الموضوع: اسألكم الدعاء, ابني يحيى في الرعاية المركزة وتنبيه

الف الف سلامه من اب مر بنفس حالتك تقريبا عندي عبد الرحمن 6 شهور واتعدى من اخوه عبد الله 3 سنوات ولاكن قلبت معاه التهاب شعبي حاد ولاكن مع الاسف انا من قنا ومفيش داكاتره عندنا المهم الدكتور كتبله على موسع شعب ومضاد حيوى ومضاد للحساسيه مع الاسف كرتازون ومفيش نتيجه راح محولنا على المستشفى العام الاميري يعني وطلبوا حجز الواد بس انا رفضت لان مقدرش اقولك على حالة المستشفى وقسم الاطفال عامل ازاي مع الاسف قمة الاهمال لا حول ولا قوه الا بالله المهم اخذ العلاج وكنت بوديه صبح وليل علشان ياخد المضاد الحيوي وجلسات تنفس وفي يوم ببص على الحقن لاني متعود اقرا العلاج وانا كنت عارف انه بياخد حقن 375 مجم ليقيت حقنتين الواحده 750 مجم سألت الممرضه قالت ثواني اشوف التذكره بتاعت العلاج طلع مفيهاش الحقن دي وبكل اهمال وبرود قالت لي خليهم معاك ينفعوا ربنا كريم في دكتوره وحيده عندنا استاذ دكتور في طب الاطفال بتعامل معاها على طول رجعت من الاجازه رحت على طول وديتلها عبد الرحمن قالت من كتر المضاد الحيوي عمل له طفيلتا في الفم كفايه كده وحرام الكرتازون اللي اخذه وكتبتله على علاج خفيف لتوسيع الشعب والحساسيه ومضاد حيوي شرف مره واحده في اليوم لمده 3 ايام وده بعد ما قالت لي لازم تعمل اشعه اشوف التهاب رئوي زي الدكتور ما قال من غير ما يطلب اشعه ولا التهاب شعبي والحمد لله طلع التهاب شعبي والواد خف والحمد لله . دي مأساه من مأساة اهل الصعيد ويقولو علينا متخلفين ومعرفش ايه هو احنا لقينا عندنا تقدم وقلنا لأ حسبي الله ونعم الوكيل في النظام السابق واعوانه .

ربنا يشفية و يعافية ان شاء الله

ربنا يشفيه ان شاء الله