يا اخي
محمد
لما الاوربيين بيعملو اي حاجة ولو مظهرية الناس عندنا بتقلدهم بدون وعي .... مثلا ... لما تآكل لازم تمسك السكينة باليمين وتآكل بالشوكة بالشمال ..... هل دي بتسبب اي تقدم ولا بتمنع اي سرقة او فساد ؟؟؟؟
لكن الناس بتقلدهم وخلاص .... يبقى لما سيد الخلق يأمرنا بأمر او يوجهنا لعمل نقول ان مش هو ده اللي ح يقدمنا ... ولازم نبص للحاجات الجوهرية .....
وبعدين مين قال اننا لما نمتنع عن مصافحة النساء ح نسيب الاموال تتسرق وحقوق الانسان تنتهك... ومش ح نهتم بالمسائل الجوهرية .... ده كلام غريب جدا ....
للأسف الاعلام بتاعنا هو اللي بيروج للمنطق ده ....
تلاقي البطل في فيلم يطلع يقول : العالم في امريكا وصلو الفضاء وعاوزين يوصلو المريخ واحنا لسة بنقول ندخل الحمام بالشمال والا اليمين !!!!!!!!
طيب بالله عليك ... هو انك تتبع سنة بسيطة وتدخل الحمام بالشمال زي ما الرسول امرنا دي ح تمنعك انك تبقي عالم وتوصل للفضاء زي ما بيقول ؟؟؟؟؟
اللي وصلو لأعلى المناصب العلمية من اليهود مثلا زي اينشتاين وغيره .... برضه لهم دين وتقاليد بيقدسوها .... مش بيسخرو منها زينا
اللي عاوز اقوله
ان لو واحد ملحد جه قال ان لازم الراجل لما يسلم علي ست يبوسها .... تلاقي الناس بتبص لكلامه باحترام وتقدير و تشوف ان ده هو التحضر والتقدم لمجرد انه غربي .....
ولما سيدي وسيدك وسيد الخلق يقول على شيء نقوم نقول ده مش ح يقدم ومش ح يفيد ... لأ حيفيد ان ربنا يرضى عننا ودي كفاية ..... طيب احنا اهو اصبحنا مجتمع مادي ولا نتبع تعليمات الله ورسوله الا قليل والا من رحم ربي
ايه الاخبار بقي يا باشا .... بقينا متقدمين ؟؟؟ .... للأسف بقينا اهون الناس واقل الناس سعرا وقيمه ونقتل ونذل بدون حساب ... ولا نستطيع حتى ان نتهم من يقتلونا بانهم قتلة .... ولو شتمناهم نبقي ارهابيين ....
وصلنا للقاع ومازلنا نحفر
عملتلنا ايه ثقافتهم الزائفة ؟؟؟؟
بالمقابل لما كنا دولة اسلامية ...من عهد الرسول عليه الصلاة والسلام ...و الي الدولة العثمانية ... كنا دولة عظمى يحسب لها الف حساب
واللي اخترعو اعظم الاختراعات في عصرهم ... كانو علماء مسلمين
كانو لا يصافحون النساء
وكانو بيدخلو الحمام بالشمال و يخرجو باليمين
ولم يمنعهم ذلك من ان يكونو علماء ومخترعين ... وكتبهم كانت سبب عصر النهضة الاوروبية باعتراف الاوربيين
مش لازم نكون على علم بالحكمة من جميع اوامر الله ورسوله
احنا علمنا قاصر ... وما أوتيتم من العلم إلا قليلا
( وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم ومن يعص الله ورسوله فقد ضل ضلالا مبينا)
والله يا محمد .... والله
لن ينصلح حالنا الا لو رجعنا لديننا .... العبادات والمعاملات .... مش بس العبادات زي معظمنا ما بيعمل ...
أدينا بقالنا 100 سنة بنقلد الثقافة الغربية .... للأسف كانت اسؤ 100 سنة في تاريخنا