الموضوع: بفكر أجيب ستيب واي بس مش عارف مواصفاتها

الى اعرفه ان الستيب واى هى هى السانديرو الهاف بزيادة abs و الجنط و طبعا التغير الموجود فى الاكصدامات و الفوانيس و مخرج الشكمان و كمان الاضافات الى فوق السقف ......موضوع الايرباج الزيادة بصراحة مش متاكد بس الى فكره انها بتنزل ايرباج واحدة زى السانديرو و موضوع ال2 ايرباج ده دفعة شاذة و الله اعلم انا مش متاكد من كلامى :)

المشاركة الأصلية كتبت بواسطة crayvor

3 فئات.. 1- سانديرو هاف 2- سانديرو فول والاتنين دول فيهم 1 ايرباج
3- السانديرو ستيب واي ودي سانديرو هاف بس كانت بتلعب كمال أجسام وفيها حبة حاجات زيادة والمفروض ان دي 2 ايرباج (أو ع الأقل أول دفعة نزلت كدا)


لأ 2
شوفت واحدة ف سان ستيفانو (المول) لقيت التابلوه جنب السائق الايرباج موجودة مش متشالة اللهم الا لو كانت دي حالة شاذة. وبصراحة أنا شايف الستيب واي مش ظريفة لأن عربية بالحجم دا فيه حاجات المفروض انها بديهي تكون موجودة فيها.. مثلا الموتور ليه برضه ال 8v بيولد 90 حصان علي كل الحجم دا والجنوط دي!!!! كان المفروض البديهي ينزلوه ال 16v ع الأقل بيولد 112 حصان. كمان ازاي عربية بالارتفاع دا مافيهاش تعديل ارتفاع الكراسي؟ افرض اللي راكب قصير شوية يعمل ايه دا؟ مش حايشوف غير السما!!
أهم عيب.. مافيش كمبيوتر رحلات!!! اذا كان دا أساسا أظرف وأحسن ميزة ف تابلوه اللوجان والسانديرو!! يشييييلووووووووه ليييييييييييييييييييييييه ؟

متفق مع حضرتك مليون فى الميه,,,,ايه الفكرة انهم يزودوا كماليات و ينقصوا كماليات فى نفس الوقت !! جايز علشان سوق السانديرو العادية مايوقفش ؟ الله اعلم...فيه كمان حاجة الستيب واى اعلى من السانديرو بحبة حلوين و ديه حاجة مش فى صلحها.....انا بصراحه الى عايزه من الستيب و abs و الايرباج التانى بتاع الراكب الامامى
+انى اول مرة اخد بالى ان العربية ديه مفيهاش كومبيوتر الرحلات !