كلامك صح بالنسبه للمواتير القديمه (اللى نسبة انضغاطها بتوصل ل 9:1) زى الاخ صاحب الاكسيل اللى بيقول انه بيحس ان ال شديد التطاير
انما العكس هو اللى صح بالنسبه للمواتير الجديده(نسبة انضغاطها اكبر من 9:1)
عرض للطباعة
التفويل عندى بياخد من 5 الى 7 ايام على حسب الاستخدام
عندك متوسط استهلاك البنزين فى الشاشه كام و انت ماشى على الطريق ؟
يعنى اطلع على الطريق و امشى شويه من غير قرص ..امشى طبيعى يعنى
شوف متوسط الاستهلاك هيطلع كام فى الشاشه (مش الاستهلاك الحالى عشان فى فرق)
انا اعرف ان لو البنزين مش نضيف ..هيطير على طول
مش نظيف يعني ايه ياخالد باشا؟ (عندي 50لتر 92 عملو 350 كيلومتر وكنت بنقل علي 2000 rpm )مش عارف بس حاسس انه مبقاش يتغش ب80 زي الاول بيتغش بكيمياء بحيث ميعملش تسقيف فتحس ان البنزين مضروب والله اعلم
مانت دخلت عصر الانجكشن يابنور
اخوك احمد بيحاول اهه يحصلك
ههههههههههههههه تبدل راس فى راس :colsmil:
ياعم ده الكربراتير ده نعمه واللى يكرهها يعمى هههههههههههههههه
وبعدين منت كنت راكب حلم حياتى الجوليت وسيبتها حد قالك تجيب لانسر ياعم بدل معايا وانا مش حاخود منك فرق عشان انت حبيبى ههههههههههههه
والله المعلومه بتاعه البنزين دى عندى من زمان لانى كنت بحط 90 فى ال 128 بس كان بيطير ولما كنت بحط 80 كان فيه البركه على عكس عربيه لانوس كانت معانا كنت تحطلها 90 مكانتش تتكيف تحطلها 92 تلاقيها عامله دماغ اسمها لو شاطر اجرى ورايا وتلاقى البنزين زى مهو هههههههههههههههه
فأنا متأكد من موضوع البنزين ده عن تجربه قديمه ههههههههه
هو السر فى الحساسات اللى موجوده اللى بتظبط البنزين على اد الحريق لكن فى الكربراتير البنزين داخل داخل سواء الحريق مظبوط او قليل
والا مكانوش عملو فيشه اوكتان فى اللانوس وكده
غش البنزين بيحصل بطرق كتير
منها خلط 80 بـ 92 أو 90
خلط البنزين على المياه
خلط البنزين بالسيبرتو
إضافة نفتالين علشان متحسيش بالتسقيف
واكيد الحراميه عندهم افكار كتير منعرفهاش
والله يا جماعه انا عندي نفس الاحساس ان البنزين اليومين دول بيتحرق اسرع من قبل كده مع تساوي ظروف القياده طبعا .من يومين وقبل صاحب الموضوع ما يتكلم عنه كان التانك عندي ناقص 25 لتر ,لفيت شويه صغيرين لقيت العداد نزل بشكل غير طبيعي حتي اني فكرت ان التانك يكون اتخرم ,فولت علطول اخدت 33,7 لتر !!!!!
رحت اشتريت فلتر بنزين وهركبه واشوف الدنيا هتعمل معايا ايه؟ بس احساسي غالبني ان في حاجه مش طبيعيه في البنزين...