قررت اشتري هينوداي وعاوز نصيحه

**AshTurbo** · 04-02-2012 03:48 AM

ألنترا فئة gl هاي لاين أتنين آير باج و abs والسعر في حدود 137 ألف ده بالنسبة لعوامل الأمان الموجودة في مصر برة مصر العربية دي أفضل عوامل أمان في فئتها ومش هكتبهملك كلهم علشان أيدي متوجعنيش بس للأسف بره مصر .

بالنسبة للفرامل أنسى النقطة دي وياريت اللي مجربش ميقولش رأيه يعني حاجة مجربتهاش بتقول رأيك فيها أزاي ؟ الفرامل ممتازة ومش محتاجه ABS كمان .

بالنسبة للثبات خدها من واحد بيجري بغباء العربية محترمة جداً جداً عيب واحد بس هتواجه علشان العفشة التورشن بيم وهي في المنحنيات لو في نقرة أو غطاء بلاعة هتلاقي ظهر العربية نط نطة بسيطة وبترجع تاني عادي جداً طبعاً للأمانة يفضل متجريش وتاخد المنحنيات بشكل طبيعي وبما أنك قولت أنك مش بتاع جري يبقى مفيش داعي للقلق .

**AshTurbo** · 04-02-2012 03:52 AM

المشاركة الأصلية كتبت بواسطة medo111

لو بتدور علي امان وثبات اكيد مش هتلقيهم في عربيه كوري

ده كان زمااااااان : ) >>>> خد دي

http://www.hyundaiusa.com/elantra/safety.aspx

بتعرف تعد P :

**devil_storm** · 04-02-2012 08:14 AM

انا شايف الافضل بالترتيب ده

النترا 2011
اكسنت rb
i20

اما اللى بيقول فرامل الالنترا 2012 مش كويسة فياريت يتكلم عن تجربة مش ترديد كلام بيسمعة, انا جربت فرامل النترا 2012 فولى لودد و كانت قوية جدا جدا و اديها امتياز ... طبعا كان فيها abs و جنوط... معرفش بقى الفئات الاقل فراملها ازاى بس معتقدش حتكون وحشة لان هيونداى اتطورت جامد جدا فى الفترة الاخيرة و الفرامل نقطة حيوية فى تقييم العربيات برة.

حاجة اخيرة عايز اقولها للى بيقول فرامل الهيونداى وحشة... بقولة يمكن يكون الكلام دة صح زمان لكن دلوقتى لا, يعنى كنت قريت ريفيوهات بتقارن فرامل السيارات و فوجئة بالنتائج التالية:

فرامل السوناتا افضل من الكامرى (مسافة التوقف)
فرامل الجنسيس افضل من bmw الفئة الخامسة (مسافة التوقف)

**yoko** · 04-02-2012 08:56 AM

بدام يهمك الأمان يبقى يا تجيب أعلى فئه فيهم (الي فيهم إيرباج وabs) يا تبعد عنهم خالص

**medo111** · 04-02-2012 05:52 PM

المشاركة الأصلية كتبت بواسطة AshTurbo

ده كان زمااااااان : ) >>>> خد دي

Elantra Safety

بتعرف تعد P :

اعد ايه يا باشا دي العربيه الي بتنزل في امريكا
هنا بيقلولك هتاخد اير باج واحده ولا اتنين
وايه الي كان زمان هما عشان عملين شكل العربيه فظيع والتابلوه روعه يبقي كدا خلاص كان زمان
لسه بردو بيعملو الباور الكهربا لحد الوقتي بايظ وبيستخدمو الزيت العادي

**AshTurbo** · 05-02-2012 11:44 AM

المشاركة الأصلية كتبت بواسطة medo111

اعد ايه يا باشا دي العربيه الي بتنزل في امريكا
هنا بيقلولك هتاخد اير باج واحده ولا اتنين
وايه الي كان زمان هما عشان عملين شكل العربيه فظيع والتابلوه روعه يبقي كدا خلاص كان زمان
لسه بردو بيعملو الباور الكهربا لحد الوقتي بايظ وبيستخدمو الزيت العادي

مانا عارف أنها اللي بتنزل أمريكا كوري ولا مش كوري ؟ هو مش انت بردوا قولت متدورش على أمان وثبات في عربية كوري ؟ هاتلي بقى عربية ياباني أو ألماني فيها الأنظمة دي كلها وبنفس سعر وفخامة الألنترا وباور أيه اللي بايظ وزيت أيه العادي أنت بتقول أيه ؟