صوت الماتور عااااالى والبنزين

**mhbcas** · 29-01-2012 11:24 AM

السلام عليكم ورحمه الله
كل عام وانت بخير بمناسبة المولد النبى
تحيه واحترام لكل الابلاوية
اعتذار عن تغيبى الفتره اللى فاتت لان ماكنش عندى نت
رغم انى مش عضو مؤثر زى الناس اللى ربنا يباركلهم هنا بس الواحد فعلا لما يغيب عن المنتدى بيحس انه مقصر مع اهله

استفسار بعد اذنكم بقى

انا من اول ما اشتريت العربية ماغيرتش السيور وواحد صاحبى اعد لعب فى دماغى على سير الكاتينه واللى حايحصل لو جراله حاجه وجزاه الله خير لان انا عارف ان كلامه صح

المهم اشتريت الحاجه حتى كنت كتبت موضوع هنا وربنا يباركله طنانى باشا قالى بلاش الدايكو وهات الجيتس وطبعا سمعت كلامه وغيرت الحاجه اللى اشتريتها

المهم من 3 ايام توكلت على الله ورحت للميكانيكى غيرى سير الدينامو و سير الكاتينه وجوان غطا التكيات
كان الجوان القديم سايح هو والسليكون اللى لزقه

فطبعا قبل ما نركب الجوان الجديد نضفلى الماتور بالبنزين والهوا ونضفلى البوابه ومن جوه البوابة كده نضفلى مدخل حساس الايدل وركبلى الجوان من غير سليكون قالى مالوش لازمه واللى عندى مصرى وحش حايسيح وعموما مالوش لازمه وطبعا نضفلى فلتر الهوااا

وفى سير الكاتينه ماشدوش قوى ساب فى سنه تريحه كده

طلعت اجرب العربية

الصوت عااااااااالى جدااااااا صوت الماتور
العربية حاسسها مخنوقه
فى رجه غريبة حاسسها فى العربية

بعد شوية حاله العربية اتغيرت التسارع بقى وهمى والرجه تقريبا اختفت
بس صوت الماتور عااااااااااااالى
وفى صوت زنه كده
واستهلاك البنزين بقى اكتر وهى 2000 سى سى فبتاكل البنزين اكل

على كلام الميكانيكى ان ده نتيجه نضافه الماتور وفلتر الهوا والبوابه وكده (صوت الماتور واستهلاك البنزين)
اما الزنه فده علشان هما فاكو قاعده الدينمو ولسه على ماتطبع

فايه رايكم

وشكرا

**فادى محمد** · 29-01-2012 04:54 PM

حمد الله ع السلامه..
لو قيمه الار بي ام اعلي من 900 والموتور واقف
فالميكانيكي كده يبقي نظف الايديال كونترول وماعملش ايديال ليرن
علشان يعرف وحده التحكم بمكان صباع الايديال
والطبيعي ان بعد النظافه الصوت يهدي خالص وينعم

**magdyelshikh** · 29-01-2012 09:53 PM

ده اعتقد بسبب سبر التقسيمه لان كده مش مظبوط مآخر فى علامات معينه لازم يركب السير الجديد عليها موجوده على طارة الكرنك وواحده على طارة الكامه لازم يكونوا مظبطين مع بعض با اما تلغبط الموتور وتقلل السحب وتاكل بنزين وممكن كمان درجة الحراره تعلى

**mhbcas** · 29-01-2012 11:22 PM

المشاركة الأصلية كتبت بواسطة hellboy

حمد الله ع السلامه..
لو قيمه الار بي ام اعلي من 900 والموتور واقف
فالميكانيكي كده يبقي نظف الايديال كونترول وماعملش ايديال ليرن
علشان يعرف وحده التحكم بمكان صباع الايديال
والطبيعي ان بعد النظافه الصوت يهدي خالص وينعم

الله يسلمك يا باشا
هومافكش حساس الايدل هو نضف من الفتحات بتاعته اللى فى البوابة فاعتقد كده مش محتاجه تعريف صح ولا
والار بى ام على 900 وانا واقف

المشاركة الأصلية كتبت بواسطة magdyelshikh

ده اعتقد بسبب سبر التقسيمه لان كده مش مظبوط مآخر فى علامات معينه لازم يركب السير الجديد عليها موجوده على طارة الكرنك وواحده على طارة الكامه لازم يكونوا مظبطين مع بعض با اما تلغبط الموتور وتقلل السحب وتاكل بنزين وممكن كمان درجة الحراره تعلى

الماتور مش متلخبط
النقل فى معاده
الحراره تمام
السحب قوى جدا العربية بقت اسرع

بس الصوت عالى
واستهلاك بنزين اكتر