ازاي أشيل الاستيكر من علي الصاج ؟

**me_medoo** · 28-01-2012 09:46 AM

بلاش البانزين ، لأن البانزين بيطفي ذرات البوية الي هيا بنسميها ذرات الاسكينز ... الا اذا كانت العربية عندك مش فبريكة ... وبعدين شوية تينر فرن مش غالي على فكره بخمسة جنيه .

**bmya** · 28-01-2012 03:15 PM

بص ياباشا انا كنت عامل عندي السقف كله استيكر اسود من الاخر كده وقف عربيتك في الشمس شويه الاستيكر هيطرى انزل شده هتلاقيه كله طلع في ايدك على بعضه زي السكينه في الحلاوه ومش هيسيب اي اثر كمان انا كان عندي فحص وقعدت اشيل في بليل وطلع عيني وقعد يتقطع ويتهري سيبت في الشمس وتاني يوم بشده طلع كله مره وحده من غير اي اثر ومن غير بنزين وتنر

**Eng_hatemfathy** · 28-01-2012 03:20 PM

انا عندى تفس المشكله من اثر الاستيكر البيض بتاع الشحن فى سمير ريان شالوه وسابوا مكان اللصق بتاع الاطراف وبقى اسود وشكله مقرف والعربيه جديده وجربت قطنه وبولش معملش حاجه وبعد لما لهفوا 100 جنيه حلاوة العربيه قالولى نضفوا عند اى بنزينه -هههههه

**me_medoo** · 29-01-2012 12:59 PM

المشاركة الأصلية كتبت بواسطة koshary

الدنيا شتا ومفيش شمس ^__^

أستنى لمن تطلع الشمس هههههههههههههههههههه
أعملكو أيه أجبلكم شمس من بيتنا ههههههههههههههههه

لا واللهي بجد أنتو تعرفو انها فعلاً مشكلة حكاية الاستيكرات دي ... وانها بتبوظ اي حاجه بتتلزق عليها ... زي مرحلة كانت في مصر كانت موضه ان الناس تلزق على عربيتها تيربو والي كاتب تشارجر يعني التحدي ... وحبت استيكرات كده ملهومش اي لزمة في الكون كلو . قال يعني لو حط على العربية كلمة تربوو العربية هطيررررر .

وكلو كوم واللزق بتاع زينة العربية في الافراح الي هو الورد وكده ... وبتاع الورد بيلزق بزمة علشان متجيش تخرج بعد الفرح في الزفة تلاقي العيال شايلالك الورد من على العربية .

وعقبال ماتروح البيت طبعاً صعب تسيب عروستك ليلة الدخله وتقولها عن ئذنك هنزل أشيل اللزق من على العربية علشان ميعلمش ههههههههههههههههههههه .

وبيصعب عليا جداً منظر الميادين وعواميد النور والرخام الغالي الي معمولة بيه جنب الكباري والانفاق ... لمن يجي مرشحين بلدنا الافاضل ويلزقو صورهم الجربانه عليه بلزق ما بيطلعش غير بالطبل البلدي ... وتلقيهم كده معلقين صورهم تقولش معلقين صور نانسي عجرم ولا عمر دياب ... يعني من حلاوت وشوشهم العكره يوسخو كده الرخام والحوائط في البلد ... وبقول لنفسي هما دول الي هيدفعو عن حقوقنا ومصالحنا واول حاجة عملوها شوهو منظر البلد بالدعاية الانتخابية . يافرحتي

والي يدحك كنت بتفرج على قناه لبنانيه وبيوريك المرشحين عندهم أزاي مأجرين يفط منيرة وجميلة وكاتبين شعرات رائعه لبنان أولاً ومعاً لتقدم لبنان والي حططلك رمز الوردة والتاني رمز الفلة والثالث رزم الشجرة وحاجه تفرح ... وفوق ماهما اساساً مش مزبلين البلد ... البلدية ملزماهم بعد الانتخابات مباشرة يشيلو كول الدعاية الانتخابية من على اليوفط الدعائية المنيرة زي أعلانات بيبسي كده ولا اتصالات او شركات العربيات الفخمة ، مش زي عندنا تحس انك ماشي في زرررريبة مش في بلد سياحية ومعروفه على مستوى العالم اسمها مصر .

وتخلص الانتخبات من هنا وتفضل صور المرشح ملزقه على الحيطات والجدران ... للذكرى مدى الحياة .

وحسبي الله ونعم الوكيل في المنظر الجمالي للبلد . واسف على الاطالة ... بس الموضوع حرك جرح في قلبي ... ونار وكله قلبي على البلد ونظافة البلد .