منتدى الواجا

**abdohod** · 03-03-2012 12:25 PM

يمكن تكونوا قرأتم لي بعض المواضيع هنا ع الموقع .... أرجوا ايضاح ان الفارق يبدوا أنه كبير من واجا الشكل القديم ذات الموتور الياباني (لانسر بوما) والواجا الشكل الجديد ....انا معايا واجا ماتيك 2006 الشكل القديم هاي لاين (2 ايرباج + ِِ(abs) + فرش جلد طبيعي الفبريقة + مرايات كهرباء ضم ) كل العيوب اللي قرأتها مش موجودة عندي إلا:
1- أصوات التزييق من الكراسي وانا ماشي ويمكن يكون من الشنطة
2- العفشة مش حلوة ومش وحشة (متوسطة) مع ان ال 2005 كانت افضل لأن جنطها 15 وليس 16
3- ريموت المفتاح مش بيعلق ولكن لازم يكون قريب من العربية
4- رعشة الدركسيون دي مظبوطه فعلا وبحسها مع اني فكيت علبة الدركسيون وغيرت البيض الداخلي والطرف
ولكن مع احترامي لكل ده .... العربية سعرها مذهل بالنسبة للإمكانيات ولو قارنتها بالانسر البوما التي تحمل نفس الموتور بالسيراتو الشكل القديم وهما تقريبا نفس الامكانيات مع ان الواجا تزيد بالمرايات والملتي ميديا تلاقي الفرق من 15 إلى 20 ألف جنيه ولكم الحكم وانتظر الآراء .... شكرا لمشاركتكم في المنتدى الذي بدأته. عبدالرحيم من السويس

**Sindibad** · 03-03-2012 09:27 PM

أنا أعتقد صوت الموتور ممكن يهدأ لو مونت بنزين 95 هعمل كده وأشوف
كمان فى أختراع مذهل عاملاه شركة امريكية وده موقعها Archoil, Nano Borate, Nano Particles, Arch Oil, Friction Modifier, Fuel Treatments, Greases Corrosion Control, MotorSilk, LubriSilk, Synthetic Oil Engine Treatments, Carbon Credits, Eco-Friendly Biodegradable - Evergreen America Corporation
وليهم موزع فى مصر , اهم منتجين من وجهة نظرى , الأول friction modifier وهو بيقلل الأحتكاك بنسبة تصل الى 80 % ويضاف على الزيت مع كل تغيير وطبعا يفضل استخدام زيت طويل العمر
والثانى fuel catalyst وده بيحسن من خواص البنزين والعلبة الصغيره منه بتكفى 2000 لتر بنزين
انا اتصلت بالموزع فى مصر وهجرب واقولكم

سلام

**abo3bdolrahman** · 04-03-2012 03:19 AM

واجا 2006 كاملة أتوماتيك سوداء و عاملة 88 ألف كم المحرك الميتسوبيشى بدون إيرباج و abs الجنوط ال 16 و العربية حتى الآن أدائها جيد و أهم حاجة فيها الإرتفاع الممتاز عن الأرض و العفشة الجيدة و ده حسب التجربة بالسير فى طرق مكسرة يوميا للذهاب للعمل

**abdohod** · 04-03-2012 08:53 AM

لو يسمح المهندس هاني بما انه بورسعيدي أن يعطيني أرقام تجار قطع غيار واجا (جديد - استيراد) في بورسعيد ان أمكن لأن الجماعة بتوع الحرفيين تعبونا جدا

**mada3030** · 05-03-2012 10:15 AM

يا جماعه انا عاوز ميكانيكى واجا قريب من المعادى وتانى حاجه لما بحط للواجا بنزين 92 بتسقف انما لو حطيت 95 بتبقى زى الفل

**abo3bdolrahman** · 06-03-2012 10:08 PM

أستاذ عبدالرحيم لا يوجد تجار قطع غيار للواجا فى بورسعيد و للعلم أنا قاهرى مقيم ببورسعيد بسبب العمل و بالنسبة لقطع غيار المحرك كلها لانسر من الشونة مستعمل

**abdohod** · 07-03-2012 03:20 PM

شكرا يا باشا جدا وعلى حسب معلوماتي ان فيه واحد في بورسعيد اسمه بدران بيشتغل فيها كان اخويا اشترى منه حاجات قبل كده

**abdohod** · 07-03-2012 03:46 PM

عايز طلمبة مياه مساحات واجا يا جماعة وشوفت اللي في السوق للأسف مش زي ألأصلية ولا شكلا ولا مضمونا بس بيقولوا انها تركب وتشتغل وهي تايواني الصنع ومكتوب عليها لانسر ميراج... حد يعرف أي معلومات عن الموضوع ده

**s3eed30** · 10-03-2012 12:24 AM

يا جماعه انا نفسى بجد أركب العربيه دى لانها بجد عربيه وهمانى جدا فى الشكل والامكانيات رغم ان معرفتى لها ولمودلتها مش لمه كل حاجه انا بس نفسى حد يقولى كل حاجه عن العربيه دى من أول موديل 2006 لانى عرفت ان الموتور كان الاول ميتسوبيشى وبعدين بقى من انتاج شركه لوتس تقريبا مع بروتون ودا على حد علمى واسمى campro وفى campro CPS وايه الفرق بين المحرك المتسوبيشى والكامبرو سي بي اس دا وطبعا مع امكانيتها من أول 2006 لحد دلوقتى ولو صور لان بشوف الشكل من قدام والشنطه والفوانيس الخلفيه متغيره من اول 2005 تقريبا وهل فى منها مودلات 2012 ... فعلا الموضوع مهم بالنسبه ليا مع الشكر

**abdohod** · 12-03-2012 09:38 AM

يا باشا الموضوع مفهوش أي لغبطة
الواجا شكلين ....
1- الشكل القديم 2005 - 2006 - ويمكن يكون في أعلى بس الشكل ده موتوره لانسر
2- الشكل الجديد و اسمه نيو واجا وده موتوره كامبرو من انتاج لوتس وتقريبا يشبه موتور الجين تو