الميكانكى عمل حاجة فى الايدلر ومش عارف مظبوط ولا بيقول اى كلام

**meda2711** · 01-02-2012 03:55 AM

بسم الله الرحمن الرحيم

العربية عندى كانت عندى فيها مشاكل الصبح بتدور عادى مارش من اول مرة بس تبطل اول ما تدور لازم اديها بنزين علشان تدور وكمان لما بديها بنزين ممكن تبطل وبتبقى مخنوقة ده لما بتدور الصبح و نتشة فى الغيارات و السحب قلبل شوية

المهم وانا بدورها الصبح علشان اوديهاله لقيتها مش بتدور خالص مش لاقطة المهم طلعت البطارية بايظة مكملتش 8 شهور فارتا من مبروك غطاطى جافة روحت جايب واحدة جديدة بعد ما اتأكدنا انها بايظة ومش قابلة شحن وكشفنا على شحن الدينامو وطلع تمام مفهوش حاجة المهم قالى ممكن البطارية تكون هى اللى عاملة المشاكل دى علشان ضعيفة بس لما جربتها هى هى لسه المشاكل فاستبعدنا السبب البطارية

المهم خدها وحطها على جهاز كشف الاعطال طلعلوا الايدلر بايظ راح مركب واحد تانى من عربية تانية " فيستا برضوا" طلع هو كمان بايظ ركبلها بتاع الاكسبلور مش عارف موديل كام بس الايدلر ده مفهوش مسمار الظبط زى بتاع الفيستا لا هو مقفول ومفهوش مسمار ظبط خالص

العربية سحبها بقى عالى اوى اوى اوى عمرى ما شوفتها بتسخب كده بقت الموتور صوته هدى والنتشة مفيش خالص فقالى كده كده ده استيراد من الراجل وعايز يبيعوا وطالما ظابط العربية خليك مركبه وهو كده كده نفس المنظومة ومش عارف ايه ومفيش ضرر من انه ميكنش بتاع نفس الموديل

المهم ان الاداء بقى احسن بكتير جدا والموتور صوته بقى اهدى بس فيه حاجة وهو بيقولى ده الطبيعى اصلا انى لما ببقى ماشى مثلا ودوست دبرياج علشان افرمل المفرو الموتور بيهدى فجاءة لأ ده بقى يهدى مش مرة واحدة لا بيهدى بعد وقت كصوت يعنى مثلا كان بيهدى فى ثانية بقى يهدى بعد 5 هل ده طبيعى زى ما الميكانيكى بيقول ؟؟؟

وهل عادى انى افضل مركب الايدلر ده مع انه مش بتاع العربية اصلا ؟؟؟

معلش طولت عليكم وشكرا مقدما

**aYaBooY** · 01-02-2012 11:32 AM

كون ان العربية بتبرجل في الدوارة الصبح مش معني كدة انه الادلر على طول
ممكن يكون فيه مشكلة في خراطيم البي سي فالف او طبة فتحة تزويد الزيت و ديه معلومة علشان لو حصلت عند حد مش تشكيك في الي حصل عندك
ثانيا بما ان الادلر ده ظابط الدنيا يبقي كويس و كون ان العربية الموتور بيهدي واحدة واحدة ده معناه ان الادلر ممتاز
مطلوب تعرفلي الادلر ده بتاع موديل ايه من الاكسبولرر بالظبط
و جبته بكام

**mido51eg** · 01-02-2012 11:37 AM

هو الأدلر ده موجود في الأسكورت 1300 ؟ وايه وظيفته بالظبط؟

**aYaBooY** · 01-02-2012 11:50 AM

المشاركة الأصلية كتبت بواسطة mido51eg

هو الأدلر ده موجود في الأسكورت 1300 ؟ وايه وظيفته بالظبط؟

لا مش موجود عندك بك سلانسيه

**meda2711** · 01-02-2012 02:14 PM

المشاركة الأصلية كتبت بواسطة ayabooy

كون ان العربية بتبرجل في الدوارة الصبح مش معني كدة انه الادلر على طول
ممكن يكون فيه مشكلة في خراطيم البي سي فالف او طبة فتحة تزويد الزيت و ديه معلومة علشان لو حصلت عند حد مش تشكيك في الي حصل عندك
ثانيا بما ان الادلر ده ظابط الدنيا يبقي كويس و كون ان العربية الموتور بيهدي واحدة واحدة ده معناه ان الادلر ممتاز
مطلوب تعرفلي الادلر ده بتاع موديل ايه من الاكسبولرر بالظبط
و جبته بكام

طب الحمد لله
هو قالى الايدلر بايظ لما حطها على جهاز كشف الاعطال وطلعلوا انوا ايدلر وبعد معاناة اننا نظبطها بالكشف على الخراطيم وتنظيف الماف والبوابة وكل حاجة :(

والايدلر هبقى اسأل الميكانيكى ده بتاع موديل كام وهو الميكانيكى جايبوا فاكه من ماتور يعنى استيراد ب 350 جنيه مع العلم ان الايدلر اللى غيرته ده كنت مغيره من كام سنة وكنت جايبه جديد ب 600 جنيه بس حد ابن حلال لعب فى المسمار بتاعه بوظه ف متهيألى 350 جنيه فى ايدلر اكسبلورر كويس

**aYaBooY** · 01-02-2012 02:19 PM

لعب في المسمار مممممم
طيب لما اتحط على جهاز كشف الاعطال معرفش يظبط المسمار تاني ؟؟
هابقي اسالك فيها ديه
علشان حد كان لعب في مسمار البوابة و قطب رجعة زي ما كان الدنيا اتظبطت بعد كدة هاشوفلك ايه اخبار الادلر
السعر كويس و خصوصا اني مش مقتنع ان الادلر الجديد يسوى 600 جندي

**meda2711** · 01-02-2012 02:28 PM

المشاركة الأصلية كتبت بواسطة ayabooy

لعب في المسمار مممممم
طيب لما اتحط على جهاز كشف الاعطال معرفش يظبط المسمار تاني ؟؟
هابقي اسالك فيها ديه
علشان حد كان لعب في مسمار البوابة و قطب رجعة زي ما كان الدنيا اتظبطت بعد كدة هاشوفلك ايه اخبار الادلر
السعر كويس و خصوصا اني مش مقتنع ان الادلر الجديد يسوى 600 جندي

هو ممكن يطلع انه بايظ وهو سليم محتاج ظبط بس ؟؟؟
اصل لو كده القديم معايا وممكن بكده اظبطه واخلية عندى او اديه لاى حد محتاجه

**egytamer** · 02-02-2012 02:43 AM

كنت جايب ادلر للاسكورت ب 150جنية استيراد طبعا والحمد لله شغال كويس

**aYaBooY** · 02-02-2012 10:54 AM

المشاركة الأصلية كتبت بواسطة meda2711

هو ممكن يطلع انه بايظ وهو سليم محتاج ظبط بس ؟؟؟
اصل لو كده القديم معايا وممكن بكده اظبطه واخلية عندى او اديه لاى حد محتاجه

بص الفكرة و ديه خاصة بمسمار البوابة انه يتظبط عند نقطة ثابتة و ديه صعب جدا انها تتحقق يدويا بدون وجود البرنامج
و ده ممكن يكون بيحصل مع الادلر كمان بس انا مش متاكد علشان كدة هاسال اول لما اوح اظبط العربية عندي

الموضوع: الميكانكى عمل حاجة فى الايدلر ومش عارف مظبوط ولا بيقول اى كلام

LinkBack

أدوات الموضوع

عرض

الميكانكى عمل حاجة فى الايدلر ومش عارف مظبوط ولا بيقول اى كلام - انشر الموضوع فى :

-

-

-

-

-

-

-

-

المواضيع المتشابهه

أنا مش عارف احدد زيت العربيه مظبوط ولا لا

قصيدة لأمين الديب (بيقول كلام تمام الراجل دا)

مساعده لو سمحتم من حد بيفهم فى البسات الميكانيكى بيقول كلام غريب

الكلمات الدلالية لهذا الموضوع

المفضلات

المفضلات

ضوابط المشاركة