عايزه اروع الهرم .. اروح ازاي؟

**نور القمر** · 31-01-2012 12:46 AM

هتيجي الهرم ومتقوليش
بجد زعلانة منك لازم نتفق واشوفك
بصي انا منصصحش تسيبي العربية عند محطة مترو انت شايفة السرقات بقت عاملة ازاي وربنا يسترها
هاتيجي بعربيتك لو عايزة من الدائري وانزلي مريوطية .. المشوار من مصر الجديدة ساعة الا ربع بالكتير طبعا انسي تيجي من وسط البلد عايزالك ساعتين تلاتة
هتلاقي اليافطة واضحة ولو فاتتك لاي سبب انزلي منصورية
وسواء دي ولا دي هتاخدي طريقك في المنزل عادي وتدخلي يمينك والطريق هايطلعك لشارع الهرم و10 دقايق في الهرم هاتبقي في المطبعة
لو عايزة مترو في محطة في اول الهرم اسمها الجيزة وهتلاقي ميكروبااصات واقفة كتير وادمية متقلقيش والاكسي كمان مش هايكمل 10 جنيه بس على ايه الميكروباص كويس
المهم بقى نتفق على يوم واجيلك كايرو مول مثلا قريب خالص من المطبعة او اي مكان قريب منك

**AmatoALLAH** · 31-01-2012 12:46 AM

المشاركة الأصلية كتبت بواسطة أحمد كمال

دي صابونة و لا مرتبة و لا ميدالية اللي في التوقيع دي (بتاعة بروتون كلاب) مش فاهم منها حاجة

حرااام عليك موتني من الضحك من مرتبة دي
هي للدرجة دي هلامية الشكل :)

المشاركة الأصلية كتبت بواسطة fepsceasar

محطة مترو الجيزة فى اول الهرم
وفى ميكروباصات من المترو للمطبعة

شكرا لحضرتك يا فندم

المشاركة الأصلية كتبت بواسطة MNabeih

دي شكلها تورتة عقبال عندك

صحيح تورتة و دي صورتها بعد المجزرة :)

**AmatoALLAH** · 31-01-2012 12:49 AM

المشاركة الأصلية كتبت بواسطة نور القمر

هتيجي الهرم ومتقوليش
بجد زعلانة منك لازم نتفق واشوفك
بصي انا منصصحش تسيبي العربية عند محطة مترو انت شايفة السرقات بقت عاملة ازاي وربنا يسترها
هاتيجي بعربيتك لو عايزة من الدائري وانزلي مريوطية .. المشوار من مصر الجديدة ساعة الا ربع بالكتير طبعا انسي تيجي من وسط البلد عايزالك ساعتين تلاتة
هتلاقي اليافطة واضحة ولو فاتتك لاي سبب انزلي منصورية
وسواء دي ولا دي هتاخدي طريقك في المنزل عادي وتدخلي يمينك والطريق هايطلعك لشارع الهرم و10 دقايق في الهرم هاتبقي في المطبعة
لو عايزة مترو في محطة في اول الهرم اسمها الجيزة وهتلاقي ميكروبااصات واقفة كتير وادمية متقلقيش
المهم بقى نتفق على يوم واجيلك كايرو مول مثلا قريب خالص من المطبعة او اي مكان قريب منك

لا و دي تششيجي بردوا :)

انا هكون كل يوم عندك لمدة 3 اسابيع

هخلص الساعه 3 و نص يعني علي الغدا بالزيط :)

اكيد طبعا يا نور نا نفسي اشوفك جدا انتي شوفي اي يوم مناسب ليكي و قوليلي عليه و نتقابل في كايرو مول ان شاء الله

**AmatoALLAH** · 31-01-2012 12:56 AM

المشاركة الأصلية كتبت بواسطة walidmhafeez

هو احسن حاجة انا مجربها اروح بالعربية لحد ميدان الحجاز و منه اركب الاتوبيس المكيف 357 دة بيروح لحد هضبة الهرم من فوق, و علي فكرة مش وحش ولا حاجة لسة نضيف غير خطوط تانية كتير, و هو بردة بياخد شارع الهرم من اوله لاخره

انا كنت بركبه بس زمان اول ما نزل
و قريب شوفته لقيت حالته متدهورة جدا و بيسمحوا للناس تقف فيه :(

مش عارفه انا بئالي سنين ماركبتش مواصلات و مش عارفه نظامها ايه دلوئتي بالنسبه للستات , علشان كده متخوفه منها :(

علشان كده فكرت في المترو علشان عربية السيدات
بس الاتوبيس بياخد وقت اد ايه ؟
دا انا كنت بروح به الكليه كان بياخد ساعتين , امال الهرم بياخد اد ايه؟

**AmatoALLAH** · 31-01-2012 12:58 AM

المشاركة الأصلية كتبت بواسطة نور القمر

هاتبدأي تيجي من امته ؟

ان شاء الله هبتدي من اول الاسبوع اللي جاي

**SYD** · 31-01-2012 03:11 AM

اولا اهلا بحضرتك في الهرم

ثانيا
حضرتك هتمشي في طريق النصر (الأوتوستراد) لحد طلعة الدائري من بعد منشية ناصر (بيسموه محور المنيب)
هتنزلي المريوطية (مميزة جدا بوجود لافتات كبيرة جدا وواضحة جدا تشير الي اليمين فيصل وهرم طوالي المنصورية وسقارة والشمال الي 6 أكتوبر)
حضرتك هتدخلي يمين كأنك رايحة الهرم وتنزلي اقصي اليمين علي ترعة المريوطية
هتفضلي ماشية علي يمين الترعة لحد لما تلاقي شارع الهرم
هتدخلي يمين وتمشي حوالي 2 كم لحد محطة المطبعة

دة اول سيناريو

تاني سيناريو هو المترو ولكن لا انصحك لأن عربيات السيدات سواء في المترو الخط الأول او الخط التاني ازحم واشد عنفا من عربيات الرجال

تالت سيناريو هو الأوتوبيس المكيف ودة نوعا ما هتلاقي فيه ادميتك

رابع سيناريو الميكروباص من التحرير او رمسيس ودة لا تعليق

والله المستعان
،
،