لو واحد معاه 60 الف و عايز يشتري عربية مستعملة يجيب اية

**dr_hady4447** · 31-01-2012 12:39 AM

المشاركة الأصلية كتبت بواسطة dr_abooody

اية رايكم في الستروين c4

هل كويسة و لا عربية تقيلة و قطع غيارها غالية

قطع الغيار واعادة البيع صعبين

**Mohab.Nabil** · 31-01-2012 12:46 AM

citroen c4 او renault megane ii

قطع غيار مش رخيصة صحيح بس شوف قصاد كده هتركب ايه و بكام

**Sehsss** · 31-01-2012 12:54 AM

المشاركة الأصلية كتبت بواسطة dr_hady4447

قطع الغيار واعادة البيع صعبين

**SYD** · 31-01-2012 01:40 AM

لو معايا 60,000 هنزل شوية لحد موديل 2000 - 2002 وهركب
1- جيتا
2- اوكتافيا a4
3- سيات توليدو
4- اوبل فيكترا
5- بيجو 406

دة من وجهة نظري الشخصية

انا بحترم جدا الصناعة الألماني ومش ممكن هعرف اركب الماني ارخص من كدة وبتكنولوجيا وكواليتي زي كدة في اي عربية مع كامل احترامي لجميع الأوروبي والأسيوي

والله المستعان
،
،

**dr_hady4447** · 31-01-2012 01:53 AM

المشاركة الأصلية كتبت بواسطة zocor742

مش شرط عشان عاملة 150 الف يبقى العربية انتهت خلاص
المهم الحالة العامة للعربية ممكن عربية عاملة 150 الف ك وحالتها احسن من عربية ماشية 70 الف ك مثلا ممكن تكون عربية عاملة كيلوات كتير بس كلهم سفر وعربية كيلوات قليلة
ومفحوتة طرق ومطبات وزحمة والعربية متفرهدة
الصيانة مهمة جدا لو عربية كيلواتها قليلة ومهمل فى الصيانات الدورية وتغيير الزيوت افتكر حالتها مش هتبقى قد كدة
بس دة ميمنعش اننا لما بندور على حاجة استعمال بندور على اقل كيلوات مع الحالة العامة للعربية

المهم يكون الكيلوات متناسبة مع موديل العربية
يعنى ممكن عربية 2010 معدية 100 الف وعربية موديل 2000 عاملة 150 الف
افتكر ان المعدل الطبيعى للكيلوات فى السنة مش اكتر من 8000 ل 10000 ك اكتر بشوية شغال اكتر بكتير من 10000 افتكر يبقى كتير

عربيتى نوبيرا 97 ماشية 160 الف حالة المكنة فى اخر كنت قايس كبس المكنة فى الصيف كان معدى ال80% كنت شاريها عاملة 120الف
تصدق بالله مغيرتش مساعدين العربية الفابريكة حتى الان وتعمل بكفائة ولو الدنيا سكون بسمع صوت فييس فييس مع المطغات الصناعية

اظن حضرتك فهمت قصدى اية
واتمنى لك انك تلاقى العربية اللى بدور عاليها
والف مبروك مقدما

وفية عربيات بيلعبوا فى عدادها
فالعداد مش هوا المقياس

**zocor742** · 31-01-2012 02:55 AM

المشاركة الأصلية كتبت بواسطة dr_hady4447

وفية عربيات بيلعبوا فى عدادها
فالعداد مش هوا المقياس

الله ينور عليك
الحالة العامة للعربية واساسيات العربية هى اللى بتحكم عاليها
انا اللى اقصدة مش علشان عربية عدت ال150 الف تبقى خلاص اتهلكت
مفيش شك ان على 100 الف تقريبا فية قطع غيار بتبقى محتاجة تتغير نظرا لانتهاء العمر الافتراضى للقطعة بس مش هنغير العربية كلها يعنى
عشان كدة لما بندور على عربية استعمال ونستقر على حاجة ونيجى للسعر بنشوف ان كانت العربية قطع غيارها تعمل بكفائة ولا فى حاجة محتاجة تتغير وطبعا بنزل تمنها من سعر العربية المتفق علية
محتاجة كاوتش بربيز مشروخ هيتغير مراية مكسورة شغل سمكرة ورش كمبروسر تكييف اى حاجة من الرافع دى اللى ممكن تعمل مبلغ
عشان منجيش بعد ما نخلص فى العربية بعد شهر مش تتفاجىء انك محتاج 2000 ولا 3000 صيانات وانت لسة دافع دم قلبك

**more_try2** · 31-01-2012 09:25 AM

انا وجهى نظرى فكر فى قطع الغيار والصيانه قبل الشراء لان هما دول اساس الشراء وهو دا المنطق ال هتتعامل معاه بعد الشراء
حاله العربيه هى الفيصل فى الشراء مش الكيلو متر والاخوه هنا وضحو المعنى
موديل العربيه مش فيصل فى الشراء ممكن موديل 2002 يكون افضل وحالتها افضل من 2006 من حيث تقفيل العربيه وخامات التصنيع ودا واضح جدا فى الدايو والنيسان والبيجو 405
اذا كانت امكانياتك بعد الشراء تسمح بصيانه وشراء قطع غيار المانى يبقى مفيش كلام افضل الاختيارات
الستروين والرينو صعب جدا فى الصيانه وقطع الغيار وسعر اعاده البيع
-------------------------------------------------------------------------
العربيه ال شايف انها مناسبه بس تزيد عن السعر ده شويه خمسه مثلا هى الكيا سيراتو من 2006 عربيه حكايه وناعمه وقطع غيار رخيصه واوبشن كامل بصراحة عربيه حكايه بس انت تروى وعلى فكره انت ممكن تلاقى عربيه 2006 وعامله 40 الف كيلو بس وربنا يوفئك