بفكر فل ياريس

**ابوشريف** · 30-05-2008 04:19 PM

المشاركة الأصلية كتبت بواسطة sa3dawy

تجربتى مع الياريس بعد ال حوالى 7000 كيلو...
العربية شكللها تحفة من جوه ومن بره وعصرى جدا......خامات داخلية متوسطة لكن العربية عموما كتقفيل وصاج ممتازة.....الباور بتاعها بجد حاجة تحفة لانه الكتريك ....الموتور قوى وتسارعة ممتاز رغم ان عربيتى اوتوماتيك لكن الصراحة بعد المية وعشرين التجميع بيبقى اقل من المتوسط كمان صوت الموتور مزعج حبتين والكلام دا قالوه عن موتورها على سايت زى وات كار......العفشة بتاعتها ناعمة بس الكورولا انعم سواء ال 2007 او الجديده ......استهلاك البنزين جوه البلد الصفيحة ال 20 لتر بتعمل حوالى 250 كيلو وعلى السريع حوالى 350 كيلو دا بالنسبة للاوتوماتيك مع سواقة هادية جدا من غير حرق يعنى....العربية عالية ن الارض ودا بيريحك اوى مع المطبات والشوارع المددغة....بالنسبة للمساحة الداخلية ممتازة واكتر من ممتازة كمان بالنسبة للفءة دى والشنطة كمان معقولة جدا.....العربية بجد اجمالا كتكوتة كده وناعمة اوى ومثالية جدا جدا للقيادة داخل المدن .......العيب الى فيها بجد ودا اعتقد انه عيب واضح ولا مجال للشك فيه هو ادء السيارة على الطريق السريع وثباتها بعد ال120 بجد اقل من المقبول بل يعتبر سىء جدا ودا عيب مش قليل ...انا هحاول كده على الصيف اجنطها جنط يكون عريض شوية جايز يظبط العربية شوية غير كده العربية زى ماقلت يابانى اصلى ههههه وتيوتا وكده وبعدين لو قارنتها بكل العربيات الى الى فى تمنها زى الاوبترا والانسر ال 1300 والماتريكس ودا عن تجربة هى هتكسب وبالنسبة لموضوع الثبات فانا ارجع واقول من الاخر الطرق المصرية اغلبها من الافضل اننا منعديش عليها 120 واسف على التطويل يا جماعة وياريت يكون كلامى يفيدك بخصوص الياريس......

نشكرك أخى سعداوى على صراحتك فى تقييم الياريس بس انت كده حيرتنا

بعد تجربتك ليها المده دى لو رجع بيك الزمن لمرحلة ما قبل الشراء

هل حتختار الياريس برضه ولا حتغير رأيك ؟؟؟؟؟؟؟

**دموع الثلج** · 30-05-2008 05:11 PM

المختصر المفيد عن تجربه الياريس عربيه اكثر من ممتازه فى كل المزايا

لكن الياريس مش عربيه تسارع وشد يا جماعه اليارس سياره داخل المدينه ومناسبه جدا لشوارع مصر اللى اخر السرعه فيها 40

الياريس تقفيل وموتور وعزم وتوفير بنزين وشكل ومساحه 10\10

مش عربيه تسارع وده عن تجربه تقدر تجيب بيها 160 كمان فى خطوط مستقيمه لكن تحس ان العربيه بتطير من الارض

**sa3dawy** · 30-05-2008 09:17 PM

هختاار ياريس عشان اهم حاجة عندى فى الاخر جودة الصناعة والتقفيل واسم الشركة الى انا بتعامل معاها وسعر اعادة البيع عشان انا من الناس الى ممكن يبيعوا فى اى وقت...

**mohamed ibiza** · 30-05-2008 11:06 PM

المشاركة الأصلية كتبت بواسطة hazem_khidr

و انا من ملاكها يا محمد مش ركبتها مره و خلاص
انا راكبها 10 الا ف كيلو مش ركبتها كيلو لا تنين ولا حتي 100.
و ميت مره اقول يا جماعه ثباتها معقول و في الفئه بتاعها كويس اوي مش مطلوب منها اكتر من كده .
ما قولناش ثباتها جبار.
ثباتها كويس
و بعدين موتورها 85 بس مش 92
92 دي نصب من التوكيل و برضه ال 85 كافيين اوي ليها.

معاك يا حازم ثباتها هيبقي معقول في حدود 140 تقريبا معتقدش انها في 170 180 و انت طالع هتبقي ثابتة و كويس انك قلتلي انها 85 معلش غلطة نتيجة نصب التوكيلات:)

**hazem_khidr** · 30-05-2008 11:38 PM

المشاركة الأصلية كتبت بواسطة mohamed ibiza

معاك يا حازم ثباتها هيبقي معقول في حدود 140 تقريبا معتقدش انها في 170 180 و انت طالع هتبقي ثابتة و كويس انك قلتلي انها 85 معلش غلطة نتيجة نصب التوكيلات:)

ولا يهمك يا باشا احنا بنوضح و في الاول و الاخر دي كلها شويه حديد و حيجي اليوم اللي نغيرها باذن الله :).