الموضوع: عاوز ميكانيكي سكودا بيفهم

المشاركة الأصلية كتبت بواسطة shadyelgohary

متشكر جدا يا باشا انا رحت ورشة عادل و أيمن و كانوا تمام جدا

تمام كده
كنت من يومين عنده بس بيظبط الاسبراتير والسحب اتغير خالص، هو فعلا شاطر في الفيليشيا عن تجارب.

انا اول مره اتعامل مع المهندس خالد اسماعيل في صيانه ال 50 الف للاوكتافيا :

1- شطاره فعلا في شغله - مهندس بجد - و كان شغال في ارتوك 8 سنين عل حسب ما افتكر
2- ماشاء الله ادب و امانه و اخلاق
3- محترم جداا و تحب تتعامل معاه (كمان كتالوجات العربيه كلها معاه ده غير السوفت وير بتاع العربيه)
4- بيرد عل تليفونه في اي وقت و ممكن تستشيره
5- سعره حنين جدا عن التوكيل

انا هااعمل بوست خاص بيه ان شاء الله و احكي عن تجربتي معاه كامله
بجد ماحدش يخسر راجل زي ده

سؤال لكل الاخوه انا معايا فليشيا 1997 وعندى كذا مشكله وكنت عايز حد يدلنى على ميكانيكى سكودا فاهم وشاطر ومش حرامى عشان انا تعبت اوى اوى من فتى الميكانيكيه ويا ريت يكون فى الجيزه مش فالقاهره عشان المشكله اللى عندى هتخلينى اسيبلو العربيه كام يوم انا كنت بتعامل مع واحد اسمو رمضان فى شارع المرور عند ابو الحسن بتاع قطع الغيار بس رمضان ده حرامى اوى اوى وبيخليك كمان تغير حاجات مش بايظه عندك عشان يبعها للزباين اللى عندو على انها استيراد ارجو من الاخوه الرد عشان بجد الموضوع مهم اوى

المشاركة الأصلية كتبت بواسطة mobreturn

سؤال لكل الاخوه انا معايا فليشيا 1997 وعندى كذا مشكله وكنت عايز حد يدلنى على ميكانيكى سكودا فاهم وشاطر ومش حرامى عشان انا تعبت اوى اوى من فتى الميكانيكيه ويا ريت يكون فى الجيزه مش فالقاهره عشان المشكله اللى عندى هتخلينى اسيبلو العربيه كام يوم انا كنت بتعامل مع واحد اسمو رمضان فى شارع المرور عند ابو الحسن بتاع قطع الغيار بس رمضان ده حرامى اوى اوى وبيخليك كمان تغير حاجات مش بايظه عندك عشان يبعها للزباين اللى عندو على انها استيراد ارجو من الاخوه الرد عشان بجد الموضوع مهم اوى

ورشة الأسطى عادل وأخوه أيمن في بين السرايات بصراحة محترمين وفاهمين ورقمه: 0105126123

مشكله فى ال ار بى ام
الحكايه تبداء لما نظفت بوابه السكودا الانشجكشين عداد ال ار بى ام بيوصل لحد 20 وطبعا صوت المتور بيكون عالى اوى غيرت البوبه بوحدة استراد ولسه المشكله موجودة حد يعرف مكانيكى كويس بيفهم فى الانشكشين

المشاركة الأصلية كتبت بواسطة rasha1980

مشكله فى ال ار بى ام
الحكايه تبداء لما نظفت بوابه السكودا الانشجكشين عداد ال ار بى ام بيوصل لحد 20 وطبعا صوت المتور بيكون عالى اوى غيرت البوبه بوحدة استراد ولسه المشكله موجودة حد يعرف مكانيكى كويس بيفهم فى الانشكشين

إنت عربيتك فيليشيا ولا أوكتافيا ؟

أنا القصة دي حصلت معايا في الأوكتافيا بعد ما نضفت البوابات والجهاز كان بيقرا عيب في حساس الهواء Air Mass Sensor لما فكرت أغيره طلع غالي موووووووت دورت على النت لحد ما لاقيت طريقة فكه وتنظيفة والحمد لله ربنا ستر وإتظبطت.

استاذ/ fakharany
هيا المشكله اللى كانت عندك فى الاوكتافيا كانت عباره كان العربيه بدوس بنزين لوحدها او بمعنى اخر الار بى ام بيعلى لوحده فجأه

المشاركة الأصلية كتبت بواسطة ali_abdelhamid

استاذ/ fakharany
هيا المشكله اللى كانت عندك فى الاوكتافيا كانت عباره كان العربيه بدوس بنزين لوحدها او بمعنى اخر الار بى ام بيعلى لوحده فجأه

أنا فاكر إني كنت رديت قبل كده بس دخلت النهارده ملاقيتش الرد ، لأ موضوع إن العربية كأنك بتدوس بنزين لوحدها أو ال أر بي إم بيعلى لوحده دي حصلت معايا قبل كده وطلع حساس الكرنك