الموضوع: عيد ميلاد عربيتي التالت

السلام عليكم يا شباب

النهارده عربيتي بقى عندها 3 سنين بحالهم باركولى :-)

فكرت أنى أعمل موضوع عنها فى شوية حاجات يمكن تفيد حد يكون معاه ميجان أو بيفكر يشتريها

1- معلومات عن العربية
a. موديل 2005 Expression
b. 1600 سي سي سيدان
c. الكيلومتر : داخلة على 72 ألف

2- التعديلات
a. مساعدين كونى رياضية
b. كاوتش 15\205\60

3- المشاكل اللى قابلتنى
a. بعد الأستلام بحوالى شهرين كنت جاى أدور العربية مكنتش بتدور خالص ولا بتعمل أى حاجة, أتصلت بالتوكيل فى وقتها ( الساعة 1.5 بليل ) قالولى هنبعتلك فنى الساعة 9 صباحاً و فعلاٍ وصل الساعة 9 الا ربع و دخل العربية حاول يدورها مرة واحدة وبعدين نزل غير فيوز و أكد على كابلات البطارية وقاللى أن الفيوز ضرب عشان كابل البطرية أتحرك من مكانه. و مدفعتش حاجة
b. بعد حوالى سنة تقريباً نفس الموقف تانى وجالى الفنى لمدينة نصر فى 40 دقيقة غير البطارية المرة دى ومشى وبرضة مدفعتش حاجة.
c. بعد كام شهر لاقيت الربية فجأة بقت عاملة زى ما يكون فى بوجيه فاصل. كلمت واحد أعرفة فى التوكيل قاللى أمشى بيها عادى بس من غير جرى وهاتهالى بكره الصبح. طلع العيب من كويل واحد بايظ و غيرولى الأربعة وبرضه مدفعتش حاجة :-)

4- قطع الغيار اللى تم تغيرها
a. طبعا التيل وشوية فلاتر
b. طرمبة مياه على 60 ألف مع صيانة ال 60 ألف
c. بارات دركسيون على 65 ألف ( أنا حساس شوية بالنسبة للعفشة بس هما كانو ممكن يمشو شوية كمان)
d. طنابير أمامى على 70 ألف
e. لمبة واحدة من الفانوس الأمامى يمين
f. بطاحة مساعد يمين (تانى : أنا حساس شوية بالنسبة للعفشة بس البطاحة كان ممكن تمشى شوية)

5- مساوئ العربية
a. بصراحة عاوزة حد أستعماله نضيف , وأيده دايماً فيها مع أنى بعتبر ده مش حاجة وحشة بس بعض الناس ممكن تعتبره مش كويس
b. تكييف العربية فى الأيام الحر لما تكون العربية منقوعة فى الشمس بياخج شوية وقت على ما يشتغل كويس يعنى حوالى 10 دقايق
c. العربية ( على الأقل بتاعتى وبعض العربيات التانية اللى قريت عنها فى منتديات أجنبية ) فيها مشكلة أن التابلوه بتاعها داخل فيه بلاستيك كتير شوية وده بيخليه مرن فى المطبات و ممكن تلاحظ أهتزاز الجزء الأمامى الملاصق للزجاج مع المطبات, كل ده كويس بس مشكلته الوحيدة أن مع أختلاف درجات الحرارة مع تغيير الفصول بيحصل أن فى بعض الأجزاء البلاستيكية اللى تحت التابلوه تحديداً بتتمدد أو بتنكمش ( حسب الحرارة ) وده بيؤدى لظهور صوت من التابلوه قد يكون مزعج للبعض ز خصوصاً لو من الناس المهسهسة زيي :-) بس عادة الصوت ده بيروح بعد العربية ما تسخن .

الصوت ده كمان ممكن يظهر فى الشوارع اللى الأسفلت فيها شبيه بالظلط بغض النظر عن سخونية العربية من عدمها.

لآزم برضه الفت أنتباهكم لحاجتين
1- أنا مركب مساعدين كونى رياضية ناشفة قد تكون ساعدت فى وجود العيب ده عندى
2- أنا دايماً ودنى مع العربية حتى لو الكاسيت شغال و صوته عالى كمان :-) يعنى ممكن واحد تانى متفرقش معاه القصة دى خالص

6- مميزات العربية
a. فخامة
b. راحة
c. شكلها ( أنا فى رأيي من أحسن الأشكال اللى نزلت فى ال 5 سنيين اللى فاتوا وأن كان دى مسألة أذواق )
d. تسارع كويس جدأً
e. فرامل هايلة بسم الله ما شاء الله
f. ثابتة بشكل كويس جداً
g. كماليات كتييييييييييييييييييييييي يييييييييير

أرجو أنى أكون أفدت