تقرير مصور لاستهلاك الوقود في البيرسونا 2012

**mohammad_rady** · 31-01-2012 01:46 AM

التقرير يوضح استهلاك الوقود في البيرسونا اليجانس 2012 اوتوماتيك مع حمولة السائق فقط في حالة رياح عاديه فكانت السرعه 100 كم عند 2500 لفة مع استخدام مثبت السرعة كان 4.7 لتر لكل 100 كم وهذه الارقام من واقع تجربتي فعند رفع السرعة لما يقرب 130 كم لكل ساعه يرتفع معها الاستهلاك ل 6.7 لتر لكل 100 وعند رفعها اكتر ل 160 كم يرتفع معها الاستهلاك لما يقرب ال8.5 لتر لكل 100 وبالمناسبة وبما اننا وصلنا لل160 كم فالثبات عندها اكتر من رائع وعند الوصول ل180 يصل الاستهلاك ل 9 لتر لكل 100 وده اخر ما وصلت له والثبات ايضا كان اكتر من رائع اتمنى ان اكون قد افدت ولو بشئ بسيط لانني كثيرا ما استفدت من هذا المنتدى وغيرة لارشادي لاتخاذ القرار في شراء السيارة والان مع الفيديو [youtube]http://www.youtube.com/watch?v=bAjnR-aXxYM[/youtube]

**eng.m7md.ali** · 31-01-2012 03:47 AM

ربنا يباركلك فيها
بس ازاي ال rpm على 2.5 وانت ماشي على ال 100 كم ؟؟

**mohammad_rady** · 31-01-2012 04:58 PM

برجاء التوضيح ايه المشكله في كده ال100 كيلو بتكون عند 2500 لفة؟؟؟؟؟؟

**SALAHHAKIM** · 31-01-2012 05:57 PM

ربنا يبارك فيك وفيها هو المتوسط بين 6 لتر الي 10 حسب السرعة والزحام

**moh2015** · 31-01-2012 05:57 PM

يا جماعة انا بعاني بجد من استهلاك البرسونا
16 لتر لكل 100 كيلو
علما بان مشاويري في الزحمه
و عامل بالعربية 700 كيلو
اعمل ايه

**eng.m7md.ali** · 31-01-2012 06:42 PM

المشاركة الأصلية كتبت بواسطة mohammad_rady

برجاء التوضيح ايه المشكله في كده ال100 كيلو بتكون عند 2500 لفة؟؟؟؟؟؟

لا مفيش مشاكل خالص ياباشا
انا عندي بتبقى السرعة 100 وال rpm على 2.8 مش 2.5
هو الrpm عند حضرتك والعربية واقفة على كام؟

**mohammad_rady** · 31-01-2012 07:35 PM

عدد دورات الماتور في حالة الوقوف قبل تسخين السيارة الكمبيوتر بيرفع عدد اللفات ل1200 تقريبا اما بعد التسخين وده بياخد حوالى دقيقة ونص تقريبا اوتوماتيكيا تقل الدورات ل800 لفة تقريبا

**tamerosman** · 01-02-2012 12:16 AM

المشاركة الأصلية كتبت بواسطة moh2015

يا جماعة انا بعاني بجد من استهلاك البرسونا
16 لتر لكل 100 كيلو
علما بان مشاويري في الزحمه
و عامل بالعربية 700 كيلو
اعمل ايه

انا عندى نفس المشكلة ، الاستهلاك فى الزحمة بيكون حوالى 130 كم / صفيحة و كومبيوتر الاستلاك بيقبى متوسطه 12 لتر ( بدون تكييف )

فى السفر الاستهلاك بيكون حوالى 200 كم صفيحة

العربية عاملة 3000 كم

انا استنتاجى ان العربية بتاكل بنزين جامد على السلانسيه مع الوقوف فى الزحمة اكتر من اى عربية تانيه .

**mohammad_rady** · 01-02-2012 12:48 AM

والله انا ماقدرش احكم اوي على الموضوع ده لان كل الطرق اللي بمشي عليها سفر من السويس للقاهرة والتنقل داخل السويس كله برضه على طرق سريعه بدون اشارات او زحام بس موضوع السفر عندك ده اظن انه غريب شويه لاني بروح القاهرة وارجع واقضي مشاوير كتير داخل البلد يعني بمشي حوالي 300 كم + الاستهلاك في الزحام ولما برجع المؤشر مش بيعدي نص الربع التاني من التانك يعني علامة ونص او اكتر سنه قليلة فاظن ديه ممكن تراجع فيها التوكيل لاني اظنه مش طبيعي مع العلم اني قمت والتزمت بعملية التليين حسب التعليمات تماما وكلها اخدت 1300 كم في اقل من اسبوع + ان ممكن حضرتك تكون سافرت على سرعه عاليه جدا وكان الهوا في وش العربية علشان كده عملت المعدل ده الكلام اللي انا باتكلم عنه بيكون في حدود سرعه من 100-110 كم/ساعه ولو راجعت الموضوع فوق هتلاقي المعدل الاستهلاكي طبقا للتجربة مختلف من سرعه لاخرى واكيد برضه هايختلف مع اختلاف الحمولة ارجو اكون اضفت ليك معلومة

**mohammad_rady** · 01-02-2012 01:13 AM

بالاضافه اني بحاول اخلي العربية تتحرك بسلاسه قدر المستطاع بمعنى اني بخلي السيارة تتحرك على 800 لفة وارفعها بسلاسه حتى 1500 لفة على اقصى تقدير وتتم كل الغيارات حتى الثالث على هذا العدد من اللفات اما لو ضغطت بشدة على دواسة البنزين هتم الغيارات من 2500 ل3000 لفة واظن ان ده بيزود الاستهلاك بمعنى اصح سلوك القيادة ببيغير من استهلاك البنزين وكذا الدخول على المطبات البعيدة والملفات على الطرق السريعه حاول انك تستفيد من الدفع المكتسب للسيارة بمسافة كافية منه توفير للبنزين ومنه توفير لاستهلاك الفرامل برده هههههههههه من خلال نقل ناقل الحركة على وضع d بمسافة طويله السيارة ممكن تمشي اكتر من كيلو ونص بدون استهلاك اضافي وكذلك في داخل البلد حاول استخدام فرامل الموتور اكتر من الفرامل الاساسية للسيارة ده هيحسن معاك الاداء كتير وهيحافظ على السيارة وان شاء الله يتحسن الاستهلاك معاك