الموضوع: عرض نايل هولدنج لاعضاء نايل موتورز

بناء على طلب الاعضاء سيتم وضع قائمه الاسعار للمأكولات والمشروبات (كاستثناء فقط ) احتراما للاعضاء ولكى يتم معرفه الاسعار مسبقا علما بان وضع الاسعار يضعنى تحت طائله او شبهه اننى اقوم بعمل اعلان - كامل متكامل المقومات - ولكن الله وحده يعلم ان الهدف الاول والاخير وراء عمل هذا الموضوع هو احترامى الشديد للاعضاء وامنيتى الخالصه لعمل شيء خاص بهم ولهم وبالفعل استأذنت الاخ كريم وشرحت له الموقف - الخاص بوضع قائمه الاسعار- وتفهم الوضع بكل احترام وحرفيه. فارجو من الجميع تذكر ان هذا ليس موضوعا اعلانيا قدر ما هو خدميا. وللجميع التقدير والاحترام.

[quote=a.saad;3874076291]شكر على ايضاح قائة الاسعار
بس لاحظت ان فيه كذا مكان فيارت اخذ ذلك فى الاعتبار
وياريت ايضاح المواعيد
لان العبد لله ممكن تلاقينى عندك 8 الصبح فعايز اعرف هلاقيكم فاتحين ولا لسه[/quote]
استاذ احمد اولا انا نفسى اخدم كل كل كل اعضاء المنتدى وعارف تماما ان مش كل الاعضاء عندهم كارت العضويه ولا الاستيكر فالموضوع بالنسبه لى مش عايز اخليه معقد ولا قاصر على فئه معينه (حاملى كارت العضويه او الاستيكر على السياره) والا الموضوع هايبقى من جهه اخرى (اعلانى ) ودا اللى باكرره فى كل مشاركه ان دا موضوع خدمى مش اعلانى فبالتالى افضل طريقه هى الاتصال بى شخصيا للحجز او ارسال رساله على الخاص - تتضمن وسيله الاتصال- لتفعيل الخصم.
اما عن المواعيد فهى من 12 ظهرا الى 12 مساء بس لو انت عايز تيجى بدرى قول لى وانا انزل افتح لك مخصوص !!!!!! احنا لنا بركه الا انت !!!!!!!!!

طيب ممكن يكون الحجز عن طريق المنتدى هنا والعضو يحجز باسمة فى المنتدى؟

المشاركة الأصلية كتبت بواسطة mado_2005

بجد مكان رائع جدا وأنا بحب المطاعم اللي في البواخر جدا... ممكن استفسار ؟؟؟ في الحقيقة أنا من شهر كده الحمد لله انتقبت وبصراحة بسمع إن فيه أماكن كده ما بيسمحوش بدخول السيدات المنتقبات (مش عارفه ليه) بس ما اعرفش الأماكن دي... فهل مطاعم حضرتك من الأماكن دي؟؟؟ صدقني مفيش أي حساسية في الموضوع أصلا أنا انتقبت وأنا عارفه اني هعاني في بلدي حبيبي... بس أنا جوزي مش ملتحي ولا لابس جلابية قصيرة يعني عادي... هههههه... معلش هو سؤال مزعج شوية بس أرجو الرد

الاخت المحترمه السلام عليكم ورحمه الله وبركاته
حضرتك تشرفى فى اى وقت كما تشرفى اى مكان ومرحب بك تماما بغض النظر عن ماترتديه لانه اختيارك وقناعاتك التى لابد ان تحترم فى كل مكان وليس فى مكاننا فقط. ليس لدينا - بكل وضوح - اى تدخل او اى اعتراض عما يرتديه اى عميل مادام لا يؤثر على قيمه المكان ولايخدش حياء الاخرين ولا يتعدى حرياتهم فاعلمى انه لشرف كبير ان تشرفينا بالحضور مرتديه نقابك.

المشاركة الأصلية كتبت بواسطة mostafaismail

طيب ممكن يكون الحجز عن طريق المنتدى هنا والعضو يحجز باسمة فى المنتدى؟

استاذ مصطفى مرحب بحضرتك ما ينفعش الحجز عن طريق المنتدى لان دا مش موضوع اعلانىىىىىىىىىىى والمنتدى مالهوش علاقه به ولا فيه اتفاق مع اداره المنتدى على تولى الموضوع كأعلان المنتدى وافق لى على عرض خدمتى للاعضاء فقط وليس تحمل اى مسؤليه فيه. فانا افضل ان يكون الحجز عن طريق الاتصال بى شخصيا على الارقام الموجوده فى بدايه الموضوع او ارسال رساله على الخاص - بها وسيله للاتصال - وسوف اقوم بالاتصال بصاحب الحجز وترتيب كل شيء معه.