رجلاش النور

**etisalat2011** · 30-01-2012 12:53 PM

السلام عليكم
كنت بسأل عن ظبط رجلاش النور انا عارف ان كل فانوس فيه مسمارين لظبط الرجلاش عالى وواطى ويمين وشمال بس انا كنت عند ارابكوم بركب لمش اوزرام نايت بريكر وقولتله عايزك تظبط رجلاش النور قالى روح عند بنزينه كالتكس اللى فى تقاطع عباس العقاد مع مصطفى النحاس هتلاقى عندهم ظبط الرجلاش بالكومبيوتر فروحت بس الكهربائى كان مشى وبعدين بتكلم مع واحد صاحبى قالى ياعم كومبيوتر ايه روح لاى كهربائى باليل وهى هياخدك فى حنه ضلمه شويه ويظبط النور تمام ...
هلى فعلا فى حاجه اسمها ظبط رجلاش النور بالكومبيوتر ولا ايه ايه والواحد يروح لاى كهربائى وخلا ص ولاا ايه
افيدونى

**osama.m** · 30-01-2012 12:58 PM

مش عارف بصراحة حكاية الكمبيوتر دي بس في قسم نيسان كانو عاملين موضوع عن مركز خدمة و فية جهاز بيظبط رجلاش النور
انت ممكن ترجلشة بنفسك بس عايزة شوية صبر

**m7mda7md** · 30-01-2012 03:26 PM

و الله هو انا شايف الموضوع ابسط من كده بكتير.......روح حضرتك اي حته ضلمه و هاديه عشان تعرف تركن براحتك......رجلش نورك و اركب عربيتك و شوف مرتاح ولا عاوز ترفع ولا تنزل الكمره......يستحسن بردو لو تجرب تقف و قدامك حيطه بس تكون بعيده شويه يعني حوالي 15 متر بحيث يكون النور الواطي نهايته ع الطريق و ميضربش ف وش الناس عشان تعرف تفتحه براحتك و ف نفس الوقت تشوف العالي هيبقي ماشي مستقيم ولا ضارب ف السما...........

**tarek_2005** · 01-02-2012 02:07 PM

في رجلاش نور بالكمبيوتر فعلاً بس اتشال من المحطة المذكورة في الموضوع وفي ف المنتدي موضوع عن طريقة تركيب عدسات بالصور وفيه طريقة ممتاذة لرجلشة النور وجربتها وربنا يبارك للي عملها لانها ممتاذة

**tarek_2005** · 01-02-2012 03:12 PM

اللينك اهو
http://www.nilemotors.net/Nile/193612-2.html

وبعد اذن صاحب الموضوع الاصلي اقتبست الطريقة ووضعتها هنا

المشاركة الأصلية كتبت بواسطة Abdelrahman.H

بعد التركيب نأتي لخطوة مهمة جدا و هي ضبط المنسوب الأفقي والرأسي للكشافات ( عمل رجلاش النور )

يجب اولا التأكد من ضبط ضغط الإطارات الامامية والخلفية لضمان عدم وجود ميول للأمام أو الخلف أو الجنب

نقوم بإيقاف السيارة على أرض مستوية تماما بدون ميول وذلك في مواجهة حائط بصورة عمودية تماما على الحائط و على مسافة 7.5 متر بين الحائط ومقدمة السيارة

يتم الضبط بإستخدام النور الواطي وليس العالي

نقوم بقياس المسافة الرأسية بين أرضية الشارع و منتصف الكشاف ونقوم بتوقيعها على الحائط

نقوم بوضع شريط لاصق او شد حبل افقي علي الحائط في منسوب الكشافات يصل بين النقط الموقعة على الحائط

نقوم بتوقيع المحور الطولي الوهمي المار بمنتصف السيارة على الحائط

نقوم بقياس المسافة الأفقية بين مركزي الكشافين وتوقيعها على الشريط اللاصق بوضع علامة X

نقوم بضبط مدى إرتفاع وإنخفاض الكشاف حتى يتطابق خط نهاية شعاع الضوء مع الشريط الللاصق

نقوم بضبط إتجاه الكشاف يمينا او يسارا حتى يتطابق شعاع الضوء الصادر من كل كشاف مع العلامة المقابله له

لمزيد من التوضيح إنظر الصور التالية ......