الموضوع: اول مشاركه ليا وعاوز نصيحه من اهل الرأى

ال 190 غير ال 200 ال 200 غاليه ال 190 كان قدامى واحده 94 كانت ب 44 الف ده قبل الفصال طبعاً
والصراحه عربيه حلوه جداً جداً جداً
رأى انا انك تبعد عن الهاتشباك العالى والصغير ده زى النيفا والتيريوس والحاجات د ى لانها خطر جداً فى الملفات وبتبئا مش لذيذه فى الجرى والسرعات العاليه

ودى اراء بعض الناس فى المنتدى هنا


1- التيريوس القديمة سيارة مدينة جيدة لكن ثباتها فعلا مش جامد لان جسمها عالى على قاعدة عجلات ضيقة..... يعنى لو مش هتسافر بيها كتير و لا هتمشى على سرعات عالية اوى هتبقى كويسة.
2- استهلاكها للبنزين كويس لان موتورها 1300
3- قطع الغيار متوفرة و الدليل استمرار وجودها لاكتر من 10 سنين
ارجو اكون افدتك و بالتوفيق


جنوط وكاوتش عريض وعدم تهور في القيادة على السرعات العالية يبقى موضوعها اتحل غير كده مفيش مشكلة
وانصحك بكثرة الأستخارة لكي ترزق الخير ان شاء الرحمن


انا ركبنت العربية دى قبل كده فعلا بعد الـ 100 فى الملفات سيئة جدا و دا متهيألى طبيعى نظرا لإرتفاعها و مقاس جنطها بس متهيألى كويسة كسيارة مدينة مش بتاعة جرى و سفر على سرعات

هي ثباتها مش قد كده بعد ال 120 و لما تلف بيها ملف بتحس بعدم ازان .. بس يمكن بيزيد الشعور بيه ان انت عالي شوية اكتر من عدم اتزان العربية نفسها
بس ده حال اغلب العربيات دي ..
عندك الوكيل ( عبد اللطيف جميل ) قطع غياره معقوله .. لا رخيصة ولا غاليه .. يعيبه التنطيط علي العملا في السعودية علي عكس مصر

لو انت بتحب السواقة بسرعات عالية و يهمك الثبات، طب ليه بتفكر فى عربية عالية عن الارض و بالتالى مقاومة الهواء لبودى العربية بيزود الاحساس بعدم الثبات على السرعات العالية؟

التيريوس سيارة جيدة فى كل النواحى الا انها عايزة حد سواقته هادية و مش بتاع شد و حرق و كلام من ده...... يعنى من الاخر هى تميل الى ان تكون سيارة عائلية و لو نظرت اليها هذه النظرة ستجدها توفى كل احتياجاتك.....

حاجة تانية انا لاحظتها فى ردودى على كل من يسأل عن التيريوس..... اللى بيسأل عن التيريوس بيبقى عين فى الجنة و عين فى النار..... من ناحية عنده عربية قوية و تستحمل و شكلها حلو و عالية و عائلية و فى منها كذا فئة تناسب كذا ميزانية و مانيوال و اوتو الى اخره من مميزات التيريوس المعروفة...... و من ناحية تانية تلاقيه بيدور على الثبات و امكانية الجرى و الشد و الحرق و الغرز كمان.....

لكل من يجد نفسه فى نفس الحيرة و عين فى الجنة و عين فى النار..... عليك ان تحدد اولوياتك فى السيارة التى ستشتريها، لان هو ده الفيصل..... لما تعرف عايز من العربية ايه تأكد تماما من ان اختيارك سيرضيك و يوفى احتياجاتك بدون ما يخليك تحس ان فى حاجة نقصاك..... يعنى الواحد ما يجيبش تيريوس و يحاول يجيب بيها 160 و يستغرب هى ليه مش ثابتة؟


http://www.nilemotors.net/Nile/180473-1997-2001-a.html

http://www.nilemotors.net/Nile/7041-a.html

http://www.nilemotors.net/Nile/30536-a.html