الف مبروك بس فين صورة العربية من الخارج؟
رقم العضوية : 55065
تاريخ التسجيل : 06Dec2009
المشاركات : 229
النوع : ذكر
الاقامة : Nasr City
السيارة: Renault Duster
السيارة[2]: Chevrolet Aveo
دراجة بخارية: لا
الحالة :
بسم الله الرحمن الرحيم
الموضوع بدأ من شهرين تقريبا لما قررت اعفو عن عربيتي الافيو موديل 2006 لحسن السير والسلوك بعد ما شافت معايا ارقى انواع الاستخدام لدرجة انى خفت انها تطلع على ميدان التحرير وتعتصم هناك من اللى بعمله فيها انا وطرقنا العظيمة ( بمعنى ادق حفر ونقر ومطبات أم الدنيا اللى احنا بنسميها مجازا طرق ) حفظها الله لنا من الزوال.
وطبعا كانت الحيرة اياها اجيب أيه في حدود ال 140 الف اللى معايا ؟؟ وكانت رحلة البحث والعناء
الكوري : شكل جميل، كماليات كتييييييييير، قطع غيار معقولة ولو اني شايف انها مش ارخص من الياباني والاوروبي بكتير، اداء في السبانخ وخصوصا لما تمشى في طرقنا العظيمة فترة وتبتدي العفشة تسمعك احلى الالحان والمقطوعات الموسيقية والغير موسيقية ( الكلام ده من تجربتي الشخصية للافيو وتجربة اصدقائي للهيونداي والكيا ) ده طبعا غير سياسة التوكيلات بتاعة الماركات دي في مقاطعة الكلام الفارغ المسمى وسائل الامان من ايرباج و abs وخلافه وكفاية عليك اوى التابلوه الخرافي اللى هتلاقي فيه كل اللي تحتاجه او مش هاتحتاجه (روح اقعد في الالنترا الجديدة وانت تعرف انا بتكلم في ايه بصراحة تحفة فنية من جوة بس كأمان وعفشة واعتمادية وتوكيل " لا تعليق " علشان محدش يزعل منى) .
الياباني : اداء ممتاز، اعتمااااااااااااادية ، تكييف ثلاجة، وسائل أمان، الكماليات الاساسية، شكل مش قد كده تحس انهم لسة عايشين في التسعينيات ماعدا الهوندا سيفيك بس للاسف اعلى من امكانياتي ماديا وطبعا لما نتكلم عن فئة ال 130-140 الف يبقى لازم نتكلم عن النيسان تيدا العربية دي بجد لو شكلها يمشى معاك يبقى ماتفكرش مرتين واشتريها ومش هاتندم عربية فوق الممتازة وتقريبا مابتعطلش وانا حاولت كتير انى اتقبل شكلها بس مقدرتش.
الاوروبي: وده اللي لقيت فيه اغلب اللي انا عاوزه تصميمات عصرية، اداء ممتاز، امان الاوروبي مفيش اتنين ممكن يختلفوا عليه، معظم الكماليات اللى ممكن تحتاجها .
وبعد بحث ومقارنات وحيرة وتردد وكل اللى تتخيلوه كانت التصفيات بين عربيتين من ام واحدة
الرينو فلوانس: شكل خارجي ثوري، فخامة ووسع داخلي، تابلوه عصري، جميع وسائل الامان، كماليات مش هتلاقيها في عربية بالسعر ده ( مثبت ومحدد سرعة – تكييف مزدوج – سنسورات اضاءة ومطر – الخ ..... )، واخيرا توكيل محترم جدا او على الاقل ارحم من الثنائي الذهبي منصور وغبور ، الخلاصة قيمة عالية مقابل السعر.
الرينو داستر 4*4 اعلى فئة: شكل خارجي جميل جدا، أداء ممتاز، عالية عن الارض، جميع وسائل الامان كعادة الاوروبي، الكماليات الاساسية، عفشة تقدر تقف في وش طرقنا الرائعة ( نفس عفشة النيسان الاكس تريل ) وده كان من اكتر الحاجات اللى شدتني للعربية دي انك تجمع في عربية واحدة بين المدرسة الاوروبية " رينو " والمدرسة اليابانية " نيسان " وخصوصا كلنا عارفين خبرة نيسان الجبارة في مجال ال 4*4، باختصار كله تمام لغاية اللحظة الحاسمة اللى تفتح فيها باب العربية وتفاجأ بصالون اللوجان قدامك بيطلعلك لسانه
مابقتش عارف اعمل ايه ؟؟ الفلوانس جميلة جدا وصعب تركب عربية بالمستوى ده وبالسعر ده بس بصراحة عربية كبيرة اوى وعاوزة اسلوب سواقة معين ومش بتاعة شد ولا بهدلة وتحس انها عاوزة واحد فوق ال 40 سنة و الحاجات دي ماتنفعش مع اسلوبي الراقي فى السواقة.
الداستر فيها كل اللى عاوزة والعربية الوحيدة اللى تستحملني وتستحمل الطرق اللى بمشي فيها بس من جوة !!!
ده غير ان المنافس القوي ليها النيسان قشقاي مفيهاش دفع رباعي وبرضه مانيوال و1600 سي سي يعنى معملناش حاجة وهاخد سقف بانوراما والتكييف المزدوج وشوية كماليات تانية ب 30 الف جنيه فرق سعر عن الداستر .
وانا غرقان في احزاني بحاول اشوف حل لمشكلتي فجأة ظهر الحل قدامي واستغربت ازاي مافكرتش فيه علطول من الاول... والحل هو ؟؟؟؟
اخويا الكبير الحاج/ احمد مشعل وجينز كار هو ده الانسان الوحيد اللى يقدر يغير شكل العربية دي من جوة ويخليها حاجة تانية وفعلا اخدت القرار وحجزت العربية واستلمتها بعد اسبوعين من الحجز وفي نفس اليوم اللى رخصتها فيه في مرور مدينة نصر كملت شارع الطيران ودخلت على جينز كار وقابلت الحاج/ احمد وطبعا ممكن اقعد يومين تلاتة اوصفلكم الاستقبال والترحيب واخلاق الراجل ده وازاي بتحس معاه انك صاحب مكان مش زبون ومشاركات اعضاء المنتدى اللى اتعاملوا معاه اكبر دليل على اللى بقوله .
المهم انا شرحتله الوضع وقولتله عاوز العربية دي حاجة تانية خالص وكان رده عليا "لو عرفتها يبقى انا مابعرفش اعمل فرش" وقعدت اختارالالوان وكل شوية استقر واغير رأي واستقر لدرجة اني تعبت وهو بيسمع مني وبيساعدني ويقولي على افكاره بمنتهي الرحابة ولما وصلنا للديزاين قالي مالكش دعوة انت خلاص دي عربيتي وانا اللي هاعمل ديزاين الفرش بأيدي في الورشة " مش عارف ممكن اقول ايه؟؟ ".
وجاءت اللحظة الحاسمة ... وزي ما انتهت مشكلة كرسي النيسان صني في جنز كار من فترة قريبة ... انتهت ايضا مشكلة صالون الرينو داستر واللوجان، واليكم الادلة "قصدي الصور" :-
العربية وهي كل حتة سليمة بس لوحدها على رأي سعيد صالح
الاسطى فيصل وهو بيركب فرش الارضية بمنتهى الدقة والمهارة
المسطبة القديمة او الكنبة ده لو اعتبرنا الشيء ده كنبة
مرحلة تنجيد الكنبة والكراسي بطبقتين من اللباد في اجزاء وثلاثة في اجزاء اخرى علشان نوصل للشكل اللى عاوزينه (وذي ما انتم عارفين اللباد ده ما بيهبطش زي الاسفنج العادي يعنى هايحافظ على شكله مع الاستخدام)
طبعا الالوان دي مسألة اذواق بس انا بتكلم عن تصميم الكراسي والفرش اللى كان عامل زي كيس الماخدة وازاى بقى نسخة من العربيات المرسيدس والبي ام على ايد جينز كار وهاسيبكم تحكموا بنفسكم
الكرسي قبل وبعد والصورة مش محتاجة تعليق
وده الحاج/ احمد وهو بيتابع الشغل
وفي نهاية تقريري الطويل وبعد ما وجعتلكم دماغكم :
الف شكر منتدانا العظيم نايل موتورز اللى كان السبب في معرفتنا بالناس المحترمة اعضاء المنتدى اللى لما بتحتاج منهم أى حاجة ماحدش فيهم بيتأخر عليك وبتاخد منهم النصيحة لوجه الله تعالى بدون اى غرض او مصلحة شخصية.
والف الف شكر الحاج/ احمد وجينز كار اللى دايما بيثبت ان ثقة المنتدى واعضاءه فيه مش من فراغ وان في ناس في مصر بيفهموا جدا في شغلهم احسن من مليون خواجة .
ويارب اكون قدرت أفيد اى عضو في المنتدى مقتنع بعربية ايا كان نوعها بس مفيش بينه وبين صالونها عمار .
رقم العضوية : 53306
تاريخ التسجيل : 18Nov2009
المشاركات : 1,418
النوع : ذكر
الاقامة : القاهرة و الرياض
السيارة: sunny 2013 new shape
السيارة[2]: sahin 1997 الله يرحمها
دراجة بخارية: seat ibiza mk1 1992
الحالة :
الف مبروك بس فين صورة العربية من الخارج؟
رقم العضوية : 55065
تاريخ التسجيل : 06Dec2009
المشاركات : 229
النوع : ذكر
الاقامة : Nasr City
السيارة: Renault Duster
السيارة[2]: Chevrolet Aveo
دراجة بخارية: لا
الحالة :
انا فعلا لسة ماصورتهاش من برة لاني مشيت من عند جينز كار بليل قوى وبصور بالموبايل بتاعي ومفهوش فلاش
بس اوعدك اني هاصورها الصبح وارفع الصور في اسرع وقت
رقم العضوية : 55065
تاريخ التسجيل : 06Dec2009
المشاركات : 229
النوع : ذكر
الاقامة : Nasr City
السيارة: Renault Duster
السيارة[2]: Chevrolet Aveo
دراجة بخارية: لا
الحالة :
رقم العضوية : 53306
تاريخ التسجيل : 18Nov2009
المشاركات : 1,418
النوع : ذكر
الاقامة : القاهرة و الرياض
السيارة: sunny 2013 new shape
السيارة[2]: sahin 1997 الله يرحمها
دراجة بخارية: seat ibiza mk1 1992
الحالة :
الف مبروك و محدش يقدر يتريق علي الفرش علشان لائك ما شاء الله مع اللون
رقم العضوية : 52405
تاريخ التسجيل : 07Nov2009
المشاركات : 1,292
النوع : ذكر
الاقامة : مصر
السيارة: تويوتا كورولا 2013
السيارة[2]: داتشيا 1310 1997
دراجة بخارية: لا يوجد
الحالة :
بسم الله ما شاء الله
ربنا يبارك لك فيها
بس قوللي أخبار السيارة معاك ايه
تسارعها ,ثباتها , العزل
رقم العضوية : 55065
تاريخ التسجيل : 06Dec2009
المشاركات : 229
النوع : ذكر
الاقامة : Nasr City
السيارة: Renault Duster
السيارة[2]: Chevrolet Aveo
دراجة بخارية: لا
الحالة :
الله يبارك فيكم كلكم
بالنسبة لموضوع الثبات مقدرش احكم عليه لانه عاوز سرعة وانا لسة في التليين ومش عاوز اقرص عليها بس التسارع بيقى متوسط لغاية 3000 rpm وفوق كدة بتبقى عربية تانية وبيبقى سحبها زي السيدان عموما
اما العزل فهو ممتاز واحلى حاجة فيها ان المطبات والنقر اللى كانت بتعذبنى بالافيو دلوقتي بعدي عليها ومابحسش بحاجة خالص ودي اكتر حاجة عجباني
رقم العضوية : 45834
تاريخ التسجيل : 31Aug2009
المشاركات : 990
النوع : ذكر
الاقامة : Alexandria
السيارة: .
السيارة[2]: Octavia A4
دراجة بخارية: No
الحالة :
رقم العضوية : 2560
تاريخ التسجيل : 11Oct2007
المشاركات : 1,806
النوع : ذكر
الاقامة : Beni Suef
السيارة: ---
السيارة[2]: Şahin S 1.4 2004
دراجة بخارية: No
الحالة :
مبروك عليك
وشكرا على التقرير الجميل
فتح الشنطة بالريموت بطريقة دراماتيكية!:www.nilemotors.net/Nile/392122-a.html
موسوعة الشاهين وأخواتها!:www.nilemotors.net/Nile/399252-a.html
دليل المواصفات والصيانة للماروتي عربي:www.nilemotors.net/Nile/98669-800.html
رقم العضوية : 52405
تاريخ التسجيل : 07Nov2009
المشاركات : 1,292
النوع : ذكر
الاقامة : مصر
السيارة: تويوتا كورولا 2013
السيارة[2]: داتشيا 1310 1997
دراجة بخارية: لا يوجد
الحالة :
المفضلات