الموضوع: ايه الفرق بين ال ١٤٠٠ وال ١٦٠٠ سي سي

المشاركة الأصلية كتبت بواسطة formulator

صعب أوى تحقيق الرقم ده يا حسام, قد يكون ده الـManufacturer Claim.. بس غير واقعى, وعايز ظروف ideal..؟؟!!!

أصل احنا كده بنتكلم فـ 5.5 لتر/100 كم, وده استهلاك موتور 1100-1200

BTW: الـ1400 مش هيوفر عن الـ1600 اكتر من 1.5-2.0 لتر/100 كم.. يعنى مش الفرق الكبييييير..!!
والله أعلى وأعلم,

عارف انه صعب يكاد يكون مستحيل كمان عشان لازم تبقى كل الظروف مهيأه وتساعد ان الاستهلاك يوصل للرقم دا , عشان كدا قلت المفروض انها تعمل كذا مش هاتعمل

المشاركة الأصلية كتبت بواسطة wael30003

انا معايا لوجان 2012
انا مرة كشيت بيها خاتها تعمل 5.5 لتر /100 كم بس كن مصفر عداد الكمبيوتر وماشى فى طرق فاضى والطريق معايا على الدائرى احيانا تلاقى اتجاه معاك واتجاه ضدك وسرعة مابين 90 وال100 كم/ ساعة بس بعد كده سحبت ما قدرتش امشى على 100 كم/ساعة وطبعا الاستهلاك زاد وصل الى 6.5لتر/ 100 كم

المشاركة الأصلية كتبت بواسطة wael30003

بس على فكرة اللوجان وسط البلد بتعمل 8.3 لتر /100 كم
والسريع بتعمل 7.5لتر /100 طبعا بيبقى فى شوية وقوف عطلة كل ده بيقصر على استهلاك البنزين بس الطبيعى ideal بيكون 5.5 الى 6 لتر / 100 كم حسب اتجاه الطريق معاك ولا ضدك والسرعة ثابتة ما بين 80 و 100 كم طبعا ده عن تجربة

ربنا يباركلك فيها بس حسابات الكمبيوتر احيانا مابتبقاش مظبوطه الافضل تحسبها بالطريقه العاديه تفول وتمشى مسافه معينه وبعدين تفول تانى وتحسب مشيت اد ايه بكام لتر

المشاركة الأصلية كتبت بواسطة Mohamed_Nafie

الي أستاذ حسام

المقصود بالقوه الحصانيه الصافية "Net HorsePower" هي القوه اللي بيطلعها الماتور بعد لما يتركب كل حاجة في العربية زي نظام العادم و مضخة المياه ونظام التهوية... الخ .. القوه بتتقاس على الداينو زي ممكن تروح لأي محل تعديل سيارات وتقيسو بعد كل الاضافة عالسياره في مرحلة التصنيع... وغالبا عند 6000 لفه

اللي أنا اعرفوا كيا بتستخدم القوه الحصانيه الإجمالية "Gross Horespower" وهي القوه اللي بيطلعها الماتور لوحده دون تركيب أي شيء قبل تركيبه في السيارة بدون نظام العادم, الخ .. والقوه بتتقاس على عمود المرفق "CrankShaft" ...

فـدايما ال Net اقل من ال Gross ... ودايما حضرتك بتاخد ال Net مش ال Gross

أنا اسف.. أنا مكنش قصدي الNet Horsepower إنها 94 ... العربية بطلع 94 حصان عند 6000 لفه و 109 حصان عند 6300 وده عالي جدا في رأيي .. ومش هتوصله إلى لما تكون بتشد أوي وبتنقل عالعالي كل مرة .. السيراتو برده 124 عند 6300

معلش أنا مركزتش وأنا بكتب :(

ولا يهمك بس انا كمان توهت منك دلوقتى :)

موضوع ال Gross وال Net اللى حضرتك شرحته تمام انا عارفه اللى اقصده انت عرفته ازاى ؟ يعنى العربيه 107 او 108 Gross حضرتك حسبت ال Net كدا بالتقدير ولا فى مصدر ؟ لان كيا ماعلنتش غير عن رقم واحد

وعلى فكره معظم العربيات ومش عايز اقول كلها بتعلن عن ال Gross مش ال Net

كل دا طبعا غير ال Wheel اللى بيقيس قدرة الموتور وهو راكب فى العربيه مش لوحده وبيبقى على الداينو طبعا ساعتها الريو ممكن تنزل ل 80 - 85 حصان