منتدى الواجا

**eng.m7md.ali** · 07-05-2015 07:19 PM

المشاركة الأصلية كتبت بواسطة abdohod

يا جماعة ..... حد جرب يشتري شاشة عدادات للبروتون واجا ..... أرجو المشاركة بأي معلومات ... وشكرا

ازي حضرتك ياباشا؟؟

اسف جداً مبشاركش معاكو حالياً عشان معايا جين2 :)

دلوقتي في فكرة مطروحة من الاستاذ عبد العزيز بخصوص تغيير فتيس الواجا الاوتوماتيك بواحد ستب ترونك بتاع الكريستالة 1500 سي سي 2 كامة

اعتقد الموضوع ده لو مشي كويس هيفرق كتير جداً مع الناس في التسارع واستهلاك البنزين

**abdohod** · 10-05-2015 10:20 AM

كيف حال حضرتك ؟ ونفتقدك بشده في هذا المنتدى الذي يتميز بعدم المشاركة
وأنا متابع موضوع الفتيس باهتمام ولكن ليس لدي أي معلومات عن الموضوع

**abdohod** · 01-06-2015 06:36 PM

يا أهل الواجا
هل من جديد بشأن قطع غيار الواجا والكماليات؟؟؟؟؟

**abdohod** · 04-06-2015 02:46 PM

كنت قد كتبت أني عملت عفشة خلفية للواجا منذ شهر تقريبا ولكن تتوالي المفاجأت
قمت بشراء كل حاجة من محل مكة بشارع دمشق
يوجد لكل عجلة خلفية شدادين (واحد طويل وواحد قصير)... دول طبعا غير المقصات ... قمت بشراء طقم (4 شدادات) للعجلتين من محل مكة (قال لي أنها تايلندي وماركتها 555) وتم التركيب عند الميكانيكي الشاطر اللي بتعامل معاه من سنين وللإنصاف الميانيكي قال لي أن نوعية الشدادات دي سيئة ولكن لم يكن أمامي بديل .... المفاجأة حصلت عند ظبط الزوايا بعد التركيب ... الراجل بتاع الزوايا وجد العجل قافل و مفهاش مسافة في مسمار الريجلاش وسألني أنت مركبلها شدادات عربيه إيه ..وطبعا رديت بأنها الشدادات بتاعتها ... لأني شاريها من محل ثقة غير إني قارنت القديم بالجديد وكانت نفس الشكل ... المهم بتاع الزوايا اضطر يفك الشدادين الطوال ويحط ورد أسفل الشدادات وظبطت شويه وخلص الموضوع ... امبارح رحت تاني اظبط زوايا لأن مش مستريح لشكل العربية من الخلف ومشيها كده مش عاجبني .... وكانت المفاجأة .. وجدنا جلب الشدادات بايظة (الجلد بتاعها متقطع وهي راكبة) فقلت للراجل دي بقالها شهر بس ..... المهم فكيناهم كلهم ووجدنا نفس الشيء ... وبدأت رحلة البحث عن شدادات غير النوع الزفت555 والحمدلله وجدت نوعية أخري عند محل أولاد منصور في الجيزة وكان للحقيقة قد حذرني من شراء النوع التايلاندي من قبل ولكن هذا ما حدث ... المهم ركبتهم امبارح وظبطت زوايا عند نفس الشخص وقالي إن كده تمام .... ويبدو إن الشدادات (555) فيها عيب تصنيع سواء في مقاساتها أو في جلد الجلب .... أو أن محل مكه باع لي شدادات متنفعش للواجا مع إني زبونهم من سنين ...ودي طبعا فضيحة ...
طبعا انا بكتب وعارف إن المنتدى ميت ونادرا ما يرد أحد ولكني أروي التجربة بالتفاصيل والمعلومات حتى يستفيد الغير ... كنت أكتب انتظر الردود ...ولكني الآن أكتب أنني لا أتوقع أي رد كالعادة

**BadrSalah** · 25-07-2015 10:42 AM

يا جماعة في حد بيبيع مرايا بروتون واجا 2005 مستعملة أو ليها بديل ؟

**Umar08** · 26-07-2015 10:41 AM

المشاركة الأصلية كتبت بواسطة badrsalah

يا جماعة في حد بيبيع مرايا بروتون واجا 2005 مستعملة أو ليها بديل ؟

اتصل بهذا المحل و سوف تجد طلبك إن شاء الله

بروتون الأمير
28 شارع أحمد زكي-المعادي بجوار ميدان سوارس أمام نادي المعادي-بوابة 2

أ. محمد كمال 01009222201

**Mostafa tito** · 04-08-2015 12:14 AM

اصدقائي بالحضن .... واجا بريميم ٢٠٠٦ مبشفكوش ف الشارع ليه ده احنا كلنا خمستاشر نفر

**Mostafa tito** · 04-08-2015 12:17 AM

علي فكره مكه مبقتش اثق فيه

**Mostafa tito** · 04-08-2015 12:22 AM

الاول انا احب اشكر الاستاذ عبده علي المجهود الرائع ..ثانيا ياريت كل اللي يعمل حاجه في عربيته يقول ..... انا حاليا بعمل طقم شنبر و الحمد لله بس دايخ علي حساس الايدل .... واجا ٢٠٠٦ اتوماتيك . و عايز ستاير

**abdohod** · 07-08-2015 07:10 AM

يا نهار أبيض إن شاء الله ...... أنا مش مصدق عيني .... مفاجأتين من العيار الثقيل في يوم واحد:
1- في حد بيكتب في المنتدى أخيرا ويبدوا أن الله استجاب دعواتي بعد رمضان
2- واجا بيرميم 2006 مع الأستاذ Mostafa tito
بالحضن يا راجل ... دانا كنت فاكر نفسي بريميم لوحدي .... أوعى تقولي إن عربيتك سوداء .... أحسن أنا جبت أخري من اللون ده .... كلمنا عن عربيتك .. مدة الملكية ... سبب الشمبر ... الكماليات ... ويا سلام لو صور ... وأخيرا أرجوا ألا تقطع الاتصال ...لأنه لا يمكن يكون في منتدى أصلا من طرف واحد ... وشكرا جزيلاااااااااااااا