بس عايزين منك كام صورة من الخارج
وعايزك تطمنى تاني على العزل معلش أصلي ناوي أشتري العربية دي إن شاء الله
لكن موضوع العزل ده بيعملي دوشة لأني مبحبش أسمع أي أصوات خارجية لما أقفل العربية فعايزك تسمعني فيه أحلى كلام ههههههههه!
عرض للطباعة
بس عايزين منك كام صورة من الخارج
وعايزك تطمنى تاني على العزل معلش أصلي ناوي أشتري العربية دي إن شاء الله
لكن موضوع العزل ده بيعملي دوشة لأني مبحبش أسمع أي أصوات خارجية لما أقفل العربية فعايزك تسمعني فيه أحلى كلام ههههههههه!
الشكل ده موجود من السنة اللى فاتت وده شكل تابلوه العربية اللى بتتجمع في البرازيل او الارجنتين على ما اعتقد وفيه منها هناك 2000 سي سي اتوماتيك كمان والشكل ده موجه لدول الامريكتين لكن الداستر الروماني بتاعة اوروبا واللى بتيجي مصر نفس شكل التابلوه القديم بتاع اللوجان
مبروك يا باشا بس بصراحة لون الفرش غريب حبتين
بصراحة انا كنت عاوز حاجة غير تقليدية بعيدا عن الالوان المعتادة اياها
يا اسود في احمر
يا اسود في رمادي
يا اسود في بيج
واللى اهم من الالوان الشغل بتاع جينز كار بصراحة انا ماتوقعتش ان ممكن شكل الكراسي يتغير بالصورة دي
لكن الالوان ممكن تختار اى لونين يعجبوك وعلى فكرة عندهم تشكيلة كتيرة منها وكل لون كذا درجة وكذا نقشة كمان
بص هو باب الداستر معمول على طريقة العربيات ال 4*4 اللى فيه 2 كاوتش باب واحد من جوة زي اى عربية وواحد على حرف الباب من فوق علشان المية والتراب وده بيخلى العزل من الاصوات الخارجية تقريبا صفر بس هو الماتور بتاعها صوته مسموع شوية جوة الكابينة بس بصورة اخف كتير من العربيات البروتون مثلا لاني معايا بروتون ساجا وصوتها عالى شويتين
وكان في مشاركات هنا في المنتدى عن موديلات الرينو عموما بتتكلم عن ان صوت الماتور بيهدى بعد التليين
وان شاء الله اى ملاحظات هاعرفها مع الاستخدام هاقولها علطول علشان انا ملاحظ انه بالرغم من ان العربية دى اتباع منها هنا كتير وعلطول عليها حجز لكن المواضيع بتاعتها قليلة في المنتدى
يا باشا الف مبروك - قولنا اللة يخليك فرش الارض و الكراسى كلفتك كام؟
و كمان المسند اللى بين الكرسييى الاماميينز
لانى عاوز اعمل زيك بالظبط ان شاء اللة - و نفس التفكير اللى انت تعبت فية بين العربيات انا كمان شوفتة و حابب الداستر كشكل و اداء و كارة الصالون بتاعها.
ان شاء اللة ح اجيبها اول شهر ابريل بس ياريت تقول لو فى افكار للتابلوة لانة فقير برضو و مزعلنى اوى
قولى برضو لو تكرمت جيبتها منين و بكام ولية حجز اسبوعين؟ ماكنش متوفرة عربيات جاهزة؟
الف مبروك مرة تانية و ربنا يديك خيرها و يكفيك شرها
اولا: الله يبارك فيك
ثانيا: بالنسبة لفرش الارضية بالشنطة كلها اتكلف 450 جنية وفيه برضه ب 350 اما الكراسي فابتختلف حسب نوع الجلد اللى انت تختاره واللى تلاقي فيه اللون اللى عاوزة ورنج الاسعار عموما من 800 الى 1600 جنيه حسب الخامة اللى تعجبك
المسند اللى بين الكرسيين فده هتلاقي منه اشكال كتير في شارع دمشق او التوفيقية بس اهم حاجة وانت بتختاره تعمل حسابك انه يبقى فيه مساحة وراه علشان لو حبيت تقفل او تفتح الازاز اللى ورا وانت سايق علشان الزراير في اخر الكونسول اللى في النص
بالنسبة للتابلوه فهو على فكرة انضف من بتاع اللوجان بكتير كخامات وده رأي كل اللى شافوه هنا في المنتدى وانا صحابي معاهم لوجان وفعلا الداستر احلى وعموما التابلوه مش وحش زي ما انت متخيل هو زراير الازاز هي اللى مبوظة الدنيا لاننا متعودين انها تكون في الباب ومكانها في الكونسول غريب شويتين وصدقني الفرش عليه عامل مهم جدا لان فرش الفابريكه بتاعها تعبان اوي ومفهوش اى شغل زي ما هو باين في الصور بس فرش جينز كار بيخلى اى حد يركب معايا مايخدش باله من اى حاجة غير نضافة الفرش لدرجة انهم بيفتكروه فرش الفابريكة
ثالثا: بالنسبة للحجز فانا لما جيت اشتريها لاقيت منها تسليم فوري بس ماكنش فيه اللون الموكا اللى انا عاوزه فحجزت اللون من الدفعة الجديدة وهي بينزل منها دفعة حدود 7 عربيات كل شهر وممكن تلاقي اللون في المعارض على طول
انا جبتها من الطارق اللى في العجوزة من كتر شكر اعضاء منتدى رينو اللى معاهم فلوانس فيهم وفعلا هم ناس محترمين اوى في تعاملهم ومواعيدهم وكمان ممكن تاخد عليها خصم انا جبتها بخصم الف جنيه عن سعر التوكيل يعنى 134 الف بدل 135 اهم ينفعوا في الترخيص برضه وده سعر ال 4*4 اعلى فئة وفيه 2*4 لو مش محتاج دفع رباعي ب 126 الف
ولو احتجت اى حاجة في الموضوع ده انا تحت امرك في اي وقت واى طلب
يا رب يباركلك فيها يا رب و يسلم طريقك.
الف شكر و لو فية حاجة قبل ما اشترى ح أبقى أقولك ان شاء اللة
الف مبروك يا باشا
الف مبروك ياباشا
انا كنت واقع فى الحيرة دى قبل كدة وفعلا كنت حجزت اللون الاسود بتاعها ويوم الاستلام ناس كتير قلقتنى لانى كنت اول دفعه هستلم العربية ويتجرب فيها فقلقت وغيرت للكورى
ياريت لو تقولنا رايك فى العربية بعد سواقتها فى الطرق المصرية وياريت تقرير مبدئى عن الاداء