داخل علي صيانة 80000 جين 2 محتاج رايكم

**leeeedo** · 01-07-2011 11:11 PM

السلام عليكم

انا قربت علي 80000 كيلو جين 2 اوتو 2007
انا في احتياج الي

* معرفة اسعار صيانة التوكيل
*ما الذي يتم تغييره في الصيانة
*ممكن انا اشتري بنود الصيانة من خارج التوكيل واعملها لوحدي وما هي وبدائلها

اشكركم جدا يا ابطال مصر

**moamen_badboy** · 02-07-2011 04:04 PM

انا عربيتى موديل 2007 برده ولسه عامل صيانة ال80 الف
بس انا معملتش الصيانة فى التوكيل
اشتريت الحاجة كلها من برة وروحت عند الميكانيكى بتاعى وغيرلى كل حاجة
وكل حاجة اشتريتها هى هى بالظبط اللى بتتباع فى التوكيل واشتريتها من محل مكة اللى فى شارع دمشق
والحاجة هى (فلتر زيت - فلتر بنزين - فلتر هواء - سير مجموعة - سير كاتينة - بوجيهات - زيت فتيس - زيت باور - زيت ماتور )
الفلاتر والسيور والبوجيهات من عند مكة
الزيوت من اى حتة بره
وبالنسبة للاسعار بتاعة التوكيل وبتاعة مكة وبتاعة كذا محل تانى كمان انا كاتبها كلها فى ورقة وقارنت بينهم بس المشكلة ان الورقة فى العربية دلوقتى
هقولك عليهم بكرة ان شاء الله

وفيه حاجة كمان
المفروض تغير بلية الكاتينة مع سير الكاتينة
بس المشكلة ان البلية مكنتش موجودة فى اى حتة خالص الاسبوع اللى فات ده وانا بعمل الصيانة عند اى حد خالص بما فيهم التوكيل نفسه
وتمنها لو موجوده ب400 جنيه
انا لقيت بديل ليها عشان كان لازم اغيرها وتمنها ربع تمن دى
شوف كده لو ملقيتش البلية الاصلية او لو عايز توفر فى الفلوس شوية وتستغلها فى حاجة تانى قولى وانا اقولك جيبت بلية ايه