الموضوع: مين يفيدني في شراء ارض بها ورثه قصر

المشاركة الأصلية كتبت بواسطة نور القمر

المجلس الحسبي لما المتقدم للولاية بيروح يسجل فيه املاك القصر مش بيسأل ولا بيحاول يتأكد المتقدم ده اثبت كل حاجة ولا لأ
يعني بزراميط زي كل حاجة في مصر
يعني ممكن اصلا الارض دي متكونش متسجلة عند المجلس الحسبي

كلامك صحيح في حالة الاموال السائلة والمنقولات ممكن ما تتسجلش لكن العقارات صعب جدا انها ما تتسجلش
وحتى لو ما اتسجلتش .... ازاي ح يتم البيع ؟؟
الارض باسم الوالد واعلام الوراثة فيه اولاده وطبعا تاريخ الميلاد ح يأكد انهم قصر .... يبقى علطول اي اجراء على الارض سواء بيع او رهن او تقسيم او اي حاجة ح تبقى بموافقة المجلس الحسبي

بس دي مش نقطتنا المهم احنا نمشي مظبوط وقانوني عشان مستقبلا محدش يتكلم
انا نخدتش بالي في الاول ان المعروض للبيع قيراطين بس
طيب دلوقت الاخ الاكبر هايبيع قراطين بس هل القراطين دول نصيبه هو بس ؟
في الحالة دي حضرتك لازم تأمن نفسك لو الارض عاجباك
هتخليه يعمل عقد تقسيم بينه وبين اخواته بحدود قطعة كل واحد منهم ويمضي عليها شهود والولي بالنيابة عن القاصر اذا مكنش هو الولي
وهتاخد صورة من عقد التقسيم

اعتقد يا نور ان برضو العقد ده لازم يتم بموافقة مسبقة من المجلس الحسبي ... طبعا ده لضمان ان حق القصر لا يتم التعدي عليه في القسمة والتجنيب

وان شاء الله يرد عليك احد المحاميين في المنتدى ولو محدش رد لازم تستشير محامي وهو يكون معاك في العقود
انا كمان كنت داخلة المنتدى اسأل في مسألة تخص شحص عليه حكم بالقوامة

المشاركة الأصلية كتبت بواسطة naser_56

عموما ياجماعه فيه توضيح مهم وهو ان الارض مسجله باسم الابناء الثلاثه وفيه عقد مسجل من الاب قبل وفاته باسم ابنائه الثلاثه وواجهه الارض طبعا حوالي ٤٠ متر * ٣٠ وكان الاتفاق علي استقطاع جزء بمساحه واجهه ١٢ * ٣٠ وطبعا الجزء الذي انوي شرائه غير مفروز وان كان سوف يتم فرزه بمعرفه المالك عن طريق بناء حائط للفصل بين الملك ولكم جزيل الشكر

الفرز مش ببناء سور او ما شابه ذلك
المقصود بالفرز هو فصل الملكية وتحديد ارض كل مالك بالشكل القانوني .0.... بيتعمل حاجة اسمها دعوى فرز وتجنيب تقريبا
ودي بيكون نتيجتها تحديد كل حصة وفصلها عن الآخرى بكشوف المساحة بالشهر العقاري
مش مجرد بناء سور
واخيرا دي خبرتي الواقعية من واقع تجربة مشابهه .... وبرضو رأي الزملاء المحامين هو الفيصل

المشاركة الأصلية كتبت بواسطة naser_56

طيب ياحج المحامي كان يلح علي المالك ببناء اي سور يفصل بين باقي الملك وطبعا اتفقت مع المحامي ان التسجيل يكون صحه ونفاذ حيث اني عند سؤالي المحامي عن التسجيل اخبرني بوجود نوعين من التسجيل احدهم وهو صحه ونفاذ وكان بيقولي ده اجرائات تسجيله طويله وبتاخد حوالي ٣ شهور ويكلفني ٣٥٠٠ جنيه والاخر وهو صحه توقيع وده بسيط وبياخد حوالي اسبوع او ١٥ يوم مثلا وتكلفته ٥٠٠ جنيه فقط ولما انا قلت له خلينا في الافضل فأكد لي بأن الصحه والنفاذ هو الافضل وطلب مني ان اقوم بعمل توكيل عام في القضايا له بسبب ظروف سفري وطلب ضروره بناء سور يفصل بين الملك من البائع حيث اخبرني بأن الصحه والنفاذ يستلزم ذلك بسبب قيام هيئه المساحه بالقياس فا ايه رائيك في الحوار ده والف شكر علي تعبك وردودك الوافيه ربنا ما يحرمنا منك ولك جزيل الشكر

الاحراءات مش ح اقدر افيدك فيها اوي
في انتظار راي الزملاء المحامين