعربيه

بخصوص تغيير ال sensitivity لحساس النور وتغيير مواعيد الصيانه فى العداد هما وصلو العربية بالكمبيوتر وعملو reconfigure للحجات دى فى كمبيوتر العربية, المفروض الرواس يكون بيعمل الحجات دى بس هو غالبا كان بيوزعنى لما طلبت منه الكلام ده فى اخر صيانه رحتلوا فيها غالبا عشان الضغط والزحمه

اخوك احمد