بفكر فل ياريس

**slayer** · 29-05-2008 06:32 PM

يا جماعه يريت حد يفيدنى أنا هجيب عربيه جديده و مش عارف اجيب ايه بس انا فككرت كتيير فيل ياريس بس ناس بياولو خافيفا و ناس الو تابلوهه عادى اوى و ناس الو ناعمه بزياده

**crazylambada** · 29-05-2008 07:07 PM

طب ما تشوف كيا سيراتو في نفس السعر
بتبدي ب90 الف جنيه في التوكيل و 87 الف جنيه الخليجي
و عندك كمان عربية تحفة اسمها جين 2 هاي لاين
و دي تختلف بشكل كبير عن جين 2 الحالية و تمنها في حدود 94 الف جنيه
و على فكرة الجين 2 اتقل من الياريس ب300 كيلو و دي مش حاجة بسيطة
لان الاوكتافيا اتقل من الجين 2 100 كيلو بس

**dogma** · 29-05-2008 08:09 PM

لو سمحت ممكن حد يكون جاب الياريس ينصحني لاني معجب بيها قوي
بس خايف من الموتور عشان 1300 بس
ياترى اداءه عامل ايه علما باني احب اشغل التكييف علطول دة غير اني بسافر كتير
وحاجة تانية انا لما قعدت فيها مشفتش الكبوت خالص وانا مش متعود اسوق كدة ياترى ايه رأيكو في الموضوع دة حيأثر لما تيجي تركن او في الشوارع الضيقة

**nav man** · 29-05-2008 08:26 PM

في موضييع كتيرة عن اليارس في منتدي تويوتا شوفوها.والله وانا بفكر فيها.وبالناسبة للثبات كل اخواتنا اللي معهم اليارس قالوا ان ثباتها حلو اظن انك مش هتجري اكتر من 150 او160 والف مبروك مقدما

**waleed24ag** · 29-05-2008 09:39 PM

بالنسبه للاخ سلاير ااقدر ااقولك بعد تجربه الياريس لمده شهرين حوالي 4000 كيلو العربيه تحفه زي الفلانا معاي فول اوبشن اتوماتيك العربيه زي الفل تسارع قوي جدا تابلوه تحفه تكييف زي الفل كل حاجه كويسه العيب الي الناس بتقول انه فيها و هيا اساسا مجربتش العربيه انها خفيفه كل دا علشان العربيه عاليه عن الارض رغم ان دي ميزه الناس حولتها لعيب لكن انا جربت العربيه اول ما جبتها حالي 170 - 180 و العربيه فاضيه و المتوتور ال 1300 بتاعها روعه و مناسب جدا ليها ناس كتير بتشكك في جوده العربيه إن شاء الله اوصل مصر هرفع صور كتيره للعربيه الياريس في السلفادور و امريكا و المانيا في السلفادور هنا انتشارها عالي جدا و الناس بتعتبرها من العربيات القويه الياريس هيا الوحيده تاي قدلات تكسر احتكار ماذدا لسوق السلفادور و اي سؤال في العربيه انا تحت امرك

**hazem_khidr** · 29-05-2008 10:34 PM

و انا عن تجربه 5 شهور و 10 آلاف كيلو
اقدر اقولك اني لو رجع بيا الزمن تاني مش حجيب غير ياريس.
1.موتور محترم
2.شكل جذاب
3.تقفيل و جوده خامات ممتازه.
4.ثبات معقول رغم كل المشككين في ثباتها عن غير تجربه

**mohamed ibiza** · 29-05-2008 10:39 PM

يا جدعان من غير تجربة ايه معاذ الشرباصي جرب العربية و بيقول ثباتها تعبان كمان مل الجواب باين من عنوانه العربية وزنها 1010 كيلو انا مش بشكك يها كموتور العربية موتورها حلو و جراي بس خفيفة و ملاك الياريس هنا كتير قالو ان ثباتها مش اد كده 92 حصان علي 1010 كيلو !!!!!!!!!!!!!!!!!!!!!!!!!!!!!!!!!!!!!!!

**hazem_khidr** · 29-05-2008 11:08 PM

و انا من ملاكها يا محمد مش ركبتها مره و خلاص
انا راكبها 10 الا ف كيلو مش ركبتها كيلو لا تنين ولا حتي 100.
و ميت مره اقول يا جماعه ثباتها معقول و في الفئه بتاعها كويس اوي مش مطلوب منها اكتر من كده .
ما قولناش ثباتها جبار.
ثباتها كويس
و بعدين موتورها 85 بس مش 92
92 دي نصب من التوكيل و برضه ال 85 كافيين اوي ليها.

**slayer** · 30-05-2008 02:53 AM

شكرا يا جماعه على الردود انا كمان بفكر فى السيراتو الجديده

**sa3dawy** · 30-05-2008 06:20 AM

تجربتى مع الياريس بعد ال حوالى 7000 كيلو...
العربية شكللها تحفة من جوه ومن بره وعصرى جدا......خامات داخلية متوسطة لكن العربية عموما كتقفيل وصاج ممتازة.....الباور بتاعها بجد حاجة تحفة لانه الكتريك ....الموتور قوى وتسارعة ممتاز رغم ان عربيتى اوتوماتيك لكن الصراحة بعد المية وعشرين التجميع بيبقى اقل من المتوسط كمان صوت الموتور مزعج حبتين والكلام دا قالوه عن موتورها على سايت زى وات كار......العفشة بتاعتها ناعمة بس الكورولا انعم سواء ال 2007 او الجديده ......استهلاك البنزين جوه البلد الصفيحة ال 20 لتر بتعمل حوالى 250 كيلو وعلى السريع حوالى 350 كيلو دا بالنسبة للاوتوماتيك مع سواقة هادية جدا من غير حرق يعنى....العربية عالية ن الارض ودا بيريحك اوى مع المطبات والشوارع المددغة....بالنسبة للمساحة الداخلية ممتازة واكتر من ممتازة كمان بالنسبة للفءة دى والشنطة كمان معقولة جدا.....العربية بجد اجمالا كتكوتة كده وناعمة اوى ومثالية جدا جدا للقيادة داخل المدن .......العيب الى فيها بجد ودا اعتقد انه عيب واضح ولا مجال للشك فيه هو ادء السيارة على الطريق السريع وثباتها بعد ال120 بجد اقل من المقبول بل يعتبر سىء جدا ودا عيب مش قليل ...انا هحاول كده على الصيف اجنطها جنط يكون عريض شوية جايز يظبط العربية شوية غير كده العربية زى ماقلت يابانى اصلى ههههه وتيوتا وكده وبعدين لو قارنتها بكل العربيات الى الى فى تمنها زى الاوبترا والانسر ال 1300 والماتريكس ودا عن تجربة هى هتكسب وبالنسبة لموضوع الثبات فانا ارجع واقول من الاخر الطرق المصرية اغلبها من الافضل اننا منعديش عليها 120 واسف على التطويل يا جماعة وياريت يكون كلامى يفيدك بخصوص الياريس......